From: sobarh <[EMAIL PROTECTED]> Subject: [wargasubang] Ganas Subang Simadu To: [EMAIL PROTECTED] Date: Friday, November 14, 2008, 8:05 AM
Baraya sadaya, Minggu kamari kuring balik ka lembur. Sanggeus nyacapkeun kasono kanu jadi kolot, tuluy gura giru ngabiur ka Cicadas rek meuli ganas si madu pesenan babaturan sa kantor. Di kantor kuring mah sohor ganas si madu ti Subang teh saprak rombongan kantor meuli ganas di Cicadas waktu ondangan ka bandung liwat Subang. Eta ganas teh waktu dipurak rame-rame di mobil rasana amis pisan kawas peueut. Tah ti mimiti harita tiap poe jumaah babaturan kantor sok naranyakeun kuring arek balik kalembur atawa moal cenah. Kabeh ngirong rek nitip pangmeulikeun ganas simadu ka kuring. Nya ahirna kajadian minggu kamari kuring nampa "tugas". Kacida beuratna eta tugas teh sabab pamor Subang ditandonkeun jeung "kredibilitas" kuring salaku urang Subang. Di Cicadas kuring ukay-ukey milihan ganas dibantuan ku anak pamajikan, neangan ganas anu amis alias simadu. Dasar lain ahli ganas, sanggeus ngorowekan tujuh ganas, euweuh hiji oge anu amis. Ahirna pamajikan nyarankeun supaya pindah ka tukang dagang anu ngarti ganas menta pangmilihkeun, da tukang dagang anu ieu mah teu ngartieun. Eta cenah pedah ganas teh aslina kiriman ti Jalan Cagak. Pindah ka tukang dagang sejen, karek oge gok geus mere keureutan ganas, diasaan amis. Wah..hebat yeuh tukang dagang teh, tuluy menta pangmilihkeun nu amis lima belas hulu, dibeungkeut lima sikian. Poe senen kuring jigrah pedah ngarasa tugas kacumponan jeung moal pierauen. Anu dua beungkeut dipasrahkeun kanu nitip meuli, sabeungkeut deui keur di imah. Di kantor ibur, ganas teh teu amis hiji-hiji acan. Euleuh...... kuring ngembang kadu. Gancang nelepon pamajikan ka imah supaya ngasaan ganas nu di imah hiji-hiji. Te kungsi lila pamajikan nelepon ngabejaan yen ganas di imah mah kabeh aramis. "Geus ayeuna mah bawa kabeh kadieu make taksi" kuring paparentah ka pamajikan. Atuda paur bisi di demo ku sakantor..he. .he..he.. .. Ahirna kabeh kaupahan ku datangna pamajikan kuring mawa ganas amis. Itung-itung panyombo kanu ting puereudeuy ngadahar ganas simadu palsu. Tah parawargi sadaya....., sigana urang Subang kudu motekar mere label kualitas dina ganas supaya konsumen teu kabelejog jiga kuring. Cag. Obay. Messages in this topic (1) Reply (via web post) | Start a new topic Messages | Files | Photos | Links | Database | Polls | Members | Calendar MARKETPLACE ---------------------------------------------------------------------- ---------- >From kitchen basics to easy recipes - join the Group from Kraft Foods Change settings via the Web (Yahoo! ID required) Change settings via email: Switch delivery to Daily Digest | Switch format to Traditional Visit Your Group | Yahoo! Groups Terms of Use | Unsubscribe
