Asa kaemutan ngaos anu di heureuyan jurig, kuring ge gaduh
pangalaman aheng !kajadian nana dikantor. saurna dikantor abdi teh
aya jurigan , ngan rada aneh lamun ngabungkeuleuk teu katingali
jirimna mung hideung tapi nu atra mah palebah jempol ! jelas pisan
etamah.
jadi jempol ngalayang .... ihhh matak muringkak bulu - bulu (da loba
uing buluna )
Dina hiji mangsa kuring kudu lembur dikantor da isukan laporan teh
bade dianggo rapat, emut pisan melem jumaah ,tah tipasosore hujan
ngicrik ari babaturan kantor mah tos aruih.
bari ngutrek laporan teh ngahaja nyetel mp3 lagu kacapi suling, kira-
kira tabuh 8 an keur mejeuhna anteng. tok..tok..tok.. aya nu
ngetrokan panto rohangan. "asup !" ceuk kuring, tapi jempe euweuh
sora, lagu ngahaja dileutikan didedengekeun. tetep jempling . salah
denge meureun ! ngubaran hate !
der digawe deui ! ayeuna teu make musik , kreket....!!! sora panto
luar kos aya nu muka ! teg... asa nyeblak kana jajantung. rey...
bulupunduk harudang !! didedengekeun..... jempling. tapi da
panasaran , sugan office boy !! jang...ujang..!! ku kuring
dicalukan. tapina tetep jempling.
Akhirna teu khusu atuh. sok we peperen ke wae digawekeun di imah
tibatan aya nanaon. sup parabotan gawe diasupkeun kana tas !
eta ge bari rurusuhan. geuwat kaluar. na ari pas muka panto ruangan
aya nu ngajelegedek hideung keur nagtung dina pantor paragi kaluar.
atuh colohok uing ge kasima. rek ngagoak euweuh soraan. rek lumpat.
lumpat kamana da jalan kaluarna kahalangan ku mangkeluk. rek
babacaan ayat kursi lebeng poho harita mah.
ngan nu jelas eta jempol na nunjuk ka kuring, naon meureun maksudna.
ambir ampir kapiuhan atuh. beuki lila eta jempol ngadeukeutan
kuring, atuh tambah ngahodhod . beuki deukeut.....beuki deukeut. aya
satengah meterna ti kuring. geuwat ku kuring eta jempol teh di bere
cinggir. sut sia..... atuh eleh !! les we leungit ! kuring buru buru
balik bisi jurigna jadi curuk , hayo jadi ulin engkena....
