> From: "oman abdurahman" <[EMAIL PROTECTED]> > Dina buku kang Miki oge pangaruh jeung kamekaran basa Sunda jasa tulisan & > basa Arab teu saeutik-eutik acan diguar. Padahal, boh datana atawa faktana > gede kacida. Sok sanajan kitum naon anu kapendak sareng tos didugikeun ku > Kang Miki kacida gede hartina pikeun urang Sunda, utamana dina soal basa.
Leres Kang, tapi lamun teu salah mah dina buku Kang Miki disebutkeun samemeh huruf laten dipake dina Basa Sunda, tulisan2 dina Basa Sunda ditulis dina huruf Arab gundul jeung huruf Jawa. Wawacan2 biasana ditulis make huruf Arab (Aki kuring baheula sok maca wawacan nu ditulis ku huruf Arab gundul). Ngan masalahna dina segi sastra, wawacan jeung dongeng2 sejenna leuwih nunjukkeun sastra jaman baheula, istana sentris, nu dicaritakeun ukur raja-raja jeung kaum ningrat sejenna atawa mithos-mithos. Teu aya dongeng nu nyaritakeun kahirupan jalma biasa. Jadi pangaruh huruf Arab & Jawa teu nga "reformasi" kabiasaan ngadongeng nu "istana sentris" ieu. Lamun kuring teu salah maca, buku Kang Miki ngabahas soal robahna kabiasaan didunya tulas-tulis urang Sunda. Nu tadina tina sastra "kuno" jadi sastra "modern" nu leuwih realistis, kahirupan manusa biasa. Robahna kabiasaan ieu, bisa disebut revolusi, da ngan ukur dina waktu sakeudeung (puluhan taun) ti saprakna Basa Sunda make huruf laten tepi kaluar roman modern basa Sunda nu munggaran " Baruang Kanu Ngarora". Kunaon robah? tah ieu sigana loba nu kurang sreg kana buku Kang Miki teh, sabab faktor "walanda"na kuat pisan tepi kaluar istilah "Sunda Dicipta Belanda". Naha leres faktor kolonial kuat pisan mangaruhan tumuwuhna sastra Sunda modern? .....nya mangga nyanggakeun ka ahlina, ngan keur kuring mah ....rada yakin, Kang Miki teh loba benerna. Jeung deuih umpama bener, ah ..... teu kudu dipikahandeueul, malah kuring mah rada reueus, geuning urang Sunda teh dinamis pisan, gampang robah, hiji sifat nu kuduna mah bisa ngadorong urang Sunda leuwih maju deui asal ulah sifat dinamis ieu robah jadi sifat tuturut-munding ...... Baktos, WALUYA Baktos, WALUYA
