kecap penting: meuncit, maehan, numpakan, make
Tangtu geus pada terang yen pagawean qurban dina poe Iedul Adha neraskeun tapak hiji luluhur para nabi nu kalebet Ulul Azmi baheula. Sanajan nu kaciri saliwat kaayeunakeun di lembur mah qurban teh meuncit sasatoan kayaning domba jeung sapi, tapi, lamun nengetan kajadiana baheula pagawean qurban teh asal asal kanyataan kapengkuhan Sang khalilullah nu mampuh miceun kanyaah kucara nelasan putra nu kenging hese cape bari ngan hiji-hijina (ti Siti Hajar); miceun katineung kalebar nuturkeun clik putih clak herang pituduh ti EL nu ngamurbeng sanajan beurat beurat teuing. Antukna kapasihan berkah carana ngadeukeutkeun-ngadeuheuskeun maneh teh jadina (qurban- qaraba-yuqarabu-qurbanan) ku meuncit sato. Kadieunakeun nu diturutan pakeun ngadeuheuskeun maneh ka pangerana teh lain meuncit budakna miceun/maehan kanyaah ka anak tapi meuncit sato, atuh kawas ngeunah ngeunah teuing ngan saukur nu boga (bari daek) mungkul nu migawena teh, oge teu beurat kawas ngurbankeun maehan anak sorangan. Malah sato nu dipeuncitna bisa dihakan jeung dibagikeun ka batur batur. Sapoe dua poe mah kawas kariaan jalma loba nyate ngagule salelembur, bau domba/sapi saimah-imah. Sanajan teu kurang kurang nu terus dodongeng ngingetkeun yen cenah baheulana mah eta teh titahan kudu meuncit budak kanyaah hiji-hijina. Tapi, na meuncit sato ayeuna teh mani kudu disambung sambung jeung gedena dodoja kudu meuncit budak baheula sagala? Naon gunana dewek nurutan? Enya bakal deuheus? Naha ieu conto ku sato (keur ngaganti meuncit budak kanyaah) teh saukur nyokot gampangna bari telenges ka sato? Atawa memang bijil tina kasasmitaan? Urang buka lalangsena sakumaha nu kapanggih dilembur dina nurutnangtungkeun ageman. II Kanyaah kaanak, (harta banda jrrd kadunyaan) pangribrib rasa nu mahala mahayu Sanajan aya dina qur’anna nu nyebutkeun yen geus lumrahna jelema dijadikeun boga kanyaah nu pohara ka anak (salian ti ka harta banda dunya barana) bari dibere pangwewedi yen di nu maha hirup aya nu leuwih (ti saukur eta), kanu geus ngasaan/eukeur boga anak tangtu moal nganahakeun deui sab ngandung ngayuga ngaheujeunkeun jeung miara anak teh jadi dibere rasa nyaah. sedengkeun kanyaah gede pisan pangaruhna kana pribadi/jiwa nu nyatana bisa mawa cilaka (mahala) –[bisa oge mawa karahayuan (mahayu)]: Anak senang sok ngilu senang (can tangtu dibere ge), anak gering milu gering, anak susah leuwih ngarasa susah, tisuksuk tidungdung poho ka sorangan melaan anak. Kolot jadi abdi (ngaulaan), anak jadi gustina…..loba nu poho yen sanajan anak misah raga misah nyawa. “Kanyaah” eta teh panggih anyar-anyar di dunya (sanggeus manehna dewasa/kawin) jeung moal angger bakal papisah sanajan teu kaputus ku paeh oge. Anakna ngagedean (dewasa kawas manehna), kawin… lila lila pajauh deui, pek ajaran engkena mun hayang terus ngeukeuweuk eta kanyaah hayang “deukeut” jeung anak terus loba contona Anak ngahiji jeung kolot sok mulya, tapi kolot ngahiji jeung anak sok jadi badega. Ku nyaah teh jadi kakait katalimbeng loba nu teu waluya sab beda kahayang jeung anak. Anak teu saperti nu dipiharep. Disakolakeun dibiayaan sugan engke malik mulang (keun nu geus di) tarima tapi ana jadi kawin boga turunan leuwih bela ka duriat….loba nu pohoeun yen sanajan anak misah raga misah nyawa ayeuna mah manehnage (anakna) jadi kolot (boga pamanggih sorangan) oge deuih jadi diribriban boga kanyaah nu sarua ka nu anyar datang (da anakan deui). Tungtungna bibilasan ikhlas rido resep boga anak nyaah kabina bina saukur dharma da eukeur, jeung