Markos: Ni hik beherago esandako guztiarekin (ia edo) bat natorrek. Filosofiaz (ez nauk adarra joten ari), ideia handien abstrakzioaz, oinarrizko eskubideez etabarrez eztabaida gutxi zegok jende erdi zibilizatuaren artean. Eta uste diat leinu horretakoak garela biok.
Kontua duk, ordea, eguneroko politikagintzan (posiblea denaren artegintzan, alegia) zelan arraio aldarrikapenei forma zehatza eman. Politika indar kontrajarrien (ez nahitaez kontrakoak) oreka eta desoreken fruitu duk. Segurutik ez duk sistema perfektoa baina, behar bada, bai dagokeen perfektoenetakoa. Gobernazioa ez duk, gehienetan, agintean dagoenak nahi duenaren isla, ahal duenaren isla baino. Hik beherago esan dituenetatik gehien arduratzen nauena nigan sumatzen duan agresibitatea duk. Nik bazekiat zorrotz eta zakar samarra naizela (eta inoiz ez diat leuntzeko ahalegin handirik egin, egia esan), baina ez nikek agresiboa izan nahi. Hala ere, aitortu behar deuat ez zaidala batere erraza gertatzen ezker radikalaren munduarekin erdibideko neurria hartzea. Eta eskarmentu pertsonalaz ari nauk, ez politikaz. Ona eta eskuzabal jokatzen baduk on-hustzat, gizajotzat, hartzen haute eta adarra joten, hatzak erakusten baldin badituk aingeru aurpegia jartzen ditek, sekula ezer egin izan balute bezala. Nik sekula ez diat ulertu zergatik (esate baterako) tipo bat hiru egunetan atxilotua egoteagatik edo senide bat trafiko-istripuz hiltzeagatik neri posizio pertsonala eskatzen zaidan eta, osterantzean, kazetari bat erail, tipo bat urtebetez zuloan euki edo sukaldari bati iraultza-zerga eskatzen zaionean, zergatik posizio-eskale eta giza-eskubide defendatzaile amorratu horiek mutu geratzen diren. Nik presoen aldeko "mobida" eta manifestazioetan parte hartu izan diat, baina halakoetan lagun izan ditudanak ez dizkiat gero bestelakoetan ikusi. Begira, ni hiru aldiz (bi bakarrik eta beste behin lagunduta) egon nauk bestaldean iraultza-zerga negoziatzen. Eta akojonanteena ez zuan dirua ordaindu beharra ala ez, "gustora" ordaindu beharra baizik. Alegia, tipoak konbentzitu nahi hau arrazoiz ari dela diru-eskaka, eskubidea duela eta hire hobe beharrez ari dela¡ Jarrera honek islatzen dik mundu horretan nagusi den pentsamoldea¡ Hik Joseba Arregiz esaten duanaz bat natorrek. Arrazoi zein ez, hiru urte zeramatzak gauza berberak esaten. Alde bateko mamuak baino ez dizkik salatzen. Jeltzale zelarik ere, eta Aznarren unerik gloriosoenetan, erru guztia abertzaleena omen. Baina Arregi intelektuala duk... beste kasta bat... neretzat baino gehiago segurutik. Martxa horretan gaixorik amaitu dik, honezkero ez bada... Anoetakoa baliagarri duk. Balio dik, ETA mugitzen baldin bada. ETA ez baldin bada aldatzen... edota Batasunak ez badio aurre egiten... ezer gutxi. Are gehiago, ezker abertzalearen hondamendia izan zitekek. Azkenik, nik ez diat protokolo "kaskar" hori hobegarri ez denik esango. Nik sistema demokratikoan sinesten diat. Erakundeez fiatzen nauk, Balzaz fiatzen nauk eta, jakina, baita Arartekoaz ere (pertsonaz eta bere lanaz), hire kritikaz fiatzen naizen bezalaxe. "Hi" ere sistema barruan hago, hire barik ez likek funtzionatuko. Eta, jakina, sistema demokratikoaz