Bah Miid inohong nu dipikahormat di lemburna, jalmana soleh jeung berehan, tukang sumbung-sumbang kaditu-kadieu, komo ka masigit mah, da tanah masigit oge wakaf ti manehna. Hiji waktu manehna ngayakeun syukuran, syukuran 25 taun "perkawinan" manehna jeung pamajikanana. Istilah kerenna mah salametan "kawin perak". Barudakna aya tiluan geus narincak dewasa. Nu cikal, awewe, malah geus rarabi najan anyar keneh oge.
Nu cikal ngagabrug sungkem ka Bah Miid, nyarita bari rambisak: " Abah miwah Umi, wilujeng ulang taun jatukrami nu ka 25. Seueur picontoeun kanggo Abdi rarabi Abah sareng Umi teh. dina ngawangun kulawarga nu sakinah mawrdah warohmah ....." "Nuhun geulis, Enung putra Abah, KULANTARAN ENUNG OGE, Abah jeung Umi JADI RARABI, ", Ceuk Bah Miid bari ngiceupan pamajikanana ...... Baktos, WALUYA