--- In [email protected], "Rahman" <[EMAIL PROTECTED]> wrote: > 1. Urang Sunda CAN boga identitas nu KUAT? Teu kaharti kumaha > ngukurna. Ari Pajajaran, Kawali jlte teu bisa diangap identitas Sunda > kitu? Identitas anu teu kuat tea, kusabab Hindu Pajajaran eleh > dikeprak ku Islam kitu?
Enya kuring oge kerung maca eta wartos. Beu ...euy, geuningan aya ahli antropologi ti Universitas nu make aran "Pajajaran", nganggap urang Sunda baheulana suku primitif!, budaya acan mampan pan bisa ditafsirkeun budayana masih primitif. Padahal, ceuk beja mah, Karajaan Sunda teh geus neken perjanjian jeung Protugis, keur nahan serbuan Demak ka Sunda Kalapa. Ngan kulantaran Protugisna paciweuh di Selat Malaka, Sunda Kalapa kaburu dirurug ku Demak, jadi Protugis teu bisa mantuan. Mana Protugis daek nyieun perjanjian oge, meureun karajaan sunda teh dianggap gede jeung kuat. Tom Pires, petualang Protugis oge pan nyebutkeun Sunda Kalapa teh rame ku aktivitas ekonomi/perdagangan. Perkawis Islam jeung Sunda, enya urang Sunda teh ampir sadayana ngagem agama Islam. Tapi nyaeta Islam di Sunda, tetep we disaluyukeun jeung budaya Sunda. Contona, urang sunda resep tatabeuhan, pangpangna sora "beurat", teuing saha nyaluyukeun ka saha, nu jelas baheula mah takbiran malem lebaran ditabeuhan, malah kungsi maca beja, ditambahan ku diigelan. Aya kitu di Arab nu takbiran ditabeuhan jeung diigelan? Dr Abdul Rozak, dina bukuna nu asalna desertasi anjeunna "Teologi Kebatinan Sunda, Kajian Antropologi Agama tentang Aliran Kebatinan Perjalanan", nyimpulkeun yen SABENERNA URANG SUNDA TEH BOGA "KECENDERUNGAN" KANA KABATINAN. Lengkepna? ....ah mangga we baca bukuna ku nyalira. Nu jelas aliran kabatinan di Jawa Barat oge loba, ampir sarua jeung di Jawa Tengah jeung Jawa Timur. Baktos, WALUYA
