Aah meakeun waktu nanggap omongan si Rangga mah, hayu batur urang koroyok we ieu jelema teu boga cedo teh ! ceuk balad nu dalapan . Atuh dalapan urang ngaburusut maju ngaraponan Ki Rangga ! Ku maha ari Ki Rangga ? Ih manehna mah tetep we kalem, teu kaciri manehna gimir; estu teteg ! Ger we ieu dua pihak teh tarung rame pisan ! Ari si Sanca manuk mah nempokeun we lalajo ti sisi; bari siap2 , mun perlu manehna ge rek maju. Bari nakisan serangan2 dalapan anak buah Ki Sanca Manuk, Ki Rangga masih bisa nyarita:”Eh Ki Sanca Manuk ! sok atuh sampeyan ge maju ngoroyok, kapalang !” Bari heat2 nakisan nu ngoroyok. Enya ge Ki Rangga dikoroyok, kaciri manehna tetep tatag; teu pisan kaciri kadesek, tanda yen elmu silatna oge lumayan. Tapi nu dalapan ge kaciri gede hate; piraku cenah dalapan urang teu bisa ngelehkeun hiji jelema ?! Ki Rangga memang sama sakali can bisa males ka eta nu ngoroyok; lantaran eta nu dalapan oge rata2 elmu silatna marantep; tapi can aya hiji ge nu ngaluarkeun senjatana. Ki Rangga sakapeung kaciri mundur; tapi geus kitu maju deui; jadi ahirna manehna tetep aya dihareupeun karetana, teu obah ti na asalna manehna mertahankeun posisi kareta. Keur rame eta nu tararung; Si Sanca Manuk ngadeukeutan kareta terus muka panto kareta, manehna kaget nempo wanoja geulis keur diuk we di na kareta. “Hahahaha ! Pantes we Ki Rangga sakitu bebelana ! Pantes ! Memang nu kayak ieu mah kudu dibela nepi ka pati. Hahahaha ! Rangga ! Kula moal jadi nampa eta duit bayaran; bakal dipulangkeun deui ka si Jagur ! Ngan ieu wanoja; bakal direbut keur pipamajikaneun Kula ! Jadi kakeyeng Kaula ngarebut ieu wanoja leuwih gede deui ! Hahahaha !” Ngadenge omongan kitu ampir wae Lasmini teu tahan; huntuna mani kekerot nahan nafsu amarah nu meh budal; ayeuna kaciri Ki Rangga luncat ngabebaskeun ti na kepungan, terus wae muru ka Si Sanca Manuk; ngan sakilat duanana geus silih tukeur jurus; jeplak ! jeplak ! dua leungeun paadu ! duanana mundur, ngarasa leungeunna duanana pada2 baal ! Tanda yen boh Ki Rangga boh Ki Sanca Manuk; tanaga jerona kira2 saimbang. HANCA
