Wilujeng. Hade eta neng Roro, "kungsi" ka Liberia sagala. Pangpangna mah eta tauco, kabeuki si kuring :). Sakali deui: wilujeng.
manar 2011/10/1 Ki Hasan <[email protected]> > ** > > > Nu Panggih di Liberia > ku : Nyi Roro > > (Mangle No.2341, hal. 22-23. Kaping terbit: 29 September-5 Oktober 2011) > > Geus meh dalapan bulan kuring ditugaskeun ku PBB di nagara Liberia. Salila > eta, kuring saimah jeung Mr. Steve Rungsington, tangtara Amerika. Diaranan > kitu soteh, pedah jelemana rungsingan pisan. "Mamang" , ku kuring sok > disebut kitu, da manehna leuwih kolot tujuh taun ti kuring. Kuduna mah > leuwih koloteun tapi kalakuanana siga budak kamari sore, euweuh teuing > araheunana, pikasebeleun kabeh. > > Nu pangna nyaeta sok ngageungeureuhkeun batur, mun dina panyakit tea mah > geus stadium akut. Ningali batur make baju dines atawa rek masamoan kurang > alus keur tetempoan manehna, digeunggeureuhkeun. Ningali batur barang > asakan, mun teu cop jeung letah manehna langsung cuh cih > ngageunggeureuhkeun. Barang daharna siga hayam, uprat-apret di mana karep. > Geus puguh ari beberes mah, jauh pisan ka daek, eusi imah jadi awut-awutan > siga kandang bagong. > > Panyakit hiji deui nu karandapan Mr. Rungsington nyaeta tara daek gaul > jeung batur. Boa-boa di nagara asalna ge manehna teu boga batur nya? Sok we > geura, sakitu geus lila saimah jeung manehna, ih sugan daek mumuluk atawa > dahar peuting babarengan, baroraah teuing! > > Sumpah kuring mah! nyaan, daek medu! Keuheul pisan basa ningali manehna > ngajungjungkeun wadah sambel nu ngahaja dijieun sina loba tarasina. > Katingali irungna nu ngadungkuk jaba liangna molongo sagede guha Jepang, > ngambeuan eta wadah bari enyur-enyuran. Tarangna nu geus ngariut tilu gurat > jadi nambahan sababaraha gurat, katingali beuki pajurawet"Oh, thank you.. > this is too strong for me.." ceuk eta mangkeluk tuluy neundeun wadah bari > ngaleos teu permios. > > Kuring ge teu ngabibisani mun manehna teu beukieun kana kadaharan kuring > (pasakan Indonesia), tapi cik tong kitu-kitu teuing atuh! beungeut > pikacuaeun beuki we siga si Blekih keur ngambeuan "kueh" nu meujeuhna haneut > karek purucut tina bujur munding. Mun teu inget keur mawa ngaran bangsa > jeung nagara, sakapeung mah mani sok hayang nalapung balik ka Amerika! > > Leuheung mun langsung jempe, ieu mah ditambahan deui ku ngecom > ngabandingkeun dahareun nu sok didahar ku manehna jeung nu didahar ku > kuring. Majarkeun teh dahareun kuring mah pipanyakiteun wungkul, teu sehat. > Ari manehna? Pirana ge roti eusi sele suuk! Naon onjoyna? Eta mah tamba era > we pedah teu bisa barang asakan, anggap we kaleng butut! gombraaang! > > Unggal weekend, sakumaha sasari apartemen kuring di kompleks Riverview sok > jadi pangjugjugan ku babaturan ti Indonesia. Kaayaan kompleks nu matak > pikabetaheun kacida legana, pernahna di sisi walungan Saint Paul Monrovia. > Kompleks dijaga nepi ka 24 jam. Sagala rupa fasilitas diayakeun. Aya balong > paragi ngojay mun rek ngojay sawaregna, mangga. Rek fitness aya rohanganana, > rek lumpat sayogi jogging track-na. Bisi rek internetan bisa make sambungan > dedicated wireless internet nu cang cing ceng, timanan langganan ka ISP > lokal laon kacida cocog pisan keur nu ngabuburit, jaba sok lup-lep siga > kuya. > > Poe pere keur Mamang Rungsington mah sok dipake ngablu. Atoh we keur kuring > jeung wadya balad mah, bisa bebas ngabarakatak bari eak-eakan make basa > Indonesia ge moal aya nu ngageunggeureuhkeun. Tapi, mun kabeneran si Mamang > keur aya di imah sok jadi matak risi sarerea. Manehna ngudukeun make basa > Inggris sanajan ngawangkong teh jeung babaturan ti Indonesia, sieun > diomongkeun goreng meureun! > > Ari keur kuring jeung babaturan mah poe pere teh dijadikeun acara keur > ngamumule kuliner Indonesia. Menu pasakan nu dipikaresep ku kuring jeung > babaturan nyaeta Menu Saka. Enya, sakainget, sakahayang, sakapanggihna > diluyukeun jeung kaayaan di Liberia nu walurat ku sambara lekoh siga di > lemah cai. > > "Gi, aya asin cumi yeuh! Urang pasak yu!" ceuk Hadi nu karek balik ti > Indonesia bari ngaluarkeun asin cumi tina ransel nu dibaguded keneh ku > palastik ambih bauna teu kaambeu kamana mendi. Puguh we atoh, da arang > langka manggih asin cumi di Liberia. Kuring ngobetan resep di internet nu > kira-kira cocog keur ngasakan lauk asin cumi bari diluyukeun jeung sambara > nu aya. Tah geuning kapanggih, "Tumis Asin Cumi Tauco" . Kuring nyampeurkeun > kulkas nu ngajugrug di juru dapur rek ngilikan tauco sugan aya keneh > dikieuna. > > Hih, sisinarieun aya keneh ningan? Ketang, da memehna geus ditapelan kertas > nu ditulisan ku basa Inggris nu hartina kurang leuwih kieu," NU KURING, AWAS > TONG DIPICEUN. RAMUAN AHENG TI NINI" . Sasarina si Mang Rungsington sok > mariksa eusi kulkas kaasup barang nu lain boga manehna. Inget keneh basa > hiji poe kuring ampir nyarekan si Sarah! > "Sarah! Naha tauco anyar dipiceun??!!" kuring nanya rada ambek make basa > Inggris pedah ningali sabotol tauco anyar geus aya dina wadah runtah. > > "Oh eh.. aduh, punten Pa, abdi dipiwarang ku Mr. Steve miceun eta botol, > teu kiat ku bauna ceunah..." ceuk si Sarah ara ap eureup eup, sarua make > basa Inggris. Kuring ngamaklum, bau tauco nu sakitu "seungit" na keur bule > mah matak piongkekeun. > > Saha ari Sarah teh? Neng Sarah teh nyaeta tukang bebersih di imah > Riverview. Manehna boga tanggung jawab kana kabersihan jeung nguruskeun > sagala rupa urusan rumah tangga. Nyeuseuhan baju seragam nepi ka kolor nu > aya di imah. Neng Sarah geus bisaeun barang asakan menu Nusantara, kayaning > Sate Hayam, Sate Domba, Goreng Sangu, rupa-rupa tumis jeung sayur. Tapi > angger teu dititah ge, sok keukeuh ngawanohkeun pasakan Liberia. > > Eh, naha jadi ngomongkeun si Sarah? Urang balik deui ka acara masak tea. > Harita nu keur pakepuk di dapur teh limaan, kaasup kuring. Salah sahiji > lantaran nu ngajadikeun kuring resep masak, komo cicing di kompleks > perumahan staf PBB Riverview nyaeta : dapurna lega. Di rohangan eta kuring > jeung babaturan remen ngayakeun arisan. > > Saacan breng masak, jandela dibuka-bukakeun ambih haseup teu ngelun di jero > imah. Kabeh sapuk yen si Mamang keur euweuh di imah, jadi panto dapur teu > kudu dipeundeutkeun. Tugas mimiti dibagi, Hadi nyiksikan bawang, Didit mesek > jeung ngumbah sayur, kuring kabagean ngumbah asin cumi. > > Mimiti numis sambara ku mantega. Geus rada koneng, asin cumi digebruskeun, > langsung ngabudah. Kaayaan harita lir ibarat di pangperangan, asin cumi > pating beletok rame naker silih tembak jeung papada musuhna.. Sambara mimiti > nyerep kana asin cumi, katingali kelirna jadi semu beureum. "Whatta bloody > hell is this smeeeeellll!!!@%@!@ ? I sense a dead body in the house!.!!!!*" > ujug-ujug aya sora ngajoworok tarik pisan. > > Kabeh nu aya dirohangan pating lalieuk tuluy papelong-pelong. Beungeutna > parias bakatku reuwas. Nu keur barang asakan ngadadak siga arca. Panon > Siregar bolotot bari nyekelan peso. Biwir Arif calangap, eureun ngumbah > wadah. Kitu deui kuring nu keur ngagongseng asin cumi, eureun heula bari > nyekelan cungkir. Kuring yakin jero hate babaturan kabeh eusina sarua, ," > Hag siah! Si kasebelan aya di imah!" > > Lol, sirah si Mang Rungsington nolol di lawang panto. Panonna mureleng. > Ningali di rohangan dapur aya limaan, geus pasti manehna eleh jajaten. Si > Mamang geus ngartieun mun weekend teh acara rutin kuring jeung babaturan, > jadi rek ngambek ge teu wanieun da sieun dihurup. Ngan, eta irungna angger > enyur-enyuran siga irung marmot. "You guys enjoy your party, ok! I am going > out!" ceuk Mang Rungsington rada leuleuy bari ngaleos. > > Ba'da Magrib, Tumis Asin Cumi Tauco jeung sagala rupa pasakan Nusantara > geus ledis, teu nyesa saciwit-ciwit acan. Nu nyesa kari imut wareg babaturan > kuring nu kamerkaan bakating ku seubeuh teuing. Ti harita kapanggih, > sihoreng nyingkahkeun si Mang Rungsington teh babari, teu kudu make bedil > komo nuklir, cukup ku asin cumi nu melenghir. > > roro_rohmah@... > > >
