------------------------------------------------------------------------ **** WWW.GOANET.ORG *** A N N O U N C E M E N T **** ------------------------------------------------------------------------ Launching Goanet-sports - Dedicated to Sports in Goa and Goans in Sports
Get your free subscription at: http://lists.goanet.org/listinfo.cgi/goanet-sports-goanet.org ------------------------------------------------------------------------ Sun-Sasumainchem Natem* Boxttai Nakat Misak vochun ailim hanv. Suria tokler pavlo ani tum azun nhidun asa. Bell marlear pasun utthunk nam astolo. Poderan pão bolkavanchea sopear dovorlele te hanvem bhitor haddleat. Xrimati Lodovina Serrao sodanch sokallchea Misak vochpi. Aiz igorjent, modlea vaddeantlea Santu-chem poilea vorsachem Mis, ani uprant xemiterint vochun ghora pavtta mhonnlear irloso vell zalolo. Hi sondh gheun tigelo ghov Xri Lamberto sust nhidun aslo. Kopdde bodiltanam fone vazlo. Hello!! Konn uloita? Luiza? Bai-e .Koxi asa mhoje dhuve? Morgadha zaitea disanim mhozo ugddas ailo ? Papa ? Ho poi azun sust nhidlolo asa. Ghorant chor bhitor sorun ghor chorun khabar kelear zata punn apli nhid mat to ibaddunk toyear nam .. Kitem .? Kitem mhonnlem mhoje bhuxea ? Khorem sangta tum ..? Khorench bai .? Atanch ietam hanv tugelea ghora . Oi, oi. Papak kollit kortam. Dhuve thaim uloitanam Lodovina-chea mukhamollar khuxecho rong choddlo. Porsantlea zhaddancher bosun, modur avazar ghaionam gaitelim sunkneanim odikuch gavpachem dorlem ani tichea khuxealkaen vantto ghetlo. Tigelea anondit kirnnanim, sokallchea nnov horar zhogzhogtelea suriachea uzvaddak porian lojen ghalo. Oi. Aiz ti itli khuxeal, itli khuxeal, poilech pavtti xemaim zaunchea vattter pavleli. Logn zaleli tigele eklech dhuven, tin vorsam uprant poilo gorb sambavlolo. Are aikolam? Utth, utth vegim. Amgelem bai Liuza . Zannam hanv. Modinch zap ghalun tannem mhonnlem. Tuka konnem kollit kelem bai Luiza avoiponnachea bhesar asa mhunn? Amchea kazari jinnentlim 30 vorsam tujea sangatak tankttam hanv. Aichea disa tujer ubzovleli khuxealkai hea adim hanvem keddnanch pollevnk nam. Dhuvecho khusvo veginuch ubzouncho heach khatir tum niamit (daily) Misak vetalem nhoi? Argam Devak. Tannem tujim magnnim aikolim. Toxem tor vegim utthun tondd bha duvun, nhesun Luiza-gher vochunk toyar zav. Goroz nam. Kitem? Kitem mhonnlem? Mhoje dhuven poilo gorb sambavla ani tika mhoji mozot zai. Dhuvechea ghorant tigelea ghorkarachi avoi asa. Tika kitem kolltelem? Dhuv ti mhoji. Ostoreanchem dukh-sukh ostoreankuch somzota. Dhuvechi sasumai, tivui-i ek ostori Punn hanv khaxealli avoi. Chup!! Sun-sasumaincho suseg piddear zaunk tumchea oslea avoieanchem poilem pavl asta. Dhuvegher vhechi goroz nam. Tujea vonn tigelea sasumai-nk gorbestponnacho onnbhov asa. Teg bhurgeanchi avoi ti. Tum sangta tem sarkem nhi. Dhuvek apnnalea avoichi goroz nam, oxem nam. Hanv gelea xivai dhuvek suseg lagcho nam. Mhoji vatt pollevn astelem tem. Luiza kazar zalear tin vorsam sompun gelim. Rit-dekhinn ani mog divn ami amchea dhuvek vadoilea. Xistin (discipline) tem vaddlam mhonntoch tich xist apnnalea ghorkarachea