Baraya! Pan, Perceka teh hoyong ngamajukeun Ki Sunda... Iwal ti pangdua teh, butuh tanaga, butuh dana, butuh rojongan nyata...
Ti mana ngamimitiannana? Eusian database nu aya di homapage milis Urang Sunda. Kumaha carana? Gampang pisan... Tah, turutan lengkah-lengkah di handap ieu : 1. Buka homepage milis Urang Sunda di http://groups.yahoo.com/group/urangsunda Mung, supados tiasa lebet ka eta homepage, Saderek kedah gaduh heula Yahoo ID. Nya ngadamel we. Da teu mayar ieuh. 2. Upami tos lebet ka homepage Urang Sunda, di palih kenca ngaberedel sababaraha menu. Di antawisna, nya menu Database tea. Tah, diklik we eta seratan Database teh. Engke, di handapeun seratan Table Name, aya seratan Komunitas UrangSunda. 3. Tong asa-asa...klik deui bae eta seratan Komunitas UrangSunda teh! 4. Teras klik seratan Add Record. 5. Lebetkeun data-data nu dipundut ku eta formulir. Nami, yuswa, alamat, oge nu sanesna. Nu jentre ambeh upami aya nanaon, urang gampil pakumaha-pakumahana. 6. Beres eta, klik save record. 7. Maca Al Fatihah dua balikan. Insya Allah, naon nu ku urang dicita-citakeun teh diijabah ku Pangeran. Gampil, pan? Sok atuh geura areusian. (Langkung sae deui upami sakantenan ngeusian kencleng. buka web http://www.urang-sunda.or.id http://yp.urang-sunda.or.id Saha nu terang, Perceka kedah muka kantor di London atanapi di New York. Tangtosna ge peryogi cicis nu rada murekis, pan?). Omat... ulah heunteu, ah! Sareng ulah kaget, ieu bewara teh bakal sumping tiap sasih. Ngewartosan nu teu acan terang, ngemutkeun kanu sok api-api lali... Sakitu bae, nya. Salam baktos ka sadayana... Ki Van Yumpiet