waktuna dipercaya didunya jadi kolot. Bagja boga anak (pituin boh lain) sab jadi lawang kanyaah nu maha hirup ngagedekeun ‘nur’ nu aen. Teu ngarepkeun pamulang asal anak (batur anyar panggih didunya) salamet mulya hirup hurip…mere ngadu'akeun sukur hanteu ge sukur...da nu maha hirup ge gening kitu petana euweuh pamrihna. Ngajar ngadidik teh supaya bisa mustaqim (bisa nangtung ajeg sorangan teu menta nyusah keun batur engkena) sab memang kuduna manehna ge kudu ulah gumantung kanu lian (mustaqim) ngencar sanggup sorangan. Tungtungna leah sumerah jig we jang/nay kumaha maneh asal salamet jeung kaasup dina ridhona hirup, asal ge hirup sorangan geus cukup waktuna jadi Bapa jadi indung dangdanan di kadunyaan ayeuna ngoraan deui ….. Hayang kakolotnakeun khusnul khatimah tiis ceuli herang mata, lugina sapapanjangna. Tungtungna neukteuk leukeur meulah jantung geus lain laina deui. Matak kongas dina qur’an aya ayat teu indungan teu bapaan teu anakan jeung teu dianakeun teh disebutna surat Al-ikhlas, sorangan gumantung ka sorangan, geus teu kawas batur deui (euweuh nu nyaruaan)… Qulhu kami…. Wakca sun. Nampi… Hirup nu satungkebing langit satangkaraking jagat tunggal sakujur tangtung sawalatra rasa. Hirup teh nyata disarengan hurip tempat gumantung da nyawa mah mung gagaduhan banda mung sasampeuran. Wios teu anakan teu indungan teu bapaan deui (teras) da eta mah dangdosan kahirupan nu hirup. Wios benten sareng nu sanes da di hoyong-hoyong ge moal sami pisan. Wios sun. Matak eta surat kaasup nu pangseringna dibaca ku barudak…da Engkena kudu kitu sab kanyaah ka anak jeung dunya mah pedah eukeur waktuna (dharma)na, narimana bari pinuh ku nganuhunkeun sab kabeneran kapake jadi lawang kanyaah hirup, ulah ditolak ulah dipiceun tarimakeun ngan lamun lain waktu/lain alamna ulah tuluy dikeukeuweuk, sing bisa ngatur mernahkeun. Tah di nu maha hirup aya nu leuwih ti saukur eta..enya keur hirup oge kaalaman lain saukur jadi bapa/indung..ngalaman jadi budak jadi aki/nini, jadi guru jadi murid jadi beunghar jadi miskin wah cape nataana warna warna rasaning dunya nu bisa karasa ku dasaindriya komo nu saleuwih ti eta loba loba deui. bisa kaharti (meureun?) naon sababna Sang Khalilullah dipasihan dodoja meuncit (sasat kedah miceun/mutus kanyaah ka) putrana nu ngan hiji hijina da kanyaah eta teh gede pisan pangaruhna nepikeun ka putrana dipasihan nami Isma (nu diridoan) EL panginten bakat ku bingah sareng atohna nampi gaduh putra…didoja supados tiasa miceun katineung kanyaah nu kuat pisan pangaruhna kana jiwa teras supados pengkuh (takwa) ikhlas nurut kanu Maha Hirup nu ‘eusina-usikna-petana nyaah asih’ teh lain saukur kawas nyaah ka anak mungkul tapi ngawengku kanyaah kaasih sa rat jagad alam buana. Moal bisa kahontal lamun hiji jalma katalimbeng ku katineung kangeungeunahan kabeubeurat salah sahiji/sadua rasaning dunya betah jeung butuh ku saukur hiji dangdanan rasa dunya nu anyar anyar kapanggih. Heueuh lah…. Tapi ieu teh can ngajawab kabeh pananya diluhur…. Naon gunana dewek nurutan? Enya bakal deuheus? Naaaa dina Sang Khalilullah tiasa pengkuh mah gening ari prak bade midamelna bet diganti ku sato? Naha ieu conto ku sato (keur ngaganti meuncit budak kanyaah) teh saukur nyokot gampangna bari telenges ka sato? Atawa memang bijil tina kasasmitaan? (urang kintunkeun terasna..upami pareng) baktosna Eddy Nugraha __________________________________________________________ Coba Yahoo! Messenger 10 Beta yang baru. Kini dengan update real-time, panggilan video, dan banyak lagi! Kunjungi http://id.messenger.yahoo.com/