Kaharti, jigana aya benerna...
Teraskeun, sok mikir sing puluk, meungpeung can aya nu nyaram.
Saha nu terang, ka payun mah aya deui lolongkrang nu piuntungeun, untung pikeun
nanjeurkeun pamor Ki Sunda ! Lain untung ku Rp...
--- Pada Jum, 8/5/09, Waluya <waluya2...@yahoo.co.id> menulis:
Dari: Waluya <waluya2...@yahoo.co.id>
Topik: [Urang Sunda] Re: [Baraya_Sunda] Re: Sunda jeung politik?
Kepada: "Urangsunda" <urangsunda@yahoogroups.com>, kisu...@yahoogroups.com,
baraya_su...@yahoogroups.com
Tanggal: Jumat, 8 Mei, 2009, 2:27 PM
> From: Rahman
> Kira2 na naon anu jadi musabab na nya Kang yen manusa Sunda TEU bisa
> mingpin, tapi dipingpin batur wae?
Lamun nu ieu mah bisa dikira-kira. Dasarna mah masyarakat Sunda teh feodal
jeung kabagi-bagi. Tatar Sunda pan panglilana dikawasa Walanda 350 taun,
samemehna ku Mataram. Pangawasa Sunda nu ngabdi ka Walanda pan henteu hiji,
tapi sababaraha kolompok pangawasa gumantung ka wilayah (bupati). Bupati ieu
diangkat ku Walanda tapi didasarkeun heula katurunan kakara kamampuan.
Sanajan kitu Walanda moal ngangkat jadi bupati sanajan turunan oge lamun teu
nunjukkeun prestasi nanaon. Jadi elite sunda di jaman kolonial memang teu
biasa "bersaing keras" kulantaran kawatesan ku turunan, jelema geus
ditangtukan posisina lain ku usahana. Akibatna aya sikep "santai" dina moro
kakawasaan sabab teu mungkin anak si Cepot ngarep-ngarep jadi Bupati, cenah
engkena ukur jadi "Dalem Boncel".
Tapi waktu jaman di pergerakan (awal abad 20) aya sabagian elite (menak)
lapis kadua nu sarakola tapi teu jadi pamongpraja (sakola dokter, hukum,
guru). Tah elite ieu nu aktip dina pergerakan. Mucunghul tokoh-tokoh sunda
pergerakan Sunda nu progresip siga Oto Iskandiranata, Iwa Kusumahamntri,
Gatot Mangkupraja ...jrrd. Di Tatar Sunda oge mucunghul koran Sipatahoenan,
koran pergerakan. Jadi tepi ka samemeh Merdeka sabenerna eksistensi Sunda
teh masih kuat. Kitu deui waktu Merdeka tepi ka ........... Kartalegawa, ex
bupati Garut ngadeklarsikeun Nagara Pasundan.
Tanggtu we ieu nyababkeun urang Sunda pergerakan jadi "kikuk" sabab
sabenerna urang sunda nasionalis teh para turunan elite (=menak) oge. Jadi
tina segi status sosial sarua jeung Kartalegawa. Keur nunjukkeun kasatiaan
ka Republik, supaya teu dicurigaan batur ......para "menak" nasionalis ieu
"kapaksa" miceun saeutik "Sunda"na.
Aya oge kajadian nu nguciwakeun urang Sunda. Waktu hijrah ka Yogya, loba
pagawe kantor di Bandung nu teu ngilu hijrah ka Yogya, ceuk cenah mah
dianjurkeun ku Bung Hatta, supaya engke lamun geus dikawasa Indonesia
administrasi henteu kacow. Tapi waktu kadaulatan Indonesia diaku ku walanda,
aya aturan ti pamarentah: Nu teu hijrah ka walanda pangkatna turun, nu jadi
kapala dieureunkeun, diganti kunu hijrah ka Yogya. Tangtu we ieu matak
piambekeun urang Sunda, sabab sabagian gede pagawe teh urang Sunda. Ditambah
deuih ....nu ngaganti teh ...loba urang Jawa!. Akibatna aya pergerakan di
Tatar Sunda, sababaraha urang dihukum. Keur nu sejen (para elite Sunda) nu
nasionalis ieu oge matak "kikuk", miceun deui nu bau-bau "Sunda"
.......(kapaksa! ).
Aya hiji carita ti babaturan, cenah almarhum Mang Ayat (Prof Ayat Rohaedi
dosen UI) kungsi ngadongeng waktu anjeunna jeung rerencanganana ngadegkeun
perkumpulan mahasiswa Sunda di Jakarta terus nyuhungkeun pelindungna Pa Umar
Wirahadikusumah nu nuju nyepeng Pangdam Jaya, Pak Umar nolak, ku alesan
anjeunna sanes milik urang Sunda tapi milik bangsa Indonesia!.
Jadi sigana mah ku kajadian-kajadian ieu, elite sunda jadi sieun
popolitikan nu MAMAWA SUNDA, da sieun dituduh primodialisme (kasukuan).
Sikep elite ieu, lila-lila NEPA ka "akar rumput" . Ditambah deuih di "akar
rumput" aya kajadian gede DI/TII!
Urang Sunda cenah kuat islamna tapi ku mucunghulna DI/TII nyababkeun para
Ajengan jadi "kikuk" sarua jeung nu kaalaman ku para elite menak. Kitu
salah, kieu salah .....tungtungna sikepna sarua, jadi "anti politik" oge.
Pangalaman-pangalam an traumatis ieu sigana nu "diwariskeun" ka urang-urang
ayeuna!
[Pangapunten bisi salah, ieu mah da ngacapruks ,,,,hehehehe]
Baktosna,
WALUYA
Berselancar lebih cepat. Internet Explorer 8 yang dioptimalkan untuk
Yahoo! otomatis membuka 2 halaman favorit Anda setiap kali Anda membuka
browser. Dapatkan IE8 di sini!
http://downloads.yahoo.com/id/internetexplorer
