[Gulf Goans] AITARACHEO KASKULEO: Dakhovpache ani Kavpache Dant Veg Vegle ? - LINO B DOURADO

[LINO B DOURADO http://www.goa-world.com]

 
Pictures & Images of Goa 
www.goa-world.com/goa/pictures/
 http: www.goa-world.com presentation  
AITARACHEO KASKULEO: Dakhovpache ani Kavpache Dant Veg Vegle?
 
 
 
Gelea Sukrarak Kuwait-Hawally vosreant ‘Bhurgim, Mai-Paichem Sukh’ tiatr sompoun ghora pavtta mhollear ratchim sovai-ikra vazlim. Ghorant bhitor sorun angavele kopdde meklle korun hat ghalolo, itlean fon vazlo.

 
“Hello, konn uloitat?” 
 
“Remedios uloita. Nidhunk bha vochunk na mure?”
 
“Nigtoch ghorant bhitor sorlam.”
 
“Itlo huxir? Khoimchor pavlo tiatr sompoun?”
 
“Nitt ghora ailam. Sodamche bhaxen tiatr sanjechea 4.30 uprant suru zalo ani ratchea 10.00 uprant somplo”
 
“Kitlo lamb tiatr tor to?” Remedios-an vicharlem 
 
“Tiatrak don interval asle. Poilo, manacho soiro Colva Igorjichea Padri Vigaramchem lambdik bhaxon. Hea vellar vosreantlo thoddo lok bhair cha-pannim gheunk canteen-naxim gordhi kori ani dusro interval, borea dekhnar ani proskrut (sponsors) nanvamchi volleri vachop, 2006 vorsa meren pavteli tiatrachi kolovnni, housie/bingo, adi…adi. Mhojea fattlean uzvea bazuk boskecher boslele kaim zan uloitale tem hanvem aikolam (mhaka pollevn zalear xarki mahiti na).
  Utodd’ddekaranim housie-chi pisai (craze) tanchea prosidh ‘Ek Ankhi Nattkuleam Spordent’ bhitor haddli ani  atam ti dor tiatrak chalu urron gorze viret bolsak eka dinarachi kator lagta mhonn te boball kori.”
 
“Lokachim tonddam bond konn kortolo.” Remedios-an mhonnlem 
 
“Tem sarkem asa tujem. Mhaka ek sang papia. Tum keddnach tiatr chukoinaslo punn he khepek koso gaiob? Karan kitem?” Poilech pavtti Remedios ani tachem kuttumb tiatrak hajir naslem tem pollevn hanvem vicharlem.
 
“Zaum to tiatr, nattok vo chollchitr. Koll vicharachea nanvam velleanuch somzunk zata borovpeachea pennachi takot. Aichea tiatrachem nanv ‘Bhurgim, Avoi-Bapaichem Sukh’ zaunk zai aslem ani nhoi borovpean aplea tiatrak dilam toxem. Dilolo mhatalo (title) jahir korta tujea liknnechi dorjo kitli pasun voznadik asteli ti. Ani dusri ghoxtt mhollear tum mhoje dhuvek bore bhaxen vollkotai. Tem khoimsoruch ievnk toiar asa ponn tiatr mhollear fattim sorta. Karan mhollear tiatr vellar suru zainant ani vegim somponant. Taka, hanv zobordosten Konknni tiatrak haddtam punn keddnaim tiatrachi dorzo sokoilea panvddeachi zali mhonnntoch moddekat tiatr sodun ghora portochem poddtta. Ani tisrem karan mhollear duddvamcho ibadd. KD 5.000 tikett aslear amche pondra dinar zatat. Housie-k vetat 3 dinar. Goeant thavn soirea kolakar ietat te ritea hatanim ienant. Don nhoi zalear char
 VCD filmam vo audio CD ghevn ietat. Tankam vetat tin vo char dinar. Oxem korun tiatrak ailelea lokachea bolsak borich kator lagta Ani xevottak prekxokank monam pasand kormonnunk (entertainment) mevona zatoch niraxi zavn tiatrachea vosreanle bhair sorchem poddta.”. 
 
“He khepek anik eka oddea dinaracho khorsantlo vanchlo tum.”
 
“To koso re?”
 
“Tiatracho souvenir oddea dinarak vikla.”
 
“Hem sarkem nhoi. Ho iadostik vo souvenir aplea tiatracho ugddas koxo digdorspean vo karriakram ghoddun haddpeanim hajir aslelea prekxokank funkott vanttunk zai aslo. Kharan mhollear hea souvenir-ache duddu jahariti ekttaoun zomoitat, mhonntokoch chhapacho korch bhagovpak oddea dinaracho vicharuch iena.” Remedios-an nixedh porgottun sanglem ani fuddem vichar kelo “Ek sang, comedi koxi asli?”
 