fiatzen nauk: sistema demokratikoak duen ahalmenaz unean uneko aukerarik onena egiteko. Urteberri on. Amatiño Amatiñok: >Nik onartzen dut zurea. Zuk onartzen al duzu nerea? Baina Amatiño, mesedez, nola ez dut ba zurea onartuko! Batasunaren beraren azken mezuak ere guztiz ebanjelikoak dira. Horregatik ez dut ulertzen zure agresibitatea, kontuan hartuz gainera jeltzaleek daukazuen zorte ona, konstituzionalistek ekarria, Mayor Orejak, Novalesek. Bestalde, ematen du badela oinaze fisikoa apaltzeko aukera, atentatuak, zerga iraultzailea, tortura (protokolo kaxkar hori hobetzen saiatuko da Arartekoa urtarrilean Balzarekin egingo duen bileran) Ez ditut maila berean jartzen Franco eta ETA. Ezta Franco eta EAJ ere. Nik ez dut arazo politikorik EAJrekin edo ETArekin, neofrankistekin baino. Horiekin ikasi behar dut erlazionatzen. Guardia Zibil bat ikustean irakiar normal batek AEBetako soldadu baten aurrean sentituko duen higuina eta izua sentitzen dut. Batere oinarri juridikorik gabeko razzia batean kazetari batzuk harrapatu eta torturatzen dituztenek osatzen dute nire kanpoalde gorria. Hori da ulertzen ez dudana, nire ifrentzua, itzala, muga, bestaldea, etsaia. Baina dugunaren zati horri ezikusia eginez nire buruari kalte egingo nioke. Joseba Arregik egia dio: demokraziari bizitasuna alternantziak ematen dio. Baina "Aldaketa" oso eskasa da Besteari aurre egiteko orduan. Arregiren Bestea ez da EAJ, ETA baizik. EAJtik PSEra eta buelta: hori erraza zaio. Aski da Arregiri zazpi esaldi entzutea arazoa ETArekin duela nabaritzeko. Eta zer egiten du? Dekretuz ezabatu. Ez balitz bezala jokatu. Oso jarrera ahula. Anoetako Batasuna berriz askoz ere sendoago, Elkarriren zein Aralarren ildotik, Jung eta Jesukristo batera: arerioa integratu, etsaiaren konplizitatea bilatu... Arrazoi bakar osotzat hartutakoari heroikoki eutsi beharrean politika, entzuten dakien pragmatismoa, malgutasuna, Besteari eskua luzatzea... Lema kolpe ederra inolaz ere. Ez dirudi behintzat zerga iraultzailearen eta terrorismoaren oinarri ideologikoa. Badugu hippiok pozik egoteko motibo franko. ----- Original Message ----- From: "Amatiño" <[EMAIL PROTECTED]> To: "'Eibartarrak zerrenda'" <eibartarrak@postaria.com> Sent: Tuesday, December 28, 2004 12:02 PM Subject: RE: [eibar] "Comunidad nacional" Markos Zapiain: >Zure estilo demagogiko hori erabilita esan liteke askoz ere gurago duzula Franco ETA baino. -- Estiloarena irakurlearen eskutan uzten dut baina Franco eta ETAren artean erabaki beharra... Ez dut sekula horrelakorik pentsatu. Izurritea ala minbizia? Sekulako aukera¡ Eta biak gaitzetsiko bagenitu? Ala bat bai eta bestea ez? >Iruzurra baita "mugarik gabeko Europan parte hartu beharra, aniztasuna zein nazioarteko solidaritatea" lortzeko oztopo gisa maila berean jartzea Franco eta ETA. -- Nik 2000 karaktere daukat zerbait esateko eta behar bada ez dut beti asmatuko. Nik Josu Legarretaren liburutik hartutako erreferentziak errepikatu ditut (liburua irakurri gabe ari al zara?). Eta esan nahi izan nuen bakarra zera zen: abertzaletasunaren kontzepto moderno bat zegoela pilpilean orain dela 50 urte baino gehiago, Francoren eraginez eta ETAren presentziaz