> Surtiwa <surt...@...> wrote: > Ha ..ha... eta nya jang nyoba ukuran bom tangan meureun..tapi > terus atuh bau > taeun... Lamun enya analisa dugaan Dr Mumin bener..hartosna..eta > dalang/arsitek palaku ngebom teh jalmi2 anu jiwana teu > saimbang..asosial..
Bah, kabiasaan siga kitu teh, tiasa wae tina pangalaman munggaranana (pengalaman pertama). Nu tadina henteu kitu, tapi jadi deudeuieun kulantaran nyoba-nyoba atawa diperkosa/ dipaksa. Di Cianjur kungsi ditewak lalaki nu nyodomi sababaraha budak leutik, Dina pangakuanana kunaon manehna ngalakukeun kitu, kulantaran "deudeuieun" kungsi diperkosa waktu jadi TKI di Luar negeri. Kalakuan kieu siga virus, sang korban malah akhirna jadi pelaku .... Aturan nu saklek teuing misahkeun pergaulan jeung lawan jenis atawa tara papanggih jeung lawan jenis dina waktu lila (siga di panjara) bisa ngadorong mucunghulkeun "cinta" ka nu sajenis. Di tempat pangperangan/ tempat konflik tangtu we awewe jarang, ieu bisa ngakibatkeun kalakuan seksual nu nyalenggor jeung katambahan ku gedena "ketegangan" dina situasi perang/ konflik. Matakna ayeuna jarang sakola-sakola nu ngakhususkeun narima muridna didasarkeun ku jenis kelamin atawa misah-misahkeun kelas didasarkeun ku jenis kelaminna. Kucara dicampur, jadi aya saling pengertian yen awewe teh sanes "mangsa" keur lalaki, atawa lalaki teh sanes "sato buas" nu siap-siap arek ngerekeb awewe. Baheula di Bandung aya sakola katholik nu ngan narima murid lalaki atawa murid awewe wungkul. Sigana ieu salah sahiji alesan, ayeuna mah robah narima murid awewe jeung murid lalaki. Tapi nu paling terang, para akhli pendidikan kana masalah ieu mah. Eh jadi ngacapruks, keur teu ngantor, nyeri huntu mani nyanyautan .... Baktos, WALUYA
