Aya jelema keur melenyun udud di sisi jalan bari neuteup gedong agreng dipeuntaseun jalan. Teu kungsi lila jebul aya nu nyampeurkeun ngajak ngobrol. Nu nyampeurkeun teh nanya: "Sapoe sabaraha bungkus anjeun ngaroko?"
"Tepi ka dua bungkus, ngan biasana mah ngan sabungkus", ceuk nu udud bari nyeuseup haseup roko siga nu nikmat tapi panonna teu leupas tina nengetan gedong. "Geus sabaraha taun ngaroko?" "Leuwih ti 20 taun, ti saprakna mahasiswa." "Tah ki Silah, geus sabaraha tah duit didurukan. Lamun anjeun henteu ngaroko, duitna geus bisa dipake nyieun gedong agreng nu ku anjeun ayeuna keur diteuteup!", ceuk nu anti ngaroko, siga nu mamatahan. "Eta gedong teh boga kuring, ieu teh keur nengetan perlu direnovasi atawa henteu!" "???????"
