--- In Baraya_Sunda@yahoogroups.com, "Waluya" <[EMAIL PROTECTED]> wrote: > > Manusa ngaku mangkeluk pang muliana di dunya, malah meureun di > universe, da acan kabuktian aya mangkeluk sejen di luar angkasa. > Manusa oge embung dianggap sarua jeung monyet, tepi ka kekepehan. > Ngan sakapeung manusa teu konsisten jeung sikepna. Waktu maranehna > gering, maranehna neangan ubar. Supaya ubar aman didahar ku manusa, > dicobaan heula ka monyet.
Kang W, Ieu kekecapan di luhur ditarik kana topik di dieu. Aya obrolkeuneun anu rada serieus yeuh. Kieu: Naha enya manusa teh enya mahluk pangmulyana? Lebah mana manusa bisa disebut mahluk mulya? Sabab mun ningali kanyataan kamanusaan, ti mimiti manusa aya nepi ka kiwari, manusa mah geuning malah jadi sabab ancur na dunya? Tempo we masalah ekologi ayeuna. Manusa mah taya lian ti PREDATOR pangsarakahna. Anu sabaheulana mah nyaluyukeun maneh jeung alam, ari ayeuna HAYANG jeung BISA nalukkeun alam. Mulya? Duka teh teuing, keur kuring malah jadi pertanyaan badag. Ngan sigana mah, ieu pipikiran manusa sentris teh bakal tereh beak. naon sabab na? Mun tea mah enya aya 'kahirupan' di luar planet bumi, hartina cara pikir urang anu manusa sentris bakal leungit. Manusa boga pikiran jadi pusat sagala na. Padahal mah mun ditempo fakta na, planet bumi teh teu kurang ti sagorehel keusik dina sagara. Mun tea mah 'kahirupan'di luar bumi kapanggih, ieu teh bakal jadi revolusi dina cara pikir urang. Sigana mah sabanding jeung 'pamanggih'na Copernicus anu nunjukkeun yen bumi anu ngurilingan panonpoe, lain sabalikna, saperti cara mikir manusa jaman harita! Sacara filosofi, kapanggih na 'kahirupan'di planet sejen bakal ngarobah mind set bangsa manusa. baktos, Rahman
