Saumur-umur, kuring pantang udud. Da puguh, diwagel ku kolot di leuleutik. Ngan 6 bulan kamari, kuring panggih jeung sobat nu teu bisa dianggep remeh pamundutna dina widang kaelmuan, lantaran mantena doktor biologi molekuler, tamatan Jepang. Ongkoh propesorna oge ka etang anom keneh, nalika 44 taun (ayeuna kana 51 lamun teu lepat mah). Nu matak kuring ngahuleng, mantena (nu sa umur2 tadina siga kuring teu udud), kiwari malah ngembangkeun hiji metoda ngubaran kanker, autis, tumor ku haseup roko. Nya roko na teh lain roko biasa, da dibalur ku rupa-rupa asam amino. Nu matak kuring ngahuleng teh, 3 sobat kuring nu diubaran di klinik mantena (3 sobat teh panyawatna beda-beda : kanker payudara, panyumbatan pembuluh getih, jeung hiji deui puterana autis), pada calalageur. Nu matak kuring ngadongengkeu ieu pasal di milis urang teh kulantaran mantena (panimu metoda balur jeung tipu ieu teh (nu ditiupkeun teh nya eta haseup roko jienan mantena) bisa dipakawanoh ku sakumna kaluarga di nagara urang, supaya bisa ngubaran sorangan ku waragad nu murah pisan. Upami hoyong uninga langkung paham, mangga tingal websitena ; http://balur.com/web/ sareng divinecigarette.com. Mugi inpormasi ieu aya mangpaatna.
Kang Maman, boa-boa roko nu di dongengkeun di handap teh sanes roko biasa, tapi tos dipaparing racikan khusus. Salam, DM --- On Wed, 7/8/09, Moch Dachman Maman <maman.mochdach...@yahoo.com> wrote: From: Moch Dachman Maman <maman.mochdach...@yahoo.com> Subject: [Urang Sunda] Soal Udud Deui Bae To: urangsunda@yahoogroups.com Date: Wednesday, July 8, 2009, 5:17 AM Aya hikmahna geuning, ti satutasna Kang Irpan ditajong ku Kuncen, rabeng malah meh napuk carita jeung kahayang nu bisa ngeureunan tina ngaroko, malah unggal nu ngaroko jigana geus apal pisan, naon jeung kumaha strategi pikeun ngeureunan ngaroko, lantaran ti baheula mula strategi eureun ngaroko geus rea ditulis, boh ku para dokter jeung ti para ahli kasehatan jeung ti nu tadina nyandu roko nepi ka bisa ngeureunan ngaroko, eusina wungkul matak pikabitaeun nu sok ngaroko. Abah teu kaasup nu sok ngaroko, tapi aya pangalaman dina hirup kumbuh sapopoe anu dina bilangan umur mah geus cueut kahareup, geus lingsir ngulon memang, di Tegallega di Bandung, selang sapoe mah sok ngahajakeun ngadon jalan kaki, lima kuriling rata-rata, sakuriling Tegallega teh nepi ka ayeuna ku Abah diitung rata-rata 17,5 menit can pernah kurang ti eta, mun rata-rata lima kuriling Tegallega, jadi kurang leuwih sajam satengah lah dibuleudkeun. Anu lima kuriling teh ukur leumpang teu make nyigcrig sagala rupa, teu kaasup jalan cepat deuih, ngan ukur mampu sakitu. Leumpang ngan rada rusuh meureun ngaranna. Lagu reureuh bari nyangsaya teh sok ngahaja ngambeng goreng sampeu...... singkong keju tea geuning, ni’maaat....... ..... teh, tah waktu keur reureuh eta sok gepyak ngadarongeng jeung sasama nu keur pada-pada istirahat. Di antarana aya orang Tionghoa duaan, basa Sunda-na nyunda pisan, ngakukeunana mah urang Jl. Haji Basar, di daerah Jln. Kebon Jati, bari nanya ka Abah make ragam hormat, urang Sunda kitu-kitu wae mah, matak era parada mun merhatikeun manehna nanya, ti lentong jeung ucapan leuwih nyunda ieu mah. ”Dupi Bapa sabaraha yuswa ?” ”Lima puluh dalapan ...” Cekeng teh ”Abdi genep puluh tujuh taun, janten kolot abdi meh sapuluh taun nya ?” Ceuk manehna bari tuluy nanya deui ”Sabaraha kuriling biasana Bapa mapah didieu ?” ”Lima kuriling. Kitu ge ukur we leumpang”. ”Sami sareng abdi, mung pedah abdi unggal dinten kadieuna, rata-rata teh genep kuriling, pedah abdi mah tilu kuriling mapah, anu tilu kuriling deui bari lumpat, istirahat weh didieu, tah sareng ieu rerencangan abdi ti bubudak”. bari nunjuk baturna. ”Cik..cik... kumaha eta teh palakiahna, bisa sehat kitu ?” ceuk Abah teh panasaran ”Hoyong terang palakiahna, tah ku ieu ..... Pa !” bari kusiwel ngaluarkeun Ji Sam Soe tina pesakna, bari tuluy diseungeut kituna teh, ngahaja diudud, hareupeun Abah. ”Ah ..... nurustunjung. . ” Ceuk Abah teh. ”Henteu nurustunjung Pa, ilmiah ieu mah, mun abdi henteu udud, moal kuat lumpat sakuriling Tegallega ge, lantaran naon ? Nu eureun ngaroko biasana kana barang tuangna ngagalaksak, kana peremen maceuh, matak tong aneh nu liren ngaroko awakna sok ngadak-ngadak ngalintuhan, kawas kenging niup mun balon mah, mun awak ngalintuhan moal-moal acan tiasa lumpat, komo make lima kuriling Tegallega, sakuriling ge moal kiateun, jigana, nu matak abdi jeung babaturan ieu teu pernah eureun ngaroko. Jadi sabenerna mah teu kudu dilarang-dilarang ku pamarentah sagala urusan ngaroko mah, soal cetek nu kitu mah, pamarentah loba keneh uruseunana, soal udud mah kumaha dirina masing-masing, hayang ngaroko pek, henteu oge pek teh teuing, karepna ieuh” Abah mikir bari balik, enya kitu........ . Hareneg kudua-kutilu, kahiji eta urang Tionghoa, basa Sundana estuning pujieun lain heureuy, taya codekana, beres entep seureuhna, na ari urang ? urang Sundana, nu dipake teh nu garihalna we wungkul, Kaduana, soal ngaroko, enyaa kitu .....? bungkusan goreng sampeu mah tinggaleun, kapopohokeun. ============ ========= ========= == H.Maman Moch Dachman. Jl. Margajaya V. No. 5 Bandung - 40224 visit; maman.mochdachman@ gmail.com http ://abahbandung. blogspot. com ============ ========= ========= == Yahoo! Mail Kini Lebih Cepat dan Lebih Bersih. Rasakan bedanya sekarang! http://id.mail. yahoo.com