Nuhun Mang J.
Naskah Warugan Lemah teh kakara dikorehan di PNRI. Tarjamahanana can aya, keur
dikeureuyeuh ku kuring.. Kamari teh Kang Mumu (Munawar Holil) ti UI nganjang ka
PNRI.. pajar ceunah hyong maos bukuna Mang J ngeunaan arsitektur kitu.. tiasa
maos dimana cenah kinten-kintenna..nuhun.
Baktos,
Adit
--- On Fri, 2/20/09, mj <ja...@itenas.ac.id> wrote:
From: mj <ja...@itenas.ac.id>
Subject: Re: [Urang Sunda] dianjangan baraya ti baduy
To: urangsunda@yahoogroups.com
Date: Friday, February 20, 2009, 8:36 AM
bieu si kuring nelpon ka hpna bapa samin (bapana samin, ari ngarana mah
acin, urang cikadu) keur ngideur di sukajadi. isuk jangjian hareupeun
unpad dipati ukur, manehna rek jualan di acara mieling poe basa indung.
jawabna: disunatan! haha
ari soal sistem pangaweruh urang kanekes nyieun imah mah, puguh si kuring
ge keur kakaratak neangan. heuheu. ari buku hasil panalungtikan nu
ngaharib kadinya, geus aya nu dibukukeun, ku urang antropologi UI, R
Cecep Eka Permana, Tata Ruang Baduy, ti tesis di UI. aya deui tesis di
Fsrd ITB, poho deui judulna. aya bag-bagan imah jeung model kampung baduy
jsb. oge saliwat aya dina buku jakob sumardjo, hermeunetika sunda, tafsir
pantun sunda, estetika paradoks, kitu.
naskah Warugan Lemah (kropak 622) tos aya terjemahananana?
tina carita pa samin pa pulung oge tina literatur, katangtuan dasar mah,
1. lahan piimaheun di baduy jero, teu meunang diratakeun, rata2 ukuran
imah 6x7m
2. lahan di baduy luar mah kaci diratakeun
3. nyieun imah ulah matak batur/tatangga sirik
4. istilah imah teh sabenerna inti wangunan. nu aya parako/hawu.
5. papagon sejen mah sigana make cara tradisi lisan, da cenah di baduy
ngan aya dua rupa tulisan, sastra jeung naon hiji deui, poho euy. sastra
mangrupa coretan tulisan dina awi asana, eusina soal waktu tatanen, hiji
deui sarupaning paririmbon.
dina buku saleh danasasmita & anis djatisunda, kehidupan masyarakat kanekes,
justru nu dipilampah urang baduy teh cenah luyu jeung naskah sang hyang
siksakandang karesian. cara tapa di mandala, tapa di nagara, jsb. malah
dahar tamba lapar, dibaju tamba taranjang, sare tamba tunduh, dina SSKK
aya, eta teh oge minangka ideologi hirup baduy.
mj
http://geocities. com/mangjamal
http://mangjamal. multiply. com
Adeuh, kaleresan ngabahas urang Baduy nya? Sim kuring teh gaduh
kapanasaran sapertos kang kumi nu panasaran naha urang Baduy disunatan?
Mesen pananya oge ah,
1. Naha di Baduy aya sumber tulisan asli urang kanekes nu dijieun papagon?
2. Kumaha sistim pangaweruh nyieun imah atawa ngababakan nu aya di
Kanekes? Sabab kuring keur maca naskah Warugan Lemah (Naskah Sunda Kode
Kropak 622).. Kieu saliwatan mah teksna teh (pangapunten can tiasa
diasongkeun sadaya, da can tutas ongkoh):
Ini
warugan lemah. Inge(t)keun di halana, di hayuna. Na pidayeuhheun, na
pirembulleun, na piuballeun.
Lamunna
bahé ka ké(n)ca ngarana Talaga Hasa, asih wong sajagat. Panyudana
pacar pimula di pahoman.
Lamun
bahé ka tukang[ng]eun lemah, ngaran(n)a Banyu Metu. Hamo jadiyan
kanénéh. Panyudana papatong di sakay, tanem di tengah dalem. Ajina:
“Ong debi ma Aji Batara Mriwasa sohah!“
Nuhun ah pami aya nu mere bongbolongan mah, komo kaleresan aya kang ahmad
jeung Mang J mah. Nuhun
Baktos,
Adit
