Coma xa collín por costume, mándovos un recordatorio de que hoxe saíu liberada a nova versión de KDE 4.2 (hai escasamente unhas horas) e de que se agradecería unha nova en Mancomun.org:
http://www.kde.org/announcements/4.2/guide.php http://www.kde.org/announcements/4.2/ En canto á l10n; 20 idiomas sobrepasan o 80%, o cal é un verdadeiro éxito. http://l10n.kde.org/stats/gui/trunk-kde4/toplist/ e se non me fallan as contas 53 idiomas traduciron os paquetes esencias, o cal é motivo de admiración. Isto supón cubrir, como dixen na akademy-es 08, coma 700mill de persoas deste planeta na súa lingua nativa!!. Por certo, moitos destes idiomas son da rexión da India e do arquipélago Indonesio. Evidentemente o galego está ó 100% ;) grazas a eminentes trasnos coma Marce Villarino, quen se adicou a... todo, coordinar e traducir e tamén corrixir; a Xosé quen fixo moito da documentación, e máis, modestamente, eu. Dicir que a tradución de KDE 4.2 está mellorada pois con ela empezamos a revisar traducións, que se converteran nunha aposición de estratos de tradución con diferentes estilos e diferentes normas feitas en diferentes anos (2000-2009!). Inda que o traballo é de momento incompleto (está revisado, penso, parte de Koffice, parte de Kbase e a totalidade de KDEPIM) subsana unha boa cantidade de erros ortográficos e de coherencia terminolóxica que había. Espero que avancemos en sucesivas versións a este respecto. _Opinión persoal_, a KDE 4.2 supón un gran avance en estabilidade e en melloras no espazo de traballo. Levo probando a 4.2 dende a beta1 e só podo loala, por estable (non tiven ningún erro grave en todo este mes e algo) e sorprenderme pola cantidade de retoques aquí e acolá. Evidentemente non é perfecta, pero tampouco o son outros DE)) Inda teño que probar a final, evidentemente, pero supoño que non me ha decepcionar polo que levo visto e espero que ós demais tampouco. Este lanzamento, dirixido a un público xeral, por primeira vez en toda a serie, xunto co cambio de licenzas fan a KDE un proxecto moi atrativo en tódalas plataformas, e convérteo nun novo competidor noutro tipo de dispositivos. Non sei cal é o futuro de Galinux actualmente,... pero creo que será difícil obviar a KDE a partir de agora. Se ata Win7 lle botou un ollo ó KDE novo hehe [[Só un aviso a navegantes... amantes de Ubuntu: os paquetes de KDE para Ubuntu son habitualmente os piores --period!--, por comparanza con mandriva, opensuse e fedora (versiós as cales probei e das que falo polo que experimentei). Todas estas distros dignáronse durante toda a 4.1.x a introducir novidades que se estaban a subir a /trunk na serie (falo de 'backporting'), todas agás ubu. IMHO, Para probar KDE Ubuntu non é recomendable: moitas das queixas de estabilidade relacionadas con KDE 4.1 debéronse ao problema con NVIDIA (non compredes cousas de señores que se adican a capalas!, comprade Intel, ie.) pero tamén malas prácticas de empaquetado de KDE de Ubuntu. Considero que as mellores distros para KDE seguen a ser Mandriva e Opensuse. ]] Pois iso, a desfrutar da KDE 4.2! Miguel Branco