Irainduta, saminduta...iguinduta... Urte askotan gure gurasuek eta irakasleek eindako lan handi handixari ezker nik D ereduan ikasi neban 18 urte izan nittun arte.
Laster Eibar herrixan ez da D eredu erreal bat eskainiko 12 urteko haurrentzat. Ezingo detset nere alabei D eredu erreal bat eskaini DBHrako, ez bentzat herrixan bertan. Gogorra da gero!!!! Negarguria dakat, inpotentzia... Mapa eskolar berri bat behar dela herrian, ados nago. Diagnostiko bat jaso dugu etorkinen tasak ez dirala era egokian banatzen, ados. Baina iƱok ez dau diagnostiko horretan euskeria aittatu be eitten; eta hau ez da Ondarru. Eibarren euskeriak arnasgunek behar dituela garbi dago baina orain 12 urteko haurrak arnasgune gabe utziko ditugu hezkuntzan. Beraiek emandako diagnostikoa konpondu ahal duen planteamendua egin du Mogelek, baina beste eskolek ez dute irakurri ere egin nahi. Delegaritzak ez digu lagundu nahi. Eibarren euskaldunak, erdaldunak eta etorkinak bizi gara. Euskaldunak ezingo gara geto batean mantendu, are gutxiago eskola publiko baten barruan, noski ezetz. Etorkinak euskaldundu daitezke ingurune euskaldun batean, eta horretan saiatu beharko gara. Horretarako Haur hezkuntzatik hasi beharko dugu, eta gaur egiten dugun lanaren bikoitza egin behar bada ere, egingo dugu. Baina ez, jarrai dezala denak berdin eta 12 urterekin denak bateratzearekin konponduko da dana, ezta?. Eta bueno, 8 lerroko makro planteamendu horrek izan ditzakeen eragin pedagogikoez ez dut jardungo orain, euskeriaren ikuspuntutik jarraitu nahi dut eta. 12 urteko haur guztiak elkartzeak, aurretik ezer egiteke, euskeriari egingo dion kaltea izugarria izango da!!! D eredu bat eskainiko omen da, nik badakit hori ez dela D eredu erreal bat izango. Josu Mendikute, Ibone Lamarain,....zer gertatu bihar da hamen? ez noia beste partiduei erantzukizunik eskatzera baina zuek bakarrik laga gaittuzue, Euskara zuena be bada ba??? Gema Lopez de Txabarrik atzo esan zezkuazenak aittatu be ez ditut ein nahi ondiokan korapilua barruan dakat eta. hasieran esan doten moruan saminduta dao. Zaloa
_______________________________________________ Harpidetza eteteko, bidali mezua hona: eibartarrak-requ...@postaria.com izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.