> From: Rahman > Mun tea mah 'kahirupan'di luar bumi kapanggih, ieu teh bakal jadi > revolusi dina cara pikir urang. Sigana mah sabanding jeung > pamanggih'na Copernicus anu nunjukkeun yen bumi anu ngurilingan > panonpoe, lain sabalikna, saperti cara mikir manusa jaman harita!
Bener Kang, tibaheula kuring ge panasaran cik atuh aya UFO nu sok nganjang ka Dunya teh nembongkeun diri ....hehehe. Kuring ge sok macaan ekspedisi Amerika di Mars soal ayana kahirupan di Mars, mani hayang geura kapanggih, sanajan ukur sesana jeung ukur sesa bakteri. Sabab ieu beuki nunjukkeun yen mangkeluk hirup teh aya oge di planet sejen. Ngan neangan mangkeluk hirup diluar sistem tata surya, ku elmu nu dipikaharti ku manusa jaman ayeuna, hese kamungkinana ari lain pamohalan mah sabab jarak bentang pangdeukeutna wae ampir sataun cahaya (lilana cahaya ti bentang eta tepi ka Dunya). Padahal cahaya teh panggancangna, jeung euweuh wahana jieunan jelema nu bisa nyaruaan gancangna cahaya. Hukum-hukum mekanika klasik (newton) teu berlaku lamun materi geus "lumpat" sagancang cahaya, tapi mekanika relativistik einstein. Kuring jadi inget cariosan Prof. Bambang Hidayat, astronom Indonesia di Boscha, cenah, anjeunna yakin di alam semesta teh aya mangkeluk sejen, lain di Dunya wae, ngan teu mungkin saling "silahturahmi" da bakating ku jauh ........ Lamun ngalamun kadinya, jadi sok inget kana film seri "X Files" : The Truth is out there ......" Baktos, WALUYA