famili vangddeam modim choloita ani hakach lagun sogott tachi apurbai kortat. Sasumaim asa ti aplich dhuv zalelea bhoxen amchea dhuvek vengoita. Thodde pavtti oslea borele ghorabe padd zatat tumchea oslea avoi-ank lagun. Khoinchea avoik zai aplea dhuvecho fuddar piddear zalolo? Amchi dhuv Luiza zolman ievnchea adim mhoji avoi mhojea fuddeant asleli Tujea kusvean amche dhuven rig ghetli tedna, tugelem voir-sokoll zatelem suhk-dukh aikupak amchea ghorant ostori nasli vo tuka sasu nasli. Hech khatir dusro upai nasun hanvem tuje avoik tujea vinontin amgher dovorleli. Punn tinnem amchea bhav-bhoinnichea mogacho ibadd kelo. Eklich bhoin ti mhoji. Mogan ami choltalim. Tuzi zaiti apurbai kori. Aplo ghorcho vavr soddun tum apoita tenna dhanvim-dhanvim ietali. Mhojea bhoinni vixim naka zalleo chukleo sangun unie ani nondde vo tujea ani mhojea bhoinni modim tujea avoin kestanvam ghatlelim. Ho ugddas asa tuka? Ani amchem por Luiza zolmachea adlea disa hanvem tuje avoik hagasorli dhanvdavun ghatleli ti aiz meren hea ghorant paim ghalunk hanvem tika dilo nam. Fokot fonar zapoitam titloch. Oslich ghoxtt mhojea dhuve sonvem ghoddleli naka. Punn hanv tosli avoi nhoi Shut-up .Ostore zatik vollkota hanv. Borele ghorabe koxe koslun poddtat hache velean obheas kela hanvem. Kan ugtte korun aik. Kenna vochunk ani khoim vochunk zai tem hanv bhes borem zannam. Sodeak nhesunk lag. Nhoi dhuvegher vochunk. Aiz Ponnje vokillachea offisant vochun kaim dokumentancher soi korunk zai mhonn, tum visorlem? Vokillaxim kam sompta mhonnlear donparchim 2 horam vazlelim. Eka Chinese khannavollint vochun tannim donparchem jevonn kelem. Xrimati Lodovina Chinese khanna mhonnlear ekdom pixi zata. Naka purean, pottar muteo marit khavpi ostori ti. Tata Indica mottorin Ponnje savn Raitura pavta mhonnlear Xrimati Lodovina-cho ordho jiv padd rostevelea kondkulant disco zait jevlelem Chinese jevonn goleak tenkun ailem. Xri Lambert-an, apli mottor gaddi garejin park korchea vellar Lodovina-nak onkare yeunk lagle. Monxan aplea pottacho sumar dovorun pottan dukhlunk zai. Lambert-an mhonnlem ani bailek gheun ghorant bhitor sorun nhannient vo toilet meren tika pavoili. TRINk .TRINK .TRINK . Telefon vazlo. Hello. Baba Lambert. Parabens!! Aikolam tumgelea Luiza-k onkare suru zale mhonn. Atam tum xapai ani mhoji dhuv xemaim zatelim. Lodovinachi avoi vo Lambertachi sasumain aplea zanvoim-ank porbim diun mhonnlem. Tumche oslea vhoddilanchea magnneanim mhojea dhuven amchea mukahmollar anond haddla .. Ami nigtinch bhitor sorleant Ponnje thavn .. Nam, nam .. Luizachea khobrek pavllim nant Fonacheruch khobor ghetlea . Tilsannim vellar vhetelim .. Londovina asa Jivak borem disona tachea ..Takai-i onkare ietat . ani .. Hello hello Maim Khuim geli ge .hello. (thoddeo sekend zatoch ) Hello. Baba Lamberto. Fonar, sasu-paicho avaz ailo ani fuddem uloilo Maim tujea lagim uloitam-uloitam ghunvoll yeun sokla poddli re baba. Lino B. Dourado Natem*-Relationship http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Looking for a deal? Find great prices on flights and hotels with Yahoo! FareChase. http://farechase.yahoo.com/