-------------------------------------------------------------------------- | Add your name to the CLEAN GOA INITIATIVE | | | | by visiting this link and following the instructions therein | | | | http://shire.symonds.net/pipermail/goanet/2005-October/033926.html | -------------------------------------------------------------------------- Khabi-Khabi Hota Hai
Avois. Saiba bhogos.!!! Kortam-kortam xant aslelea Goa xaracher akantvadi akromonn korchele asat? Bush, borem bhogtolo? Veta thoim vhodd zhuzachim agttim pettoileant ani borea monxank binakaran akantvadi (terrorists) keleat. Gomantak Times disalem hatant gheun ani vhoddlean karandai korit Lapitachi bail, bolkavant bosun aslelea Lapitaxim aili. Sokall fuddench tichea tonddak lagchea bodla ghorachea jardinan vochun zhaddank tori udok ghalchem oxem taka dislem. Bollkavantle pavndde dhenvun jardinan vochunk toeari kori tedna tagele bailen mhonnlem. Aichea paper-ar nodor marlea tuvem? Goeant, pordeshi bhonvddekar ietat tancher akantvadi akromonn kortele mhonn Goemchea sorkarak bhirant ghalea. Goemchea uttorek doria kinnarecho vattar Candolim tem Arambol meren rave parties choltat. Hea suvatancher pordeshi tourist-anchem bhirem. Izrael bhonvdekaracher tancho dollo asa khoim. Mhaka sapuch bhirant dista Tujea mathear itlem vozon kiteak? Tea zagea koddsun 60 kilometram pois asai tum. Tuvem bhieunchi goroz na. Mhojim soirim ravtat tea vattarant. Tancho husko asa mhaka. Arpora ganvant Saturday Nite Bazaar bhorta. Fokot Goeantuch nhoi, punn purai sovnsarbhor bhonvddekarank mukhel akarxonnacho (attraction) zago zala to. Thoimsor atmghatki bombkar (suicide bombers) dollo dovorun asat. Izrael toxech ier desantlea innosent nagrikacher vhodda promann akromonn korit mhonn bhirant poddlea. Fattlea tin vorsam tanchi ani tea zageachi surokxea samballunk Izraelantle Anti-Terrorist Specialists dovorleat. Itlem sopem nhoi. Goeant dadhagiri dakhounk. Hoi? Sovnsarantlo bollixtt Amerikan desantlea World Trade Center donui minarancher (towers) akantvadeanim vimanan akromonn kellem asa. Ani amchea oslea unnem surokxea aslelea Rajeacher hinsa (violence) korunk tankam vell zai? Je toren tuji karandai cholta te ispan khoreaninch akantvadi Goeant bhorleat distat. Vachunk na tuvem? Irak ani Afghasnistan desant akantvdeanchem noxtt khobar korunk Amerikan-an ghott panvlam marleant mhunn? Jitleank nanch korunk sodta titlech akantvadi choddon ani vaddon vetat. Adlea Irakachea raxtripoti Saddam-ank niklavpak Mars 2003 vorsa zhuz suru zallem tedna vixe sumar Amerikanache soinik tea zhuzan somplele. Saddam-ank visvaxi aslele zhuzmare (guerillas) ani Al-Qaeda-che jihad vangddi dor disa bombacho sfott korun, atam meren 2200 odik Amerikan-achea soinikank undram porim sompoileat ani kitlech ozar zokmi keleat. Innosent lokak bepotteaxri (kidnappings) kortat, tancho jiv luksonnan ghaltat. Fattlea atthvoddean, eka Bharoti nagrik Maniappan Raman Kutty haka bepotteaxir kelo ani Afghanistan-chea Taliban zhuzmarenim jivexim marlo. Akantvadi bondukam, armam-nalli-gullio, noxti hotearam vapritat. Dekhun hanv mhonntalim. Kendr ani Goeamchea sorkaran, vhodd akant nirmann zaunchea adim surokxechim panvlam tarbortob ghetlear koxim?. Itlem uloita tem, Goenchea sorkaracho 'security advisor' tunch zaunk na kiteak? Tum daxtte vinnem rav. Aiz meren tuji surokxea hanvem ghetlea. Hanv astana akanvandeank bhie naka. Kitem mhonnttlem? Surokxit rav? Ek-ek pavtti tanchea vonn tujem 'terrorism' mhoje kuddir kampero haddta Oxem hanvem kedna tori kelam? Mhaka naka tea vellar, pokelem bonduk gheun mhoje fattik lagta tedna. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________ Start your day with Yahoo! - Make it your home page! http://www.yahoo.com/r/hs -------------------------------------------------------------------------- | Goa - 2005 Santosh Trophy Champions | | | | Support Soccer Activities at the grassroots in our villages | | Vacationing in Goa this year-end - Carry and distribute Soccer Balls | --------------------------------------------------------------------------