Nu karasa ku kuring memang kitu di kota mah,tapi ari diembur anu ceuk urang
kota mah ,dikampung, henteu kitu.
Masih loba anu nyebut punten,ngiring ngalangkung lamun manehna ngaliwat ka
buruan, atawa nyebut bade angkat kamana bari roman anu marahmay, mun paamprok
di jalan.
Nya numatak kitu, kuring sok ngarasa bungah jeung hate tengtrem, lamun aya
kasempetan balik kalembur, ngarasa yen geuning hirup teh lain ngan ukur ngudag
ngudak harta.
Ari di kota, sigana nya kitu tea, hirup 100 km/jam.jadi taya waktu keur someah
ka tatatangga, da kaperluan eusi peujit teu weleh ngungudag.
Tapi sigana, lamun kaayaan ekonomi masyarakat sacara umum geus leuwih ti cukup,
bisa loba waktu keur hirup kumbuh, loba waktu keur kalangenan, boh keur seni
atawa olah raga, sigana watek babawaan urang sunda bakal leuwih eces.
Hade katatangnga, someh ka semah
tata
--- Pada Jum, 25/7/08, H Surtiwa <[EMAIL PROTECTED]> menulis:
Dari: H Surtiwa <[EMAIL PROTECTED]>
Topik: Re: [Urang Sunda] kakuatan kecap
Kepada: urangsunda@yahoogroups.com
Tanggal: Jumat, 25 Juli, 2008, 1:44 AM
Enya nya leres..masyarakat urang teh keur gering..teuing gering
naon..euweuh etika tata krama..koret maaf jeung permisi...ego individual
tinggi...embung disalahkeun. .teu ngarasa salah...rada2 ngajurus kulantaran
duit sagala okey....mun batur nyebut "excuse me'..urang mah "not me"....Pernah
sim kuring ramah2 ka awewe di toko Gramedia...malah disangka rek..ngagoda. ..ti
kajauhan manehna ngalirik bari curiga jeung rada nyibir.....
On 7/24/08, YADI supriadi wendy <[EMAIL PROTECTED] id> wrote:
Kecap-kecap Ajaib.
Dina widang komunikasi, hususna widang iklan, kabuktian yen
kecap-kecap "FREE" atawa "Gratis", jeung oge kecap "NEW"
alias anyar, ngabogaan daya pikat nu pohara dibandingkeun
jeung kecap-kecap sejenna. Kaampuhan dua kecap ieu salaku
'stopping power' loba pisan ngabantu ngalahirkeun produk-produk
anyar nu sabenerna mah, cukang lantaran kamajuan tehnologi
nu sumebar teu ngabogaan kaunikan utama jeung produk
sarupa nu tos aya di pasar.
Stopping Power dina wanda visual oge aya, nyaeta: bayi lucu,
istri bahenol. Tapi iklan mung bagian leutik tina pamasaran,
jeung bagian leutik pisan tina kahirupan.
Dina kahirupan sapopoe aya dua kecap nu pohara "powerful"
tapi mangkin carang dipakena. Dina salah sahiji milis, pernah
kabaca soal nu narik ati madungdengkeun dua kecap ieu.
Dina buku nu judulna "The Great Spirit", nu ditulis ku Prie GS
husus nalungtik kalayan jero pisan dua kecap ieu dimana nu
makena teu kudu mayar hak paten, tapi tetep bae mangkin
teu jadi populer.
Dina milis insan periklanan aya nu nulis ihwal rapat jeung KPK.
Salah saurang nu hadir nambut korek gas keur nyundut rokona
terus ngabalikkeun deui korekna bari teu aya basa teu aya carita.
Salah saurang pupuhu KPK negor jalma eta:"
Naha anjeun teu nganuhunkeun ka si B [nu nulis posting]?".
Terus pupuhu KPK eta teh neruskeun:"Inget, di dunya teh aya
dua kecap nu mana urang teu meunang koret. Nu kahiji "PUNTEN"
nu kadua "NUHUN". Kunaon kudu koret? Dua-duana ge gratis!".
