Dasar Jodo Ceuk kolot jodo mah jorok, meunangna kadang teu disangka sangka tampolana neangan palebah saritem eh meunang jodo di kalijodo. Kitu deui aktip di kusnet eh kalahka meunang jodo dimilis sejen atawa kalahka meunangkeun anak ibu kost. Tapi teu kituna aya oge nu aktip di kusnet meunang jodona ge dikusnet oge, contona geus galituk, teu kudu disebutkeun deui da geus papada apal, boa dewi persik jeung adli taher ge ngajodona gara gara ngilu milis ieu (gosip mode on).
Ceuk kolot deui, neangan pijodoeun teh gumantung kana karesepna, mun hayang meunang jodo nu pinter balanja kudu neangan jodo dipasar, mun hayang meunang jodo pinter tatanen kudu neangan disawah. Nya kacaritakeun aya hiji jalma nu hayang pisan meunang jodo kanu pinter tatanen, sakali mangsa manehna ngider ka unggal sawah, sugan enya nu make kabaya jeung ditiung dudukuy nyuncung ditengah tengah sawah nu keur sumedeng koneng teh wanoja anu keur dibuat, ari pek teh ngan ukur bebegig. Tah mun dikusnet aya nu meunang jodo aya alusna, kahiji meureun pastina sahobi, hobi mimilisan atuh kadua sakaresep, resep jajaprian, cecetingan, blog-blogan,face-fece bookan jrrd. Heueuh apan nini jeung aki uing ge sasatna meunang jodona teh gara gara resep iinternetan. "Dunya maya menyatukan kita berdua, Nini!" ceuk siaki dina lahunan sinini. "Waduk siah, kami mah geus teu nginget nginget deui!" tembal sinini, sisigna ampir ampiran ngagurawil."Hari hari kita indah Nini, bahkan mimpi mimpi kita selalu dimulai dengan www.....!" Siaki neruskeun ngocoblakna. "Cuaaah dasar internetmaniak!" sisigna ayeuna mah bener bener ngagurawil, gap dicokot, sep diselapkeun kana sela sela kutangna. "Hatiku hanya untukmu Nini,seandainya ada yang lain akan segera aki delete dan akan kubuang ke recycle bin!" Rayuan gombalna norojol deui."Waduk siah ruya rayu kakami pasti aya kahayangna!" nembalna satengah muncereng. "Betul nini,sudah tahu kan maksudku?"siaki kalahka beuki euwah "Dasar belekok, mun nek aksi teh shut down heula atuh lampuna!" dikitukeun siaki ngarengkog, leungeuna rikat ngarawel saklar lampu jetrek dipareuman. "Sudah nini, sudah siap segalanyah!"siaki bangun nu teu sabar. "Nurustunjung siah hayang dikerok bari dilahun, ngadapang siah aki!" pokna bari sedot sedot ngerokeun benggol ka tonggong siaki. Panon siaki burial buncelik nahan ka nyeri, lantaran dikerok dina poek tea keunana sabulang bentor. [ kanu bade jatukrami, wilujeng, mugia dina waktosna sing lungsur langsar, amin!]