> From: "Dian Nugraha" <[EMAIL PROTECTED]> > Nu matak abdi mah hemeng keneh nepi ka ayeuna, naha nu jelas-jelas beda > kieu > masih disebat sami??
Leres aya bedana, tapi keur kuring mah, asa saeutik pisan bedana . Contona kuring meuli motor hargana 10 juta, duitna meunang nginjeum ti Bank nu bungana 20% / taun, ari jaminana motor eta. Jadi kuring unggal bulan setor ka Bank 1 juta (hutang poko jeung bunga jadi 12 juta). Lamun ngredit motor ka Bank Syariah, harga motor nu tadina 10 juta rupiah, "dijual" ka kuring ditaekkeun jadi 12 juta rupiah, jadi kuring nyicil 1 juta rupiah unggal bulan. Pan sami wae ari dina soal mayarna mah, teu aya bentenna. Nya duka upami ditingali tina sudut relijius mah. Tah kumaha lamun kreditna macet, kuring teu mayar-mayar? Kulantaran jaminana motor eta, bank konvensional bakal ngajabel motor eta, bari kuring teu kudu mayar deui sesa hutangna. Ku ngajabel motor, naha bank konvesional untung? angger rugi sabab hargana bisa turun tepi ka 50%, kulantaran urut. Duka di Bank Syariah, naha motorna teh dijabel, atawa dijual ku sorangan, terus duitna disetorkeun ka Bank Syariah jeung hutang kuring jadi lunas. Tapi nu jelas, sanajan dijual ku sorangan, eta motor hargana tetep turun. Kumaha dina Bagi Hasil? Keur nasabah badag, sabenerna Bank Konvesional teu saklek dina soal suku bunga. Sok dibadamikeun heula jeung bank oge sok "molototan" kumaha digawena, teu janji wae gebra-gebro ngucurkeun duit. Lamun kaciri arek macet, bank sok mere kalonggaran, hutangna dijadwal deui, atawa malah dibere modal deui. Jadi ceuk kuring mah, nya sarua wae jeung "bagi-hasil". Lamun macet, nu bangkrut lain wae nasabahna tapi bankna oge, maklum kredit gede. Jadi intina mah pan sami wae..... Kumaha keur USAHA leutik tepi ka menengah? Nu katempo ku kuring leuwih gampang nginjeum duit ka Bank Konvesional nu make jaminan tinimbang nginjeum ka Bank Syariah. Batur kuring nu relijius (pisan) hayang usaha leuleutikan, nya manehna kukurilingan di Bank Syariah sa Bandung arek nginjeum duit 50 juta perak. Tapi akhirna nyerah, teu kaharti cenah, mending nginjeum ka Bank Konvesional we make jaminan gajih ti kantorna. Eta nu katempo ku kuring di Indonesia, nya duka di tempat sejen mah ........... Baktos, WALUYA