SHORT STORY: Kathani Aur Karni
Aaj shahar ke sabhi sam-laingik NGOs ki meeting thi. Satish apne zordar speech
ke baad sab se wah-waahi batorne mein busy tha. Aaj uske speech ne sab mein
josh bhar diya tha. Sab log maan chuke the ki sam-laingik andolan ko ab ek nayi
disha milne wali hai. Waise bhi aaj zaroorat aise hi leaders ki hai ..jo sirf
baatein na karein.. kuchh karke dikhaye....Satish ke speech ka saar yehi tha ki
sab ko himmat karke aage aana chahiye. Usne sabse jyada is baat per zor diya
tha ki is community ke sabhi logon ko apne sexual orientation ko disclose karke
aage aana hoga. Jab tak numbers nahi badhenge..tab tak hamaare group ki aawaz
nahi suni jayegi....etc etc
Apni zordar presence note karwane ke baad, excited Satish ko jaise pankh laga
gaye the. Apne khyaalon mein khush hota hua Satish jaise hi ghar pahuncha,
dekha Daddy saamne baithe usi ka intezaar kar rahe the. Satish saham gaya aur
sambhal kar chalne lagaa.
"haan beta...aao baitho.." Daddy ne paas bithaya...satish darte darte paas
gaya. Pata nahi aaj daddy ne kyu baithaya hai...jaroor koi khaas baat hai..
"hum sabhi log kal Bhopal jaa rahe hain..." unhone bataya.. "agale hafte hum
log yaha se nikalenge...tab tak tum apne office mein bhi leave application de
dena...2-3 din lagenge...."
"Lekin..baat kya hai daddy..!!" Darte darte badi mushkil se awaaz nikali.....
"tumhare liye tumhari Mausi ne ladki dekhi hai..kareeb kareeb baat pakki ho hi
chuki hai...bas tumhe usko dekhna bhar hai...hum log chal rahe hai sab baat
final karke hi aayenge...soch raha hu ..deewali tak tumhari shaadi ho jaye...
Apni Packing Kar lo.." Daddy ne apni raub-daar awaaz mein kaha...
Satish ke muh se awaaz hi nahi nikali....
satish sar jhukaye baitha tha. Bas woh ek hi line bol paya...
"jee Daddy..."
See the Web's breaking stories, chosen by people like you. Check out
Yahoo! Buzz. http://in.buzz.yahoo.com/
