Baraya, ieu carita pangumbaraan ti Aceh, Basa ngamimitian datang ka Aceh taun 2005 kamari, pas kabeneran sapoe rek nyanghareupan bulan puasa. Sajajalan ti Bandara Sultan Iskandar Muda rek ka Kota Banda Aceh, palebah Pasar Lambaro rame pisan nu daragang daging sapi/lembu. Dina adat kabiasaan orang Aceh, dua poe saencan puasa sok aya tradisi nu disebut Meugang. Tradisi ieu mangrupakeun, masak jeung babagi dahareun gule sapi ka tatangga, baraya, fakir miskin jeung yatim piatu.
Matakna harga daging sapi bisa mahal pisan sakilona. Ayeuna bae, nincak puasa 1429 Hijriah, sakilona daging sapi di Banda Aceh bisa nepi ka Rp 100.000. Pokona nu daragang sapi mah laku pisan mun rek puasa, Idul Fitri, komo deui mun Idul Adha mah. Ulah heran mun ka Aceh, nu miara sapi teh siga miara hayam bae. Sapi-sapi teh diabur kamana-mana. Mun urang mah di lembur teh pan di kandangan. Keur tahun 2005 mah, pas Kota Banda Aceh masih keneh lenglang raruksak pedah tsunami, rea pisan sapi nu arulin di jalan-jalan tengah kota. Untung ayeuna mah geus aya aturan, sapi-sapi teh meunang diabur sangenahna. Ulah heran oge mun di Aceh plat mobil/motor teh "BL". Eta teh cingcirining singkatan tina "Banyak Lembu." Ulah reuwas oge mun manggihan di jalan, sok mendak aya bangke sapi nu katabrak ku mobil atawa bus/truk. Eta teh pedah sapi diabur sangeunahna tea siga hayam. Rata-rata sapi di Aceh mah beugang. Da pedah tara diurus bener, siga diparaban ku layer, vitamin jeung sajabana. Pan mun sapi dikandangan mah sok gararendut, eta teh pasti parabna bener. Baktos, Firkan Maulana __________________________________________________ Apakah Anda Yahoo!? Lelah menerima spam? Surat Yahoo! memiliki perlindungan terbaik terhadap spam http://id.mail.yahoo.com