> From: Dian Nugraha > ala masyarakat barbar telah membuat segalanya menjadi kabur. Narkoba – > dalam dosis tertentu – telah dilegalkan di Belanda. Minuman keras sudah > lama dianggap sebagai kawan sejati manusia di Barat.
Narkoba legal mah sanes di Walanda atuh, tapi oge di nagara sejen, diluar nagara nu disebut nagara kulon. Urang Yaman resep ngagayem sajenis rengrang nu disebut KHAT. Ieu rengrang hirupna di Afrika, nu diekspor ka Yaman. Khat efekna siga ganja, rada teler. Di peru daun coca dijualan siga ngajualan daun seureuh. Di Aceh, daun ganja dijieun bumbu masakan. Malah kamari maca aya warung kopi di Aceh, nu ngeunahna kacida, sabab ditambahan siki ganja. Urang Taliban malah ngutip biaya tina patani jeung padagang Hasyiss (candu). Nu kuring teu ngarti, kunaon nganggap moral urang "kulon" teh ngan goreng jeung goreng wae, euweuh nu alusna.Padahal Ceuk Kang Asep Surasep nu kungsi cicing di Amerika, cenah diditu teh jalmana saromeah, kitu deui ceuk kang Asep Juarna ti millis sabeulah nu sakola di Perancis ..jrrd. Informasi ieu penting keur kuring jeung lolobana urang Indonesia nu acan/ moal nincak nagara kulon, supaya teu nganggap salawasna urang kulon teh moralna handap jeung pangpangna mah supaya ulah kaget lamun heug boga milik nganjang kaditu. Ulah saperti Egie Sujana nu kaget waktu nganjang ka Australia, tepi ka kaluaran ucapan : "Australia nagara Islami" atawa batur kuring nu nyebut "Jepang teh Islami" ... Inget baheula ka almarhum pun Ua waktu nempo hayam aya sapuluhna dibawa motor ku cara dihijikeun digantetkeun sukuna, dibawa digantung kenca-katuhu dina pamboncengan, "Aduh eta nyiksa hayam, lamun jaman walanda mah geus ditewak pulisi!", cenah. "Nu leres Ua?" "Ih ari ujang, neunggeulan kuda mopo gara-gara beurat teuing nu ditarikna, tukang roda didenda 10 sen, kitu deui lamun aya kuda tatu dipaksa narik delman. Komo deui mawa hayam siga kitu mah!" Kuring bati ngahuleng, geuning baheula mah kitu aturanana, na ayeuna mah geuning euweuh aturan eta teh. Jadi saha nu boga moralitas Walanda atawa bangsa urang? Umpama bangsa urang, na geuning ari geus walanda indit mah, bet kalakuan eta teh dianggap ilahar? Baktos, WALUYA
