From: "Hilda Rumambi" <[EMAIL PROTECTED]> > Hidayatullah.com-- > Untuk menyaksikan betapa sesungguhnya teori Evolusi > adalah sebuah kebohongan, Anda harus membaca buku-buku karya Harun > Yahya (Adnan Oktar).
Teh Hilda, sigana artikel ieu sumberna ti Turki, Lamun teu salah mah Turki keur ambek ka Perancis, soal genosida nu dilakukeun Turki di Armenia. Tah ari perkara urang Perancis seueur atheisna mah kuring moal ngomentaran, teu terang. Sigana kang Tata Nur nu calik di Perancis atawa kang RH nu sok sering ka Perancis langkung terang. Ngan perkara Harun Yahya (HY) mah sigana Perancis "tinggaleun" ti Indonesia, soalna buku jeung VCD jieunan HY geus medal di Indonesia kurang leuwih 7-8 taun katukang. Malah lamun teu salah mah kungsi jadi "best seller". Nu neterjemahkeunana jeung mere nu kecap panganteur (kata Pengantar) dina buku2 HY salah saurang Dosen Biologi di ITB. Dosen Biologi ieu (nu kabeneran Urang Sunda), kungsi ngaluarkeun statement yen kurikulum Biologi di Indonesia kudu dirobah. Atuh jadi polemik dimana-mana, kaasup dina koran Kompas. Nu teu satuju, nya kolega-kologa sang Dosen. Salah saurangna nu paling heuras teu satuju nyaeta Dosen Biologi UNPAD nu oge lulusan ITB jeung sastrawan, ayeuna mah geus almarhum. Kuring oge meunang beja tina millis tatangga yen salah saurang Professor Fisika beken di Indonesia, oge salah saurang nu satuju kana "teori penciptaan". Antara Darwinis jeung Creationist (pencipataan) sigana bakal rame wae. Tapi saha wae nu ngadukung jeung nolak teori Darwin? Kuring kungsi maca yen hasil polling di Amerika nunjukkeun amipr 90% elmuwan nu kasang tukangna biologi (biologist, kedokteran jrrd) ngadukung kana Darwinist, tapi di kalangan elmuwan non biologi, prosentase ieu teh leuwih leutik, ngan ukur 50-60%. Hasil polling ieu nunjukkeun Teori Darwin lain teori nu gampang pemahamanana, ngan jelema nu icikibung di dunya biologi nu bisa narima Teori Darwin. Darwin dina elmu biologi lir ibaratna Newton atawa Einstein dina elmu Fisika. Harun Yahya (Adnan Oktar) lamun maca websitena, manehna teh tamatan universitas jurusan "fine Art", teuing jurusan naon eta teh, ngan nu jelas lain biologi atawa elmu-elmu nu aya hubunganana jeung biologi. Jadi asup akal lamun HY teu satuju kana teori Darwin da manehna mah henteu icikibung jeung tulang fosil. Kuring kungsi maca salah sahiji bukuna. Eusina? leuwih mirip artikel/ makalah dina elmu sosial nu sok pinuh ku footenote/cutatan tina buku/omongan nara sumber. Buku-buku HY leuwih ngaharib-harib buku elmu pangaweruh populer, ngan bedana teh ari buku2 elmu pangaweruh populer mah, nu ngarangna tara nyokot kasimpulan sorangan, ari HY mah nyieun kasimpulan sorangan. Ari ceuk kuring mah, buku HY teu kudu dibredel sagala, jeung kuring teu percaya Perancis bisa ngalakukeun hal eta. Ngan tangtu wae ari "maksa" kudu diajarkeun disakola mah, ditolak. Tong boro di Perancis, di Indonesia wae, ieu teh jadi polemik panjang jeung tepi ka ayeuna kurikulum pelajaran biologi di Indonesia tetep we ngacu kana elmu biologi universal nu diaku dimana-mana ..... Baktos, WALUYA