Ti barang leutik, untungna kuring dididik dina lingkungan kulawarga
nu salamina ngaluarkeun dua kecap eta, oge terus ditepakeun ka
barudak. Tapi sering pisan barudak kuciwana. Sering kuring sadaya
balanja, saentas mayar di kasir terus nyanggem "Nuhun",
tapi kasirna ngabetem bae. Atanapi di super market pinuh,
keur jongjon ningalian barang-barang nu dipajang, kasenggol nu lian.
Terus urang ngalieuk kulantaran kaget, eh da kilangbara nyebut
"punten", malah molototan.
Di jalan, perjuangan teh mangkin beurat.
Tiap spion mobil kasenggol ku motor, boro-boro nyebut "punten"
atawa gugupay mere isyarat 'punten, teu dihaja', eh ieu mah
da si akang teh terus bae ngabur. Masih mending ketah,
teu molototan di balik kaca helmna nu poek bari
ngagerung-gerung gas motorna.
Cobian bayar tol terus ucapkeun "nuhun". Urang itung sabaraha
urang patugas tol nu ngajawab:"sami- sami" atawa "sawangsulna" .
Padahal urang teh kakoncara salaku bangsa nu ramah jeung sopan.
Di Amrik bae, urang bisa-bisa matak era parada, lantaran ngan saukur
meuli roko bae, si kasir geulis bule teh ngaberele:
"Thank you. Come again. Have a nice day..."
Aya deui nu unik dongeng babaturan. Turun tina ojeg [biasa Jakarta macet],
terus manehna nyebut:"Terima kasih, Bang".
Bang Ojeg:"Ah Bapak, pake terima kasih segale. Kan situ membayar"
He.. he.. he...
Dina hiji poe kuring milu turnamen golf di Rancamaya.
Saperti biasa isuk-isuk sok rame antri ka locker. Saperti biasa oge
kuring kapok antri bari ngalamun pami ngantri di tukangeun nu sejen.
Soalna tos sababaraha kali panto locker dileupaskeun kitu bae ku jalma
hareupeun kuring, tangtu bae ngabadug kana irung. Sapertina taya
kabiasaan urang pikeun ngalieuk ka tukang, mariksakeun bisi aya nu
lian terus nahan panto supaya teu ngabadug. Harita ge saperti biasa,
kuring taki-taki bisi panto dileupaskeun. Tapi bapa-bapa tengah tuwuh
di hareupeun kuring, ngalieuk ka tukang, nahan panto dugi ka kuring liwat.
"Nuhun, pa"
Sami-sami, yi.."
Di locker nu koridorna heureut, kuring keur masang sapatu.
Puluhan jelema, teu Korea teu Jepang, bule oge Indonesia
ngaliwat sangeunahna bae. Kuring tara protes deui, da tos biasa.
Meureun kabeh ge rusuh, kulantaran sakeudeung deui tee off.
Tapi aya hiji nu ngalangkung: "Punten yi, tiasa ngageser sakedik?"
"Mangga", bari dilieuk. Eh, si bapa nu tadi tea.
Kabeneran deuih kuring maenna sa-pairing jeung anjeunna.
Sihoreng anjeunna teh pangusaha 'super sukses' nu lebet
kana daftar jalma beunghar Indonesia majalah GLOBE.
Pami ceuk batur, sukses teh buah tina giat gawe jeung 'attitude"
mangka si bapa ieu tos ngagaduhan satengah amunisi. Soal giat
gawe, urang teu terang, kulantaran anjeunna can ngaluarkeun biografina
Meureun aya hadena urang langkung sering ngagunakeun dua
kecap nu hebat eta sareng gratis tea. Muga-muga bae nagri urang
bakal leuwih adem ayem. Insya allah....... .
___________________________________________________________________________
Bergabunglah dengan orang-orang yang berwawasan, di di bidang Anda! Kunjungi
Yahoo! Answers saat ini juga di http://id.answers.yahoo.com/
