Assalamu'alaikum wr.wb., Manolah dunsanak sa palanta nan dirahmati Allah SWT. Salamoko ambo manyimak sajo ciek-ciek etongan antaro angku Taufik Malin jo dunsanak-dunsanak nan lain, sampai jo manariak diri Rangkayo Rahima dek karano alah pasai barundiang jo angku Malin ko. Sajauah nan tampak di ambo, tantangan angku Taufik Malin ko, (nan alah labiah tuo dari ambo dek baliau mangecekan umuano alah kapalo anam) bahaso baliauko tampakno mangaji jo ilimu nan indak cukuik tapi sangat taqlid, sangaik maaguang-aguangkan apo nan baliau katahui-tu walaupun sangaik bana tampak dangkano.
Mangko dari itu angku Malin, cubolah paratian bana. Contoh sarupo nan ditanyoan dek Ahmad Ridha dibawah. Tantang shalat jo bawudhuak. Batua ado indikasi (nan masih paralu katarangan labiah jauah) tantang wakatu-wakatu shalat. Baiak subuah, zhuhur, asar, maghrib sarato isya di dalam al Quran. Tapi di maa di dalam al Quran katarangan nan sabana jaleh? Tantang shalat subuah? Tantang shalat zhuhur dan sataruihno? Baitu juo tantang jumlah rakaatno? Dimaa bisa di caliak dalam al Quran? Kudian dari itu, dimaa di dalam al Quran tantang caro mangarajoan shalat sajak dari muloi takbiratul ihram sampai barakhia jo salam? Tantang bacoan-bacoanno, tantang gerakan-gerakanno? Padohal Rasulullah SAW mangecek-an (hadits), shalatlah kalian sabagaimano kalian mancaliak ambo shalat (shalluu kamaa raaitumuunii ushshallii). Dek baliau manyuruah awak, umaik baliauko shalat sarupo awak mancaliak baliau shalat. Padahal awak indak mancaliak doh baliau shalat sabab awak iduik alah 1400 tahun labiah sasudah baliau, mako pegangan awak adolah hadits-hadits (baiak ucapan maupun contoh parbuatan baliau) nan manarangkan tantang shalat cako. Adono hanyo di dalam hadits, nan awak sabuik juo sunnah rasul. Jadi baa kecek awak ka maingkari sunnah Rasulullah tu? Al Quran manyuruah awak managak-an shalat, mambayiakan zakat. Tapi indak ado rincianno caro managak-an shalattu di dalam al Quran. Adono hanyo di dalam hadits. Indak ado rincianno bara musti mambayia zakat tu di dalam al Quran. Adono hanyo di dalam hadits. Baitu juo untuak hal-hal nan manyangkuik muamalah. Allah malarang awak mamakan riba. Yaa ayyuhallatziina aamanuu laa ta' kulurribaa adh'aafammudhaa'afah (wahai orang-orang yang beriman janganlah kamu memakan riba yang berlipat ganda....). Apo nan disabuik riba? Baa contohno, baa batasanno? Indak ado di dalam al Quran. Adono hanyo di dalam hadits Rasulullah SAW. Baa kecek angku Malin ka mangingkari? Atau angku Malin indak shalat sarupo nan dicontohkan Rasulullah? Atau angku Malin indak mambayia zakat? Kalau kaduo partanyoan iko sajo angku jawab jo indak, dek indak ado rincianno dalam al Quran, mako angku nyato-nyato bukanlah urang Islam nan bariman, walaupun angku mambaco al Quran. Sabab diantaro ciri-ciri urang nan bariman itu bariman kapado Allah, kapado Rasulullah SAW. Bariman kapado apo nan diturunkan kapado nabi Muhammad. Manjalankan parintah-parintah Allah nan disabuikkan di dalam al Quran, kudian dijalehkan dek Rasulullah SAW. Baitu juo manyangkuik masalah-masalah lain. Tantu angku Malin lai bakaluarga, alah panah manikah. Baa carono dulu malakukan akad nikah tu? Apokah indak sacaro Islam? Kalau sacaro Islam dimaa angku Malin ambiak dalilno? Hanyo di al Quran sajo? Kalau iyo dimaa surekno? Ayat bara? Panah mangalami kