Geus lila sabenerna mah hayang nulis atawa ngomentaran perkara film kartun "Upin jeung Ipin" teh, ngan can pede ari sorangan can nonton mah film-na. Sanggeus sababaraha kali nonton, tetela enya kartun "Upin jeung Ipin" (U&I) teh matak pogot.
Eta kayakinan beuki nguatan. Sanggeus sababaraha kasempetan ngulampreng alatan tugas ka sababaraha wewengkon Indonesia di beulah tengah - wetan, kayaning Kendari, Makassar, Balikpapan, Tarakan, oge Malinau, tetela, di daerah-daerah eta loba anu mikaresep kana kartun U&I teh. Boh di hotel, rumah makan, warung, bandara keur nungguan boarding, loba tv anu mintonkeun film U&I. Komentar saterusna mah, nya sakumaha ceuk Bang Garin Nugraha, memang, U&I teh pangjewer kana perfilm-an urang. Anggapan yen film anu "tradisional" atawa anu muatanana dunya atikan, moal laku, eta anggapan anu salah kacida. U&I nuduhkeun yen film anu dijieun kalayan basajan, ngebrehkeun kahirupan sapopoe barudak di hiji desa/kampung, teu dipoles ku rupa-rupa pamoles, bisa diapresiasi ku jelema rea, lain wae di nagarana, malahan nepi ka sababaraha nagara tatangga. Dina U&I, upamana, paripolah barudak sakola sakumaha umumna, dipintonkeun sahinasna, teu dijieun-jieun. Lamun budak anu bangor, nya bangorna dipintonkeun. Paling engke - minangka muatan atikanana - aya disesegkeun panggeuing, boh ti guru atawa kolot (memang pas dina lebah dieu mah, da ayana pancen guru jeung kolot teh keur nganasehatan); tapi, teu arang oge nasehat atawa muatan atikan teh ditepikeun ku salah saurang tokoh budak, Upin, Ipin atawa babaturanna. Upamana wae, dina pintonan anyar keneh, U&I mintonkeun lalakon grup eta barudak anu resep ngadu sabangsa jangkrik, nepi ka kababawa ka jero kelas. Waktu guru datang ka kelas rek ngamimitian ngajar, ngadu jangkrik teh masih keneh, ngan teu laju da kaburu nu jadi guru muka pangajaran. Barudak gura-giru nyumputkeun sato aduan. Ngan aya saurang anu teu anggeus alias teu beres ngampihan jangkrikna. Nepi ka bu guru keur tuhu ngajar budak teh malaweung da panonna ruat-reret wae neangan jangkrikna anu leupas. Slot anu ieu ditutup ku pintonan budak anu kaleungitan jangkrikna teh - teu nolih guru anu keur ngajar di hareup - turun tina bangkuna bari ulak-ilik neangan jangkrikna, kanyahoan ku bu guru anu terus molotot bari ngagoak nanyakeun keur naon eta si murid, sawatara eta, jangkrik anu leungit tea ngarayap tina tiung bu guru, ngalangkungan taarna meh dugi kana pangambungna...jreng....tayangan diganti ku iklan. Kartun U&I oge sabenerna pinuh ku muatan atikan ngeunaan kumaha carana hirup dina kaayaan multi etnis atawa pluralisme tea. Ngan, cara nepikeunana henteu vulgar, ngalir wae sakumaha tuntutan carita anu logis. Lian ti suku Malayu, aya suku China, aya oge suku India di eta grup atawa kelas barudak teh. Meh ampir unggal seri aya pintonan anu nepikeun pesen atikan moral hirup kumbuh jero masyarakat anu muti etnis. Nyaan, kabita ku film U&I Kabita bari kacida ngarep-ngarepna di urang aya anu nyieun film atawa kartun sarupa. Bahan mah kacida nebana di Indonesia teh. Keun wae nurutan oge ari dina kahadean mah. Arek aya kitu? manar . 2010/8/9 Gunawan Yusuf <gunawanyusu...@gmail.com> > > > mun teu sinetron khayalan, info tainment si penyebar....... > > 2010/8/6 mh <khs...@gmail.com> > > >> >> Ditampar "Upin dan Ipin" >> Jumat, 6 Agustus 2010 | 09:52 WIB >> >> *JAKARTA, KOMPAS.com -- *Sutradara film Garin Nugroho (49) menilai, >> serial kartun asal Malaysia, *Upin dan Ipin, *seharusnya menjadi kritik >> keras bagi industri hiburan dan media di Indonesia. >> >> Hebohnya serial kartun yang sarat nilai pendidikan ini menunjukkan, >> masyarakat Indonesia masih ingin tayangan yang menawarkan nilai-nilai >> mencerahkan. >> >> ”Upin dan Ipin adalah tamparan keras bagi media di Indonesia yang vulgar >> dan sarat kekerasan. Nyatanya, *Upin dan Ipin* yang jauh dari semua itu >> pun tetap digemari,” kata penggagas LA Lights Indie Movie itu di sela-sela >> seminar animasi di Taman Budaya Yogyakarta, akhir pekan lalu. >> Dalam seminar itu, pengarah kreatif *Upin dan Ipin *sengaja dihadirkan >> sebagai salah seorang pembicara. Kehadirannya diharapkan dapat menjadi >> kesempatan untuk berbagi ilmu. >> >> Garin mengaku sangat prihatin dengan tayangan-tayangan media di Indonesia >> yang cenderung berorientasi pada keuntungan sesaat. *Upin dan Ipin >> *diharapkan >> menggugah para pelaku media untuk meningkatkan kualitas tayangannya. >> >> Saatnya juga media menghargai karya anak negeri yang tidak kalah >> berkualitas. Yang dibutuhkan adalah pemihakan. ”Betul-betul-betul….” * >> (IRE)* >> >> *EH* >> >> *Dapatkan artikel ini di URL:* >> http://www.kompas.com/read/xml/2010/08/06/0952133/Ditampar.Upin.dan.Ipin >> >> >> > >