Keur nu dipikacinta Hampura mun nganti nganti Kuring geus indit ti heula Teu kungsi mere beja.. kuring kapateni jadi korban rajapati
Bejakeun kanu tega ngereunkeun lengkah kuring Kuring teu rido dipeungaskeun harepan keur tandang makalangan melaan anak pamajikan.Raga nu ngababatang..garba nu kumalayang..getih nu remes kana taneuh.. mugi jadi saksi poe ieu aya durjana. Hampura kuring ngeun tinggal ngaran Anaking bebeulahan ati.. anjeun ayeuna geus pahatulalis Bral papag pangimpian sanajan bapa teu marengan... Ulah sedih kingkin ieu gurat ti ajali... Tong miara dendam na hate hidep... (Pangeling ngeling Bom mugi mugi ieu nu panungtungan)