aurrera egiterik izan ez duena. Alegia, oraintxe iristen ari garela gu, beste zenbait orain dela 50-75 urte heldu ziren ondorioetara. >Francorentzat laudorio bat da, garbi adierazten baitzuen oztopatze horixe zuela helburu ETArentzat berriz iraingarria, sarritan aldarrikatu baititu halako xedeak. -- Nik Ez dut Franco lausengutu nahi baina ez dut ETA iraintzeko batere arazorik. Zuk bai? >EuskaraZ eztabaidagunean bazen jeltzaleen aurka obsesionaturiko idazle bat, oso aktiboa >Amatiño: zure jarrera berdin-berdina da, baina alderantzizko bidean. -- Nik ez daukat obsesiorik, baina ezta konplejurik ere. Nik anaia izan dut kartzelan eta Espainiako dozena erdi bat espetze bisitatu izan ditut. Horrez gainera birritan egon naiz "bestaldean" iraultza-zerga negoziatzen (Mozonen etxean) eta ETAk hiru lagun hil dizkit. Nik nere herri honen ajeen matrailekoak alde bietan sentitu izan ditut. Nik nere burua nahiko zentratua ikusten dut, hala beharrez. Baina, bistan da, zure ikuspegitik ez dela horrela. Nik onartzen dut zurea. Zuk onartzen al duzu nerea? >Hala ere, ez dut uste eibartarrak hau euskaraZ hura bezala pikutara joango denik. -- Ez dakit zertaz ari zaren. Baina, honezkero, nere patua ez da pikutara joatea, jubilatzea baizik. Eta honek sekulako askatasuna ematen dit. >Baina baliteke EAJk EAEn agintea galtzea CIUk Katalunian galdu duen bezala: >batetik, jendea nazkatu egingo da Amatiñoren mezuan nabari den zilborkeria harro erasokorraz (penagarria botererik gabeko >alderdietan baina agintariengan jasangaitza). -- Beti uste izan dut zilborkeriarik handiena zera dela: Norberak arrazoi guztia daukala pentsatzea, arrazoi hori Herri osoarena dela gainera,eta arrazoi horregatik inor erail daitekeela Herria salbatzeko. Ez dizut inoiz hori "ere" zilborkeria denik irakurri. >Bestetik, krudelkeriari uko egitera behartutako Ezker Abertzale zabal batek eta krudelkeriari uko egitera behartutako >PSE-EE-k (Madina, Zabaleta, Etxezarreta eta Itsasoren ikuspuntuetara lerratua) nolabaiteko lankidetza gauzatzen asmatuko >dute. -- Ez zen EAJ izan ezker abertzalea bitan zaitut zuena, ETA baizik. HB eta EEren tradizioek elkarrekin bildu behar baldin badute bildu daitezela. GALen eta ETAren kulturek elkartu behar baldin badute, elkartu daitezela. Orain arte Euskal Herri osoaren lurraldetasuna gutxieneko baldintzatzat jo dutenek eta Espainia banatezinaren Konstituzioa defenditzen dutenek bat etorri nahi baldin badute, etor daitezela. HORI BALDIN BADA BAKEAREN PREZIOA... NON SINATU BEHAR DA? >Oztopo gogorra izango da hala ere PRISAtik zein telebista publikotik, besteak beste, datorkigun kiratsa -- Ez dut ulertzen. PSOE eta Batasuna bat baldin badatoz... Ikusiko duzu zelan zuk diozun kiratsa aroma bihurtzen den. Amatiño ---------------------------------------------------------------------------- ---- _______________________________________________ Adi gero, mezuak bidaltzeko: eibartarrak@postaria.com http://www.eibar.org/zerrenda harpidetza eteteko: [EMAIL PROTECTED]
_______________________________________________ Adi gero, mezuak bidaltzeko: eibartarrak@postaria.com http://www.eibar.org/zerrenda harpidetza eteteko: [EMAIL PROTECTED]
