Tos beres nya kang Firman kaperluan teks surat ondangan teh? Keun wae masih beunang jieunan anjeunna anu kasebut ti generasi sepuh oge, kuang kumaha, da anu ngora can aya anu bisa, sigana, atawa waktu anu samporet keur nyuprih budak ngora anu rancage dina basa Sunda antik sakumaha kapalay.
Ngeunaan format acara, si kuring moal pati maparin ideu. Anu aya oge katingalna tos lumayan euyeub. Ngan saran wae ieu mah, ulah rame teuing sagala dicampur-adukkeun. Ceuk cenah, sakumaha dina nyieun imah, disain anu hade jeung kokoh napel dina ingetan anu ningalna oge kokoh kaayaan dirina nyaeta disain anu basajan alias sederhana tapi patri. Ieu hartina lain si kuring ngusulkeun supaya eta rencana runtuyan acara teh supaya dibolaykeun sawareh, henteu, teu kitu. Ngan, anu dimaksud usulan teh supaya dina mintonkeunana sederhana wae supaya teu dicampur-aduk anu niatna hayang rame tur alus tapi anu katingal ku penonton engke rame teu puguh. Ieu anu dimaksud ku kuring sangkan konsep sederhana atawa basajan tapi patri dikapayunkeun. Seug sakitu heula nya kang, Insya Alloh dina waktuna kuring ka Cipari, Garut; sakalian bari rek ngalongok demplot pupuk organik di Cisurupan jeung Wanaraja, hasil ngablank tea :) . Puguh geus sono ka Wanaraja teh, harita, 3 taun ka tukang, anjog ka dinya teh ka patempatan ibu ustadzah Aminah, raina kang Thontowi tea (ajengan anu sok dibebendo ceuk Mh tea mah). Ceu Aminah anu motekar dina industri sandang tina haramay tea. manAR On Wed, Jul 16, 2008 at 9:18 AM, Firman Juliansyah <[EMAIL PROTECTED]> wrote: > Adi simkuring insya allah, bade ngayakeun walimahan jatukrami pertengahan > agustus 2008 di Pasantren Cipari, Wanaraja, Garut. Dina rapat panitia > (adi-lanceuk simkuring) tos sapuk seja nganggo tema sunda somah. Temana teh > pesta panen. Suasana na siga di sisi pasawahan nu dipapaes ku taman sayuran > jeung alat tatanen. Musikna nganggo waditra sunda sareng modern kacapi > suling sareng sunda jazz ti STSI Bandung. Tawis socana bros angklung ti > saung angklung (mang) udjo. Seragamna nganggo kabaya nu tiungna digelungkeun > siga tukang lotek palemburan sareng pamegetna nagnggo setelan pangsi > barangbang semplak. Kanggo ngareureuah, musik pangbageana rampak beduk > (sukawening, garut), rampak kendang, atanapi surak ibra (wanaraja, garut) > > Alatan kitu, simkuring mundut pamendak ti palawargi sadayana manawi aya > pamendak-pemandak nu sanesna nu narik ati. Sajabi kitu, sim kuring mundut > bantosan teks surat ondangan nu nanggo basa sunda. Sukur-sukur anu rada > benten kecap-kecapna... > > > > > Firman Juliansyah > > Office: > PT Tirta Golden Boys > Jl A2 No. 41, Cipinang Muara, Jaktim, Indonesia 13420 > Ph: +62 21 8514742, Fax: +62 21 8501347 > > Home: > Jl Matraman Dalam III No 1, Rt 04 Rw 07 > Kel Pegangsaan, Kec. Menteng, Jakarta Pusat, Indonesia 10320 > > Mobile Ph: +62 81 320 656 905 > Email for YM & Friendster: [EMAIL PROTECTED] > >