Assalamu'alaykum Wr.Wb. Ronald P Putra sarato sidang RN
dek taimbau pulo sakatek, ambo cubo pulo manjawek, untuang kok lai kapaguno. tapi sabalunno, ambo cubo manyampaikan baliak, satantangan Diskusi (apolah namono ...) topik sabalunko, kok diambo bak pantun kapatang juo, ""basilang kayu ditungku, disinan api mangko ka hiduk", tingga diawak maambiak nan elok, maelok-i sado nan salah, nan paralu adolah caro manyampaikanno. "iyokan nan diurang, lalukan nan diawak " tapi malalukan nan diawak tantu jo dalil pulo. indak managakkan banang nan basah. babaliak rundiangan dari Ronald P Putra, satantangan pantun, ambo cubo mauleh. Mamangan nan disampaikan dek Ronald P Putra, iyo alah pado tampaikno, tapi ado pulo saketek nan takana-takana, yaitu adia (adil). Kadang-kadang adia ko indak pulo harus "manimbang samo barek, kok maukua samo panjang, mambagi samo banyak doh" tapi baginjaikan juo saketek banyakno. Saumpamo maagiah balanjo ka anak-anak, atau THR untuak kamanakan, mako nan ketek rasono cukuk Rp.1000, maklum anno baru sikola SD, kalau alah SLTA tantu indak cukuk Rp. 1000, tapi diagiah agak Rp. 5000, baitu pulo nan alah kuliah (atau alah remaja) tantu diagiah Rp. 10.000. baitulah salah satu ujuik adia. Balam jo kekek bari makan barilah makan kaduono panjang jo singkek dicubo mampaulehkan indak sampai ka ba a juo. Wassalamu'alaykum Wr.Wb. Bandaro Labiah --- In [EMAIL PROTECTED], "Ronald P Putra" <[EMAIL PROTECTED]> wrote: > > Waalaikum salaam wr wb. >===== > > Kok manimbang samo barek > Kok maukua samo panjang > Kok mambilai samo laweh > Kok baragiah samo banyak > Ikolah makasuik adil yang ado dek ambo... > > Lamak dek awak katuju dek urang > Tasampai mukasuik mampaelok i > Sanang hati urang mambaco, hilang karuik di kaniang > Nampak dek urang nan bana, manjadi pahalo disisi Allah > Tamotivasi urang untuak barubah > Bakarilahan urang akhianyo > Itulah bahaso kritikan yang ambo pahami > > Tapi kalau babeda juo awak dalam caronyo > Bialah basatu tetap awak dalam niaiknyo > Mudah-mudahan tacapai makasuiknyo > Ma'af jo Rila akhianyo > > (Mak Bandaro Labiah, pelok i yoh jiko ambo salah dlm bapantun, > maklum baru baraja pulo...) > > wassalaam, > Ronald ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________