Sonvsarantlo vegllo sonvsar
Chikalechea bond Konventant jietolea madrinchea jivitachi khobor Bosco de Sousa Eremita aplea utramnim manddta.
Konnui tea konventak bhett diunk gelear, taka tim ghuspagondollachim, grilanchim daram distat. Darachi ghanttli vazoita tedna legit koslich khatri mellona. Kaim vellan eke ostorecho tallo oso uloilolo aikunk ieta. Mhoj-ean, tuka kolso adhar dium ieta ? Uprant te bhettecho hetu sangcho poddta, vonttinkuch sang-lolea porim. Upkar korun hi chavi ghe, tujea uzveak bospachem kudd asa tem ugodd, ani thoim-soruch bos. Sistor tuka mellunk ieteli. Hem to ostorecho tallo bhitorlean thavn sangta. Ani ti chavi hatant kaddtana, te ostorechea panvlancho avaz kanar poddta, ani illo-illo korun nanch zata.... Ek madr ieta. Bhett korunk
aileleak bhettta. Punn tichea mukhamollar aslolo poddddo tichea ani bhettunk ailolea modem vonott ubi korta.
|
Konventantle fottu samballun dovorleat tantuntlo ek fottu |
Ami sonvsara pasun vegllim-eksurim asat oxe he gril amkam ugddas kortat, oxem 82 vorsan-che piraiechi Madr Teresa Marie sangta. Ti Sonvs-thechi nivrut zaleli Sorv vhoddil. Punn atam, mho-llear Vatikan Dusre Sobhe uprant, tim khub borim asat oxem ti fattlo ugddas kaddun sangta. Tache adim ,lok amkam mandu-nuch ghenaslo.
Adim, zo konn bhettunk ietalo tachea tonddak polleun ulounk zainaslem. Bhailea mon-xak bhitor asleleachem tondd disona zaunk zone-lak ek poddddo astalo. Bhettunk ailolea thaim uloitana jextt (senior) madr chotraien aikotali ani bhettonk ailolea thaim apunn kitem uloitat tachi madrimnim chotrai dhorunk zai asli.
Ami bhitor khoxal aslim (ani asat), punn amchem jivit polleun bhettunk ietoleank odd-chonn zatali, oxem Madr Marie sangta. Punn Vatikan Dusre Sobhen sogllem bodollem.
Ponnji rajdaniche dokxinnek ani 28 kilomitor pois aslelem he sonvs-thechem Chikale (Chica-lim) konvent suru korun 13 vorsam zatoch, 1960 vorsa Fransez Madr Yvonne he sonsthent bhi-tor sorli. Aiz tichi pirai 80 vorsam. Vatikan Dusre Sobhe uprant mhoji avoi mhaka bhettunk aili. Fransant aslelea mhojea ghorabeachi khobor mhaka sangtana, okos-mat, konnakuch gomoi-nastana Kardial Gracias bhitor sorlo. Uprant, amchech eke madri thaim, bhailea kuddant bosun uloita ti porki ostori konn oso tannem vichar kelo. Ti mhoji avoi mhonn gomtoch to ojeaplo ani dar ugtem korunk hukum dilo. Hanvem ani avoin ekamekak veng marun umo ghetlo. Ti mhoji ani avoichi nimnni bhett asli.
Don vorsam fattim, bhett koxi tankam TV dilea. Punn tea adim, aplea sorbhonvtim sonvsarant kitem ghoddta hachi tankam matui khobor nasli. Juanv Paul Dusro Pap Saib mortoch, heo bond asleleo madri ganv-chea sarpanchak bhettun, Pap Saibachea mornn-achi rit polleunche khaitr apleak kebol-achem connection maglem.
Amkam magnnem korunk vell mellcho mhonn ami bhair vocho-nanv. Onathancho, pidd-estancho ani zannttel-eancho samball kortelim khubxim dhormikam asat, tankam ami magnn-eantlean tenko ditanv. Amkam Jezuchim zavpa-cheo bhavna asat. Zorui mhojean bhair vochunk zaina, provochon korunk zaina, somajik vavr korunk zaina, torui astana Dhoni mhojem magnnem Igorz-mate khatir aikota hem hanv zanna, oxem Madr Marie sangta.
Gobra rongachea tea vhodd durgant aslele bagint vavrunk fokot bhailea teg adhareank bhitor ieunk porvangi asa, hache bhair anik konna-kuch na. Bazar, haddpacho choddso vavr bhair-bhitor sorpi madr korta. Tika bhair vochunk porvangi asa, punn bond aslelea herank mat na. Tanchean fokot voizaxim, hospitalant ravonk poddlear, korttant vo korttachea odhika-reamxim vollok-potr hadd-unk vo venchnnuke vellar bhair
vochum ieta. Ghora avoi vo bapui mornnache tonnir asa zalear, te madrik aplea ghora vochunk-ieunk fokot ek voracho vell ditat. Tea ek vora modem tinnem aplea morteleak ghottaiechim utram pa-charunk zai, tancho axirvad ghevn portunk zai, punn tanchea mornnant mat bhag gheunk zaina, kiteak amchean loka modem misoll zaunk zaina.
Chikalechea he konventant morteleank matiek lavun 7 fondd legit asat. Hem konvent svot-ontrponnim cholta. Zan-chem magnnem Devan aikolam tim borem magpi tankam duddvanchea, tandllanchea, dallichea, tanteanchea ani her vostunchea rupan denngi ditat. Punn khuinchech poristhitint tanchean bhik magunk zaina. Dubav na, hem konvent mat dhorm-prantachem bolladik ghor oxem mandtat.
|
Bond vonttim modem sangatan jieupi madri aplech bhitor tiatr korun khuxalkaien aplo vell sartana distat. |
Mha-dhormprant oddchonni astat tedna Bism amkam porot-porot te kherit firgoje khaitr magnnem korunk sang-ta, Madr Marie sangta.
Choddxim magnnim moddlelea ghorabeam ani piddestam khaitr astat. Hi magnneachi goroz tankam fone korun bhailea desantlean, kheritponnim Gulf ani Canada thavn e-mail korun kolloitat.
Aichea kallak ami Cyberage mhonntanv. Bond madrinche sonvsth-echea madrincho som-bond Cyberage-i thaim chukun ailo.
Hea konventant ravpi ek madricho soiro aslo. Apleak jivitachi sangatin mellche khatir magnnem korat mhonn sangunk to porot-porot tanche
bhettek vetalo. Ek dis tankam bhettunk vetana, Australia thavn tannem vangdda kompiutor, monitor Printer ani UPS haddlo. To sang-onastana ailo, kompiutor mandun dovorlo ani vet-ana tujea sangateank kompiutor xikoi mhonn aple soire madrik sangun gelo.
Haka lagun poilech pavtt amkam mortelea Pap Saibache dekhave polleunk mellle oxem Madr Theresita Fernandes sangta. Madr Fernandes ani Madr Luivy Menezes dogaimkui Internet-achi bori zannvai asa.
Donparchea ani ratchea jevnna uprant heo madri thoddo vell san-gatan ani meklleponnan sartat. Hea vellar tim hanskutleo (jokes) san-gun ani hansun ogeponn moddtat. Kedna-kedna-i ami khub boball kortanv. Bhailea konnakui sang-lear to sotmandchona. Disantlean ami ogeponn samballlelem tacho tol samballunk ho boball amkam faideacho zata, oxem
Madr Hesune sangta.
Hea konventantlea madrink dusrea-i vavrant-lean ienavoll ieta - tim parti-kulam toiar kortat, fulam roitat ani kazarank fulan-che ture toiar korun ditat. Tea xivai, igorjek lagu zavpi vostram (vestements), ani hoklanchi-i nhesonn toiar kortat. Hoklank kazarachi nhesonn vikpacho dhon-do korteleank heo madri toiar kortat tim hoklechim vostram borinch avoddtat.
______ www.v-ixtt.com _______
- Forwarded by http://www.goa-world.com
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Gulf coast real estate | Gulf shore al real estate | Gulf shores condo |
| Gulf shores real estate | Asian manufacturer | Gulf coast condo |
YAHOO! GROUPS LINKS
- Visit your group "gulf-goans" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
