Assalamu'alaikum Wr.Wb.
Syahril Bakri sarato Sidang RN
ambo raso ikolah salah satu guno dari RN ko, tampaik kito batanyo, tampaik babarito.
lorong kapado nan manjadi alasan untuak indak malakekkan gala dek karano gala saketek dan maindakan batingkah dibalakang, ambo raso kurang pado tampaikno, karano, tiok suku ko iyoi ndak banyak bana gala pusakono doh, saroman dipasukuan ambo, rasono antaro 10 - 15, gala, kabatulan tajadi pulo ditipak ambo badunsanak ibu, dunsanak kanduang ambo jo dunsanak sa ibu, lai nan sagala, karano katuju dibaliau mamakai gala tu, bak kato urang " saukua mako manjadi, sasuai mako takanak" jadi rasono batingkah dibulakang lai indak katajadi doh, antah kok gala Datuak / Panghulu nan dipakai.
tapi samantang pun baitu, kan tiok padang lain bilalang, tiok lubuak balain ikan.
satantang ka mamakai gala nan dulu dipakai Apak (harusno tantu gala Pusako Apak) ambo raso lai bisa, tapi proses langsuang ambo raso iyo agak kurang tapek, karano gala Apak tu adolah pakaian suku apak, sabalun buliah dinan punyo (pasukuan apak) tantu indak buliah doh.
Supayo bisa nak mamakai gala tu, ambo raso cukuk babiliak ketek Mamak jo kamanakan sarato kaluarga, namun kalau mamakai gala apak, tantu saijin dari bako. Jadi indak paralu bana dialekkan doh, sasudah itu baru dilewakan baliak ka karik jo kabiah sarato ipa jo bisan.
Iko namono majapuk nan tatingga, mangamehi nan taicia
kok singkek mintak dibilai, nankurang bari panukuak
Wassalamu'alaikum Wr.Wb.
Bandaro Labiah
[EMAIL PROTECTED] wrote:
Assalamu'alaikum Wr.Wb.,
Yth. Sidang RN dan Mak Bandaro (maaf indak makasuik mambahas diri pribadi, tapi dek lai ado hubungannyo jo adaik urang awak), siapo tahu ado manfaat juo.
Satalah ambo tanyo ka mamak kami di kampuang, ruponyo memang waktu ambo ka manikah dulu nenek ambo (almarhumah) memang sangajo indak maagiah gala waktu itu do, alasan karano gala yg tasadio adolah sangek saketek dibandiang jo jumlah cucu/kamanakan yg sangek banyak, untuak menghindari pertengakaran dimasa datang/kedepan.
Tapi jawaban yg ditambahkan juo bahwa, menurut beliau batua gala adaik ko juo bisa dari bako, yaitu Lelo Sutan (gala dari almarhum bapak), so pertanyaan baliak mak, apokah ambo bisa mamakainyo sacaro langsuang tanpa prosesi nyo.
Demikian, banyak maaf.
Wassalam, Syahril
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
