Fikmin #Fullmoon#
Cetrék ngonci panto dapur. Méméh ngincid muru nyubuh, ngadon ngajanteng heula di buruan. Dina harieumna tatangkalan, mencrong bulan nu moncorong lebah kulon. Enya asa rada songék bulan téh, dina Saptu subuh ieu mah. Asa songék jiga basa Kemis subuh dua poé kaliwat. Beda jeung basa Jumaah subuh kamari. Bulan ngempur sampulur taya cédana. Ras ka mangsa keur ulin di lembur. Ngadon ngabungbang dina mangsa caang bulan opat welas. Ras deui ka mangsa dua minggu kaliwat. Kapan milu munggahan puasa téh nu poé Jumaah.
