Salam,
-- Mak Ngah
-----
Maa Rang Lapau nan Basamo,
Iyo angku Adyan. Barito-barito kritis dan mengerikan saroman ko kalau indak jaleh bana sumbernyo sarancaknyo awak bahati-hati manarimonyo, apolai mamporowaikkannyo.
Tadinyo ambo ingin mamverifikasi jo Angku Syahreza dimaa bana sumber postingnyo tu karano indak manyabuikkan source atau sumber beritanyo salain "Sabtu, 02 April 2005 NASIONAL" sajo. Saroman nan pernah Mak Ngah sarankan ka Rang Lapau sabalunnyo, kok awak mangutip posting atau katarangan dari tampek lain, sarancaknyo (bahkan diharuskan) awak mambarikan sumbernyo, supayo urang dapek manelitinyo.
Dek ambo pun mangucap-ngucap menggelengkan kapalo mambaco barito tu, ambo langsuang mancari-cari di dunia maya sia bana Professor Cas tu. Dapek di ambo website Monas University dan memang inyo pakar geologi di sinan langkok jo karir dan riwayat hiduik sarato buku-buku nan ditulihnyo. Tampaknyo memang baliau pakar atau expert di bidangnyo. Jadi ambo pikia rancak ambo mintak katarangan jaleh ateh ramalan baliau tu.
Mudah-mudahan alamat emailnyo tu batua dan email MakNgah sampai ka baliau, kito harokkan Kiito nan Basamo dapek katarangan nan jaleh dari Professor Cas. Sampai wakatu manulihko alun ado balehnyo lai. Mungkin kini sadang malam di Australia. Kito tunggu. Sabananyo email tu ambo kirim duo kali, karano sasudah ambo caliak di Lapau postiang tu indak masuak ka Lapau, kosong isinyo. Jadi karano email tu indak babaliak malantun kaambo, MakNgah anggap Porfessor Cas alah manarimo kaduonyo. Kito tunggu balehnyo.
Nah, karano barito ko lapeh ka kito di tampek umum saroman itu, sadangkan biasonyo satiok pernyataan atau pambari tahuan ado audiensnyo. Kamungkinan Professor Cas mangarahkan pembicaraannyo ka audiens akademis di bidangnyo dengan ado saliang pagaratian manganai jarak "waktu geologis". Itulah nan MakNgah sangsikan kalau mungkin alah ado kasalah pahaman tantang "jangka waktu". Itu nan ingin MakNgah mintak jalehkan ka Professor Cas.
Indak dapek dimungkiri nan bahaso, Gampo, Patuih, Mauik, atau Hari Kiamaik, akan tajadi tapi alun ado lai urang atau ahli-ahli nan dapek maramalkan BILO hal itu akan tajadi. Nah, "jangka waktu" (time frame) dalam pandangan geologi agak relatif babeda jo pandangan awak individu nan sadang iduik. Misanyo Sapuluah Ribu Tahun dapek dianggap oleh geologis "Sabanta" sajo dalam dalam pabandiangan jangka waktu geologi miliunan tahun. Sadang di awak "Sabanta" ko aratinyo "cacah lai", saroman kalimat "Ambo ka pai ka bulakang cah, tasasak ka tondeh." Jadi lari tabirik-birik ka tondeh di tabek bulakang Lapau sabanta tu juo. Nah dek tasasak tu, mungkin tasialia lo kaki atau tataraung,tabarumbun lo awak ka tobek. Nah dalam hal iko barangkali salah diinterpretasikan apolai dalam suasana panik cando iko.
Pokoknyo bagi Kito nan Basamo, iko manuruik pandangan paribadi Mak Ngah, bapaciak kito ka aksioma ahli-ahli, bahaso alun ado lai ahli-ahli nan dapek manantukan dengan pasti bilo Gampo, Patuih, Mauik, Kiamat tu ka datang. Mungkin itu rashasio Tuhan. Hanyo dapek ditantukan kalau alah ado izinNyo:
"Man dzal ladzii yasyfa'u 'inddahuu illaa biiznih" (Ayat Kursi).
Jadi, samantaro tu, kito jago hati jo parasaan kito supayo kito jaan talalu panik di dunia ko. Apolai, istimewa, dalam suasana Gampo jo Tsunami nan mangguncangkan kini ko barangkali rancak kito taruihkan kakok kito masiang-masiang pado tampeknyo dengan indak lupo badoa dan batawakkal kapadoNyo. Karano lah acok kito ulang-ulang, kaji kito, indak tahu kito BILO kito ka dipanggiaNyo ka hadiratnyo. Nan jaleh kito sadonyo kan kumbali kapadoNyo:
"Kaifa takfuruuna billahi wa kuntum amwatan fa ahyaakum, tsumma yumiitukum, tsummayuhyiiku, tsumma ilaihi turja'uun..."
Baa manko awak ka maengkari Tuhan Allah, padohal tadinyo awak mati, sudah tu diiduikkanNyo. Inyo pulo nan mamatikan awak baliak, sudah tu diiduikkanNyo lo baliak, Sudah tu kapadoNyo kito sadonyo kan kumbali ..."
(Tarjumahan MakNgah dari Quran Surek Baqarah ayat 28.)
Sakitulah dahulu. Mudah-mudahan kito salalu di bawah linduangan dan patunjuahNyo, Allah Subhanahua ta'ala.
Ihdinash siraathal mustaqiim...
Salam, -- Mak Ngah
38142 From: "adyan" <[EMAIL PROTECTED]> Date: Wed Apr 6, 2005 5:05pm Subject: Re: [EMAIL PROTECTED] Sumatera lagi bergerak
Iyo tu mak Ngah. Berita danau Toba bisa malatuih sampai ambo print dan pacaliakkan ka rang gaek dan babarapo perajin tenun. Tantu tacangang-cangang sajo lah baliau.. indak tantu nan ka disabuik... Jadi rancak bana kalau mak Ngah bisa manolong mamintakkan klarifikasi dulu ka Prof nan manjadi sumber berita tu. Alah koh dapek dan baa jawaban baliau? (Ambo sulik mambayangkan standard time nan tacantum di mail mak ngah, Sent: Wednesday, April 06, 2005 7:27 PM)
Sabantako sampai pulo alert gampo dakek Bengkulu, magnitude 5.6, 25 km dari kota Bengkulu tu bana. Iyo lah dibaonyo saluruh pantai barat sumatra
Wassalam -adyan
----- Original Message ----- From: "Sjamsir Sjarif" <[EMAIL PROTECTED]> To: <[EMAIL PROTECTED]> Cc: "Lapau" <[EMAIL PROTECTED]>
Subject: [EMAIL PROTECTED] Sumatera lagi bergerak
>
>
> Ray Cas
> Professor / HonoursM.Sc. Coordinator
>
> Dear Professor Cas,
>
> I found your email address from the homepage of Monas University.
>
> Someone posted your warning regarding the possible volcanic eruption in
> Lake Toba, Indonesia. (In our Mailing List
> Rantaunet: <http://groups.yahoo.com/group/RantauNet/messages>http://groups.yahoo.com/group/RantauNet/messages) .
38133 From: "M. Syahreza" <[EMAIL PROTECTED]> Date: Wed Apr 6, 2005 7:46am Subject: [EMAIL PROTECTED] Sumatera lagi bergerak
Subject: FW: Sumatra sedang 'bergerak' > Importance: High > > Sabtu, 02 April 2005 NASIONAL > Pakar Peringatkan Letusan Gunung Api di Danau Toba > SYDNEY - Ketika Indonesia sedang berjuang keras mengevakuasi para
Internal Virus Database is out-of-date. Checked by AVG Anti-Virus. Version: 7.0.300 / Virus Database: 266.7.2 - Release Date: 3/11/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
