Timana narasumber Trofimov ngagambarkeun kajadian di Masjidil Haram 20 November 1979 sakitu detailna, padahal manehna acan kungsi nincak ka Mekkah, sabab manehna non muslim. Dina bukuna manehna mere catetan narasumber nu dipake ku manehna. Hasil wawancara jeung saksimata. Ieu kaasup Abdul Karim Matani (Kairo, Januari 2006), Syekh Abdul Aziz Rafah al Sulaimani ( Jeddah, Februari 2006), Rida Bajamal ( Jeddah, Februari 2006) jeung nu sejenna nu embung disebut aranna (Jeddah, September 2006). Nu sejenna nu leuwih detil publikasi wawancara jamaah saksi mata nu dimedalkeun ku surat kabar Mekkah AL-NADWA 2 Desemeber 1979 jeung surat kabar Jeddah OKAZ 30 November 1979 jeung 2 Desember 1979.
Trofimov oge meunang koleksi Imam Masjidil Haram, Syekh Muhammad Subail, ngaliwatan putrana (Jeddah, September 2006). Oge wawancara Sang Imam pangalaman anjeunna jeung surat kabar Al Bilal jeung Al-Jazirah Arab Saudi nu dimedalkeun deui ku ARAB NEWS Jeddah 25 November 1979, saperti oge laporan surat kabar Al Riyadh, "Taalumat Mufassala an al-Khawarij", 1 Desember 1979 Kitu cenah ..... Baktos, WALUYA