> From: "Rahman" <[EMAIL PROTECTED]> > Kang haji Sorban Palid teh pagawe luhur hiji departemen. Kulantaran > jabatanana baseuh... korupsi gegedean, berjamaah jeung bawahanana. > Kulantaran berjamaah tea, teu kanyahoan ku batur saluareun eta departemen. > Tapi, kusabab Pa Haji tea jalma anu relijius. Pa Haji embungeun narima > riba (bunga bank). Pan haroooom m eta teh! Kulantaran kitu Pa Haji > nyinpen duit na di bank syariah!
Hih ari Kang RH, teu aya relevansi antara sikep relijius jeung korupsi. Contona, masjid di urang pabayatak ampir di unggal juru, Nu munggah haji unggal taun kurang-leuwih ti 200,000 urang (kitu oge kulantaran diwatesan ku kuota), tapi ari korupsi mah tetep mahabu. Departemen Agama, nu menteri jeung pagawena kuring yakin leuwih relijius tibatan departemen sejen, malah kaasup departemen paling korup, teu kurang salah saurang mantan menterina dihukum kulantaran korupsi. Sigana relijius mah leuwih kana sikep kapentingan individu jeung Nu Maha Kawasa, ari korupsi mah hubunganana jeung kapentingan umum/ publik, jadi teu aya relevansina. Malah nu korupsi, bisa ngarasa DOSANA DIPUPUS lamun manehna jadi jalma relijius siga nnyumbang nyieun masjid, umrah/ Haji sababaraha kali ...jrrd. Sababraha taun katukang, urut Direktur Jamsostek (Asuransi Tenaga Kerja) jadi tersangka korupsi, manehna terus "ngaleungit" kabur ka luar Negeri. Sihoreng manehna teh Umrah. Pas turun ti pesawat nu mawa manehna balik, langsung ditewak ku kajaksaan. Sigana urut Pa Direktur teh, mabur ngajalankeun Umrah, supaya dosana dipupus. Dosa dipupus henteuna, eta urusan Nu Maha Kawasa, ngan ari perkara maling duit nagara mah, kriminal, urusanana pangadilan di dunya ..... Baktos, WALUYA
