---------- Forwarded message ---------- From: eri kurniawan <eri_kurnia...@yahoo.co.uk> Date: 2010/5/13 Subject: [kisunda] Re: Wilujeng Kang Eri To: kisu...@yahoogroups.com
Assalaamu'alaikum Wr. Wb. Nepangkeun, simkuring Eri Kurniawan. Kawit ti Sukawening, Garut. Ari damel mah di UPI (kapungkur IKIP tea) di jurusan pendidikan bahasa Inggeris. Alhamdulillah, simkuring dipasihan rizki kanggo tulab elmu widang basa di Universitas Iowa di AS. Ayeuna tos nincak taun katilu, ngarengsekeun program doktor. Bilih bade silaturahmi, simkuring aya oge dina facebook. Hatur nuhun pisan kana sadaya pidua'ana kanggo presentasi perkawis basa Sunda di SUNY, minggon kamari. Simkuring presentasi di payuneun para ahli linguis/basa-basa Austronesia. Basa Sunda kalebet kana rumpun eta. Presentasina Alhamdulillah lancar bahkan diapresiasi pisan ku profesor senior ti Universitas Delaware nu tos lami nalungtik basa-basa di daerah Sumatera sareng Jawa. Kumargi simkuring mah spesialisasina dina widang sintaksis, presentasi kamari teh mintonkeun bentenna struktur anak kalimah nu nuturkeun kecap samodel 'nganggap/nyangka vs marentah/ngolo'. Katingalna mah siga nu teu aya damel, ngutak ngutik struktur kalimah. Tapi saleresna tujuan simkuring mah hoyong ngenalkeun basa Sunda ka para ahli basa di dieu. Margi sakedik pisan jurnal ilmiah nu ngabahas basa Sunda. Dina ayana oge tos heubeul pisan, tahun 60an-70an. Rerencangan simkuring ge, urang dieu sareng urang Rusia, sami-sami mintonkeun makalah perkawis basa Sunda. Aya oge profesor ti Universitas Cornell nu ngabahas fonologi basa Sunda sareng basa Aceh. Pokona mah basa Sunda janten populer dina konferensi ieu mah. Alhamdulillah, dua minggon kamari ge saba'da presentasi perkawis struktur kalimah dina basa Indonesia di Universitas Minnesota, aya editor penerbit buku di Jerman nu miwarang simkuring nyerat disertasi perkawis struktur basa Sunda supados tiasa diterbitkeun ku penerbit anjeunna. Nya mudah-mudahan we pamaksadan ieu tiasa kalaksana dina sababaraha taun kapayun. Nyungken bantosan sareng dukungan ti baraya sadayana we. Mung nyaeta sok sanaos pituin Garut, basa Sunda simkuring teh lereskeuneun keneh. Margina simkuring hoyong silaturahim sareng baraya sadayana supados tiasa mulungan elmu. Hatur nuhun pisan ka Pa Oman nu parantos ngulem simkuring lebet kana milis ieu. Tah, kaleresan simkuring ayeuna teh nuju peryogi bantosan wargi sadayana. Simkuring gaduh tugas nu kedah dikempelkeun senen minggo payun. Kumargi riweuh ku urusan konferensi, kuesionerna teh nembe tiasa didamel sababaraha dinten kapengker. Simkuring peryogi bantosan ti wargi nu basa kahijina basa Indonesia, basa kaduana basa Sunda kanggo ngalebetan kuesioner ieu ( http://docs.google.com/View?docID=dg5shvck_70cq3nqtdg&revision=_latest). Oge peryogi bantosan ti wargi Sunda (bu basa kahijina basa Sunda) kanggo ngalebetan kuesioner ieu (http://docs.google.com/View?id=dg5shvck_71g2xmv9dt). Waleranna kirimkeun wae ka alamat surelek simkuring: erik...@gmail.com<erikurn%40gmail.com>. Upami aya masalah dina link-na atanapi pertarosan perkawis kuesioner, kontak wae simkuring lewat surelek. Hatur nuhun sateuacanna ka sadayana wargi nu kersa ngaluangkeun waktos kanggo ngalebetan kuesioner. InsyaAllah pondok pisan da kuesionerna oge. Diantos saenggalna. Salam baktos ti Iowa, Eri --- In kisu...@yahoogroups.com <kisunda%40yahoogroups.com>, oman abdurahman <omana...@...> wrote: > > Tos bade saminggu kalangkung warta ti facebook di handap ieu teh, tapi teu > aya lepatna diapresiasi. Presentasi naon nya kang Eri di State Univ. of NY > teh? nuju ngantosan bocoranana. Bari ngantosan, ngahaturkeun wilujeng ka > kang Eri (fb-na: Eri Kurniawan, dosen UPI anu nuju tholab di Iowa, AS) oge > hatur nuhun ka kang Smit Fukada (asgar oge saurna mah) anu tos ngintun > wartana. > > manar > > > > > Ali Smith Fukada< http://www.facebook.com/n/?iman.bungbulang.garut.japan&mid=24ddf08G2566f0baG4d1030cG0&n_m=omanarah%40gmail.com >sent > a message to the members of > SALAKANAGARA <http://www.facebook.com/group.php?gid=98783338722>. > > [image: Ali Smith > Fukada]< http://www.facebook.com/n/?iman.bungbulang.garut.japan&mid=24ddf08G2566f0baG4d1030cG0&n_m=omanarah%40gmail.com > > Ali Smith Fukada< http://www.facebook.com/n/?iman.bungbulang.garut.japan&mid=24ddf08G2566f0baG4d1030cG0&n_m=omanarah%40gmail.com >May > 7, 2010 at 4:35pm > Subject: nyungkeun piduana ti palawargi sadaya,.. > Assalamuálaikum WW. > Deui deui deui,... > Insya Allah dina dinten enjing, bakal dipintonkeun presentasi basa Sunda di > State University of New York ku kersana Kang Eri Kurniawan (University of > IOWA),..anjeuna Dosen di UPI-IKIP Bandung, Asli Garut. Mudah-mudahan > dipaparin kalancaran,..amiin > > -Ali Smith Fukada, Salakanagara Japan > (http://www.facebook.com/l/f4511;dapursolusi.com) >