Mhojem poddottichem sangpachem kainch nam, ponn hollant uloitelea lokachea tonddantlem aikolam tench sangtam. He khepek Prince Jacob ani Humbert-ache komedicher lok khuxeal nam. Vorsam sorlim porot-porot tech vinodhi sonvadh (dialogues) “hem tuje maimchem modem” aikun-aikun lokak tanchea komedicho vaz aila khoim.”
 
 “Tanchea sangatak comedi ranni Querobina aslelem. Tannem tori comedi bhumika bori korun prekxokamche pottant dukhosor hansoile astele.” 
 
“Querobina-n vevosthit eke avoichi bhumika keleli ti dolleank boro sarkhi asli, ani nhoi……” 
 
“Khitem mhonnta re?”
 
“Itlo ghobirponnim vichar kiteak?”
 
Tujea thaim aichea tiatrachem hand-bill asa?”
 
“Na. Punn oddea dinaracho souvenir asa. Kitem gomounk zai?”
 
“Tujea thaim Mario de Majorda, ‘Chuklelim Panvllam’ tiatrachem hand-bill asa.”
 

“Romi Sahit’eo punzavpi Kalarpurche Brazinho Soares sarkelo dislo tuka?. Tim hanv kiteak samballun dovortolom? Hea vellar hem tuka sogott kiteak zai?  Polle, tum jevun-khaun khattir nhidunk gela astolo. Kitem sangchem asa tem thoddea utranim sang.” Ghoroz nasleleo gozali aikupak vell naslelean hanvem mhonnlem
 
“Bhurgim, Mai-Paichem Sukh" tiatrachea hand-bill-ar Jacob ani Humbert hanchea modhim Querobina dista. Hacho orth digdorspi sangunk sodta, Querobina tanchea barrabor comedi bhumika kortelem mhonn. Hakach lagun mhoji mavxi bhoin aplea ghorkarak adit-adit mhonnlelea porim tiatrak ghevn geleli. Babddi borich niraxi zali asteli. Khaxallem digdorsponn somzotele zoxe porim Mario de Majorda-n aplea ‘Chuklelim Panvllam’ tiatrachea poster-ar Comedian Agostinho eka pulisechem angvostran zalear Comedian Salu eka koideachea angvostranim nhessun aslele fotu dilele. Tiatra disa tannim ‘Chor-Pulis’ comedi korun borench nanv komoilem. Thodde digdorspeank, dakhovpache dant ani kavpache dant vegle astat.”
 
“Tuje vichar bhouch unchle asat mhonn aiz somzun ailem mhaka..” Tachi tokhnnai korun hanvem mhonnlem.
 
“Ani zannaim mure……ago rav go….”
 
 “Konnank rav mhonnta?”
 
“Amgeleak”
 
“Khoim asa sundorem tujem?”
 
“Voir” 
 
“Ani tum”
 
“Hanv sokoll.”
 
“Shut-up ollxige,” ani hanvem fon bond kelo.
 
Punn thoddea vellan mhoji tube light pettli. Mhojea borea ixttak ‘ollxige’ mhonntlem mhonn mhojem mon korzun ailem. Ghoddie Remedios fuddlea mhoineant aslelea "TUM VHOIR AUM SOKOL" musical show-achi gozal kori naslo mu? 
 
 
 
 
 
Lino B. Dourado                  
 
Email: [EMAIL PROTECTED]         21/8/2005

www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado>





 




 This first of its kind Gulf-Goans e-newsletter is dedicated to Goans around the Globe. http://www.goa-world.com/ Team, moderated by Almeida Gaspar since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature.  Thanks for the support to Goa and Goans. Support the less fortunate: http://www.goa-world.com/goa/smtmem/Upcoming Shows in Kuwait:  Navelim Youth Centre-Kuwait will hold their traditional grand gala 'NYC Nite' on 1st September 2005 at Hotel Crowne Plaza starting 8.00 pm.Comedian Philip's "TUM VHOIR AUM SOKOL" on 16th Sept. 2005. Remember it's P.V. Production's second musical show with talented guest artistes/singers/ musicians from Goa
 and London and a JUMBO cast from Kuwait.
		 Start your day with Yahoo! - make it your home page 





http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: gulf-goans@yahoogroups.com 
Subscribe: [EMAIL PROTECTED]  
Unsubscribe: [EMAIL PROTECTED]  
List owner: [EMAIL PROTECTED] 
URL to this page: 
http://www.yahoogroups.com/group/gulf-goans 







    


  
  
    SPONSORED LINKS
  
          
                  
            
        Safat
      
                      
        Asian
      
                      
        24 hour
      
              
                        
            
        Culture
      
                      
        Best wishes
      
                      
        Kuwait
      
              
                    
           
  







  
  
  YAHOO! GROUPS LINKS



   Visit your group "gulf-goans" on the web. 
   To unsubscribe from this group, send an email to: [EMAIL PROTECTED] 
   Your use of Yahoo! Groups is subject to the Yahoo! Terms of Service.