Enya sae Kang Dadi lamun ditafsirkeun kitu. Tapi maslahna aya nu percaya kana munjung jeung nyegik teh. DUa-tilu taun katukang di Bandung aya rumor, cenah aya bagong kukulamprengan di gang-gang di daerah Tegalega / Jl. Mohamad Toha. Hiji waktu eta bagong teh beunang dikarepung, janggelek jadi jelema nu pinuh ku tatu da tadi bagongna digarebugan. Jalma nu ngajirim jadi bagong teh, kulantaran tatu dikirim ka RS Rancabadak. Rumor ieu tatalepa kamana-mana tepi ka loba nu ngadeugdeug ka RS, hayang ningali bagong kajajaden. Nya katipu da ukur rumor ...
Di Jakarta aya babi kukulamprengan di perumahan duka leupas timana, der disangka babi ngepet, eta babi ditewak disariksa, tepi ka Pulisi datang. Babi dibawa ka kantor pulisi ...teu kungsi lila paeh da puguh pada neunggeulan. Geus paeh, ah .... teu jadi deui jelema, tetep we babi. (wartos ieu aya dina TV). Di Indramayu kungsi aya Haji nu beungar, imahna diduruk ku tatanggana da disangkana beungharna meunang munjung. Jeung loba kasus sejenna, nu nunjukkeun kapercayaan soal munjung teh masih hirup di sabagian masyarakat urang. Umumna nu percaya, masyarakat kota nu kamarginalkeun atawa masyarakat di padesaan nu desana relatif miskin jeung tinggaleun. Kapercayaan kana munjung, nyegik (oge sabenerna kapercayaan kana teluh/santet) biasana ngaleungit di masyarakat nu relatif leuwih makmur jeung leuwih stabil hirupna. Sami meureun ieu oge .... Baktos, WALUYA --- In [email protected], Dadi <[EMAIL PROTECTED]> wrote: > > Ari kuring mah ngahartikeun ieu dongeng / carita munjung ngarupakeun hiji silib anu ngagambarkeun kaayaan / kalakuan jalma- jalma sarakah anu henteu inget ka turunan. Contona disebutkeun yen lamun hiji jalma munjung manehna bakal meunang harta anu tanpa batas tapi syaratna kudu nyebakeun anggota kulawargana tepi ka beak. Lamun geus euweuh anu bisa disebakeun, dirina sorangan anu bakal jadi sebana. Bandingkeun jeung kaayaan ayeuna, saurang konglomerat ku kasarakahanana , manehna ngabukbak leuweung tepi ka bulistir, ngorowot taneuh, ngabongkar gunung tepi ka dasarna (siga nu nyegik), akibatna pas hujan, datang banjir, longsor nu menta korban nu lain saeutik (jadi wadal kasarakahan). Akibat saterusna generasi nu bakal datang teu kabagean nanaon, sabab sakabeh kakayaan alam beak digerejud ku jalma nu munjung kana napsu kasarakahanana tea. > > Jadi sigana mah ngahaja karuhun urang baheula nyiptakaeun dongeng / carita ieu teh keur pieunteungeun urang, supaya inget ka turunan. Meureun kitu oge. > > baktos > > Dadi
