Der perang! Perang deui! Perang, Perang, Perang, batur, perang! Leuwih rosa ti perang nu ti heula! Perang jeung musuh nu anyar datang perang jeung nu marake JENDOL Perang deui jeung sesana balad Banten!
Perang, perang! Urang Pajajaran dihurup hiji musuh salikur, sabab urang Banten dibantu ku balad wetan! Lantaran balad musuh nu ti wetan Tambah deui, tambah deui Nya kawalahan oge Raja urang, nya kawalahan oge Aria Santang, nya kawalahan jasa si Lengser oge! Burubul musuh ti kidul, surudug si Lengser ka kidul! Burubul musuh ti kulon, surudug si Lengser nangkis di kaler! Burubul musuh ti wetan! Surudug Si Lengser ngamuk di wetan! Urang Pajajaran perangna rosa jasa! Sakabeh ngarilu perang Aki-aki ngilu perang Nini-nini ngilu perang Karuhan nu ngarora mah Nu Lelengoh ngilu perang Nu barujang Ngalawanna galak jasa, sabab ku beubeureuh Ariyana diati-ati nu SAPOTONG dikeureut SAPOTONG, Kawin teh Eundeuk moal dijadikeun. Perangna nu jawene? (Cawene? WLY) leuwih giras ti cangehgar sabab arinyana hanteu sudi Mudu leungit ANU NYEMPIL dicarokel make obeng! Perang, batur, perang! Mingkin lila, beuki rosa Mingkin tambah balad musuh Beuki kawalahan Pajajaran ......! Ceuk Raja ka Si Lengser: "Mun kieu terus-terusan, mantak boa kudu mundur!" Ceuk Si Lengser: "Encan wayah! Leuwih hade urang ganti aturan perangna! Urang make aturan anyar, nyaeta: Akeul dulang kayu samida! Ha(r?)tina? Kayu seungit pikeun ngukus! Tegesna: Amun jaya aya di urang tangtu musuh bakal musna Tapi Amun apes papasten urang paeh ge moal jaradi jurig sabab sukma urang diperenahkeun di Kahiyangan! Lantaran paehna urang, Gara-gara Satuhu ka Sang Rumuhun Bela pati ka nagara!" Ceuk Raja: "Kumaha ngaturna?" Ceuk si Lengser: "Geura tuturkeun!" Laju si Lengser ka tengah tegalan. Burubul musuh ti kidul, suruntul si Langser ka kaler! Burubul musuh ti kulon suruntul Si Lengser ka kidul Burubul musuh ti kaler Suruntul Si lengser ka wetan! Cindekna mah Perang cara si Lengser teh Datang ka lebur jagat tutumpuran oge, moal deuk aya nu bisa niru! Sadupak-dupakna matak cilaka, satubruk-tubrukna matak ripuh, satejeh-tejehna matak bengek, satinjak-tinjakna matak bohak, sarawel-rawelna matak soek! Nya karuhan musuh mani paburisat! Kumaha amun burubul musuh ti wetan? Suruntul Si Lengser ka tengah tegalan! amun musuh anggeus parek, Si Lengser laju nonggeng bari nonggeng nyingsatkeun samping! Kumaha ari musuh? Arinyana laju bae kasima! Sabab piker arinyana: "Eta kanjut inyana sagede kiiiitu .......! Tada teuin meureun GAGANDEN inyana mah .....! Nya laju sakabeh anu nareuleu Si Lengser nonggeng, pada kalengger! [Lajengkeuneun]
