Naekeun Pamor Mitoha jeung Ocim badegana, katingali keur sing kecewis deui. Kuring nyalingker ka nu buni, naluri intelejen on deui. "Kumaha face book dewek loba nu nempo?" mitoha mimiti kadenge uab "Seueur juragan, ngan situs juragan aya nu ngaheker!" "Diheker palebah manana?" "Palebah misi sareng visina, maenya eusina diganti ku bumbu semur jengkol sareng ulukutek leunca!" "Sikasebelan, pasti si Enjum deui!" tetep kuring nu disalahkeun, padahal boro boro hukar heker istilah internet ge gaptek keneh, deneng eta kuring boga face book, blog, friendster, yahoo massenger, pan eta kabeh dikelola ku tim sukses dina raraga nyukseskeun kuring nyaleg. "Salian nu kitu patut, silaing boga ideu deui teu?" mitoha kadenge ngecewis deui "Maksad juragan?" ocim can ngartieun "Pamor deuleu, keur naekeun pamor!" "Tebar pesona maksad juragan?" "Paduli istilahna naon,nek tebar pesona ke, narsis ke, nu penting pamor dewek kudu naek, meh balarea daekeun milih dewek!" "Kieu we atuh juragan, diposter juragan anu sok ngajeblag disisi alun alun tambahan poto Dian Sastro, terus ditulisan kieu "kungsi sasalaman jeung Dian Sastro" kumaha tah?" "Ah kurang pantastis euy!" "Enya da ngaku papihna Dian Sastro mah kuriak ngadat bapa aslina atuh juragan!" "Coba ideu sejen!" "Balad peterpan atawa balad persib kumaha?" "Ah kurang spektakuler!" "Atawa kieu "asli teureuh sunda, incu kibuyut oray kadut aktipis perang bubat, kumaha?" "Jadul teuing deuleu!" "Kumaha mun gelar hajina tambahan pan geus lima kali, H na memeh ngaran juragan ditambahan lima, kumaha?" "Ah era ku merebot euy, unggal subuh dewek sok datang pangpanderina!" "Jadi super Dad atuh?" "Maksud silaing?" "Pajang poto juragan make pakean gatot kaca, keur ngelek budak kenca katuhu,dina taktak reuteum satilu tilu, tah istri juragan nu opat keur ngalendean!" "Ide brilian, Ocim!" "Kagok edan euy dihandapna tulisan "poligami NO, Nyandung Yess!" kuring nyorowok bari kaluar tina panyumputan. "Sikasebelan, Sijurig Enjum, Sicakcak bodas, Sibelekok, Silebokeun tetelo,hareupan dewek ari wani mah Siah!" mitoha gegebris bari ngulang ngulang iteuk. "Sing atos atos juragan, emut panyawat jantung juragan, asam urat juragan, jangar juragan,mengi juragan sok ngadadak karaos ari nuju keuheul teh!" ocim siga nu hariwangeun. "Paduli teuing!"pokna dituntungan ku sora napasna anu ngadadak disada lir keur ngompa bal buliter teuas teuing. Ngik.....ngik....ngik!!
[ nu teu acan gaduh keom sakedap jilid 1 sareng 2, mangga pilari di gramedia bdg, book city sumedang, book city sadang, cianjur,karawang,lippo cikarang, grand mall bekasi, buaran plaza jakarta, giant ciledug, metropolitan tangerang]