GOENCHEA 6 MHALGODDEA TIATRISTANCHO SOTKAR
Halinch mhollear, Abrilache 17ver Goenche Kala Akademin Dinanath Mangeshkar Kala Mandir Sobha-ghorant 6 mhalgoddea tiatristancho sotkar kelo. Hea disa Mukhel Soiro mhonn V. IXTT -cho sompadpi bhov manest Pri. Peter Raposo hajir aslo.1996 vorsa Tiatr Xotabddi zait meren , Kala Akademi dor vorsa Abrilche 17ver TIATR DIS monoita.Jea mhalgoddea kolakaramnim Konknni tiatram khatir iogdan kelam tancho hea disa sotkar zata. Hea vorsa, 6 tiatrist mhalgoddeank iadostik (bronze Natraj) ani Shal bhettoilem. Hea so mhalgoddeanchi thoddeach utramnim ollokh .
Joaquim Caetano Rato (Jack Bandis) Joaquim
Caetano Rato urf Jack Bandis.15 vorsanche piraier ganvchea festam-porbam somoiar Jack-acho tiatramnim proves zalo. Kolva-chea Xri.Cassiano D�Costan tachea angantli kola pollevn aplea eka tiatrant bhumika korunk taka sondhi dili. Hache uprant tannem vevsaik tiatristanchea zoxe porim, Remy Colaco, Jacinto Vaz, Luis Rod, Premanand Lotlikar, Annie Quadros, Josephine, Felcy ani heranchea tiatramnim nheslo. Antonio Moraes, Antonio Marie, Patrick Dourado, Tony Frank hanchea khell tiatramnim Jack-acho aspav asa. 35 vorsam Patrick Dourado-chea sumar 50 khell tiatramnim Jack nhesla. Patrick-acheach gazlelea Ostori, Dev Borem Korum, Lok Sangtolo, Familik Ollkhona tiatramnim tacho aspav asa. Bhattk-arachea obhinoiant taka lokamnim borich xabaski dileli asa. Sumar 150 tiatramnim to nhesla. Mumbai, Pune, Belgaum ani akh�hea Goeant tiatram somoiar Jack-an bhonvddi kelea.
Domingos Inacio Sebastiao Vaz (Domnic Vaz) 1929 vorsa, Varkeam ganvant zolmolo. Domnic Vaz hea nanvan taka chodd ollkhotat. Bara vorsanche piraier to Konknni machier choddlo. Minguel Rod, Cassiano D�Costa, Jacinto Vaz, Alexinho De Candolim, Nelson-Conception-Anthony, Kamat De Assolna, Jephsis Hitler, Tony Sax, Aristides Dias, John Claro, Souza Ferrao ani sabar nanvostea tiatrista-nchea tiatramnim to nhesla. Domingos-an kantaram rochlim ani kitlinch-xim gailim. Xezari hem tachem chodd avddichem kantar. Tann-em, Munddkarachi Sun, Kasador Frank, Apurbai-echi Sun Mhoji ani Sangon Gela hea nanvanche chear tiatr boroun dirgdorxile. 75 vorsanche piraier pavlolea Domingos-ak azunui Konknni machiecho khub
mog.
Francis Xavier De St. Filomena Almeida (F.ALMEIDA ) Francis Xavier St. Filomena Almeida, Kolva ganvcho. F. Almeida hea nanvan odik famad. Atth vorsanche piraier Cassi-ano D� Costa-achea Tum Mhoji Zau tiatrant taka bhumika korunk sondhi gavli.Tannem sumar chear tiatr boroileat ani veg- vegllea tiatristanchea 90 tiatramnim F. Almeida-an bhag ghetla. Miss Julie, Luis Rod, Jephsis Hitler, Jacint Vaz, M.Boyer, Josephine adi.hanchea vangdda tannem machier vavr kela. Tannem choddxi ostorechi bhumika kelea ani sabar duetam gaileant. X. Almeida-chea TIME PASS viddio filmant F.Almeida dista.
Romauldo D� Souza ( PAUL ROMY ) Romauldo D�Souza hea nanva bodlek Paul Romy hea nanvan to chodd gazlo.1946 vorsa Mumbai xarant, Paul Romycho zolm� zalo.To vevsaik komidian tosoch ek boro dirgdospi mhunn taka nanv asa. Sorgest Alfred Rose aplo margdorxok ani guru,urba divpi ani tache vorvim ponchvis tiatra-mnim kam� korunk sondhi gavli mhunn mandta. Goribank Okman ho tannem dirgdorxilolo poiloch tiatr.Valent Masca-renhas-chea-Inam Rogtacho, Prem Kumar-chea Dukh, Konnak Mhonno Maim, Rinn, Vavraddi, Khotto Poiso, Kaklut, Abdul Narayan D� Souza, Fulam ani Kantte, Vantte, Peleache Vostu-nchi Axea Korum Noie hea tiatram vorvim tannem borem nanv ani fank zoddli.
Marcelina D�Costa (Celina) Ganvan Cananguinim-chem.Celina hem tichem loukik nanv.Tichi gavpchi vegllich tora ani nizachi bhumika polleun, Vitorin Pereira-an tika 26 vorsanche piraier tiatr mollar bhitor kaddli.Celi-nachi kola fulonk Isidorio D� Costa tichea ghorkaran tika bhorpur sohokar dilo. Patrick Dourado-an tika aplea tiatramnim nhes-unk soeg dilo, je vorvim akh�hea Goeant tem ekdomuch fanki zale-m.Patrick-achea Suknn-em, Mira, Ligorio Ferna-ndes-achea Julius Cea-sar, Jezu Vatt, Sot Jivit, A.M.Pachecho-chea Fator hea fanki tiatram-nim, odikuch fankivont zale-m.Unnech unne 75 tiatra-mnim Celina-an bhumika kelea. M. Boyer, Prem-anand Lotlikar, Roseferns, Christopher, Prince Jacob, Felcy hea nanvostea
tiatristanchea vangdda Celin-an kam� kelam.Tia-trist koxem Mumbai, Pune, Karvar, Honavar, Kumta ani Ankola bhonvddi korunk Celina-achea noxibant ailam.
Jack Souza Ferrao Maria Conceicao Masca-renhas ani Antonio Francisco Souza Ferrao hankam 1937 vorsa, Fatorda ganvant Jack zolmolo. Sat vorsanche piraier tachea bapain boroilelea KUNNBI JAKI tiatrant nhesunk taka bhag favlem. Xiktana khubxea tiatramnim kam� korun aplo kolevont gunn dakhoitalo.Vevsaik tiatrist koso, Antonio Moraes, Fernandes De Sa Cruz, Tony Sax,Tony Dias, Jack De Varca, Menino Colaco, Rosario Dias, Mike Mehta ani Anil Kumar hanchea tiatramnim Jack-an bhag ghetla. Pri.Jose Antonio Cost-achea- Dr.Alfred nanvachea tiatrachem tannem dirgdosop kelam. Hea xivai tannem Hossai, Avoichem Sukh, Pai Aum Bhurgo muga hea nanvache tin tiatr borovn dirgdoxit keleat.
Board Of Advisory Committee Of Mumbai Doordarshan vangddi mhunn M.Boyer ani Valmiki Faleiro sangata vavurla. Amchem Noxib, Nirmonn, Bhuim-erantlo Munis, Kazar Za, Za, Za, Zatam Kazar, Zababdari ani To Dis Udelo hea Konknni filma-mnim Jack-an kam� kelam.
- Ives Tavares
Jivitacho Sangati
Sonvsarant choddan chodd viktem kitem-i ghevnk zata. Mon�xachem jivit? Mon�xachem jivit mat viktem ghevnk zaina. Bandhunui dovrunk zaina.Apleak zai toxem-i korunk zaina. Zoxem bhonvtonnchem vatavoronn toxem khubdam mon�xachem jivit cholta. Bhonvtonnchem vatavoronn na tor tea jivitak orth nam. Amchem jivit sopurnn nhoi, opurnn dekhun amkam amchea sangateachi sarkich goroz. Sangati tor zaich amkam. JIVITACHO SANGATI tiatrist Menino Mario-n boroilelea tiatrachem nanv. Hea tiatrachi kotha agllem-vegllem rup ghevn prekxokam mukhar ubi ravta. Ani ek veglloch sondex divn pollevpeank thottakaita.
Crossley (Menino Mario ) ankvar tornatto. Baravechem xikop kelolo tornatto. Apleak nokri mellchi mhonn he ani te kocherimin
zollpota.Bolsan pan duddu naslolean hea Crossley-ik khuinch nokri mellonam.Nokri mellta bolteankuch. Duddvankarancheach b hurgeank. Duddvamnim sonvsar vikto ghevnk zata mhonn chintolean k. Crossley-k bekarponn veddo ghalta.Crossley-chea futtkea ani dolldirea noxibak ver ieta. Punn tacho atm-visvas vegllech torechem dor ghal un taka fuddem vhorta. Eka vattsurea ani upodreank sampoddlelea Ja dh ( Franky) hea bhurgeacho Crossley samball korunk lagta. Dusre vatten, Crossley-chi okhol Cybel (Antonette De Maina ) taka kazar zavnk uskaita. Kazar zatoch bhurgem-ball zatelem ani poskea Jadh-acher ot�tolo maie-mog unnem zait vetolo hem chintun Crossley kazar zavpachi apli ievzonn fuddem duklit dis rati kodden ani rat dis kodden vhorot ravta. Cybel sonnsonnta. Ani Cybel aplea jivitacher akantachi ghuri ghalun Crossley-ik chintunui zap mellona tosli zap dita.
Frezer (Philip e Almeida) Ostoreo aplim kapddam bodoltat tosle vagnnukecho. Ekdom padde sonvoiecho. Cheddvam bodolta.Toxim
kitlimxinch bodoltat. Duddvanchem bhut mathear ghevn bhonvtolo Frezer kitlexeach cheddvank mennachim bavlim koxim khelloita. Koddoita. Soddta. Xekim taka Neha (Irene Cardozo) mellta. Tachem promannikponn bosttaita.Taka somdirache vattek laita. Tea fuddem.....? Hem zannam zaunk mud�dom korun ho Jivitacho Sangati tiatr polleuncho.
Ives Tavares
(V-Ixtt -ache upkarant)
WHAT'S ON AROUND WITH THE GOANS IN THE GULF:
MAY BALL 2005
Date: 12-05-05 Organized by Goan Welfare Society (GWS)-Kuwait
Venue: Safir Palace Hotel, Riggea Band: Stepping Stones
Highlights: Crowning of the MAY QUEEN 2005.
YGC BAHRAIN MAY QUEEN BALL
Date: 05-05-05 Organized by: Young Goans Club, Bahrain
Venue: Palace Inn Hotel Highlights: The YGC May Queen Contest
ANNUAL MAY QUEEN BALL
Date: 05-05-05 Organized by Goan Welfare Associate(GWA), Qatar
Venue: The Diplomatic Club. Highlights: Crowning of the May Queen.
UPCOMING EVENT IN GOA:
FRUIT FEST 2005 http://www.goa-world.com/goa/fruitfest/
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
Yahoo! Groups Links
http://groups.yahoo.com/group/gulf-goans/
[EMAIL PROTECTED]
