Ma sagalo adiduinsanak jo anak kamanakan di salapan pinjuru angin ko, Koran Singgalang kapatang manurunkan kapalo berita "PEMERINTAH PEDULI SMK DHUAFA" nan mambaritokan, "sikola swasta nan manampuang siswa SMK Dhuafa, ka diagiah subsidi dek Depdiknas", janji Murtoyo, Kasubdin Manajemen Dikmenjur, Depdiknas. Sudah tu TVRI Sumbar kapatang dalam warta beritanyo manayangkan gambar siswa Dhuafa babarih tertib di jalan-jalan kota Padang manunjuakan angek hati, dek mereka lah dipinjami gedung nan bisa manampuang 18 kelas, mungkin iko nan dijanjikan Irfianda Abidin, di jalan Gajahmada, Gunuang Pangilun. Jadi mudah-mudahan kalibuik sikola salasai, minimal untuak samantaro. Tapi kalau yayasan ko indak juo aktif manggarik mambuek gedung sendiri, dan menganggap barang pinjaman jadi miliknyo surang, pisang bisa babuah duo kali. Nah, sia nan kamonolongi yayasan ko? Manunjuaklah sajak kini. Kok RN jo RF iyo lai peduli, disampiang manaruihan bantuan rutin nan taralah, tolongilah pitih untuak mambali tanah jo pambuek gedung. Jan beko tajadi lo sangketo sakali lai jo nan punyo gaduang, sebagian rang lapau basorak lo: Irifianda indak baperikemanusiaan, mausia anak-anak kaum Dhuafa.
mak Sati ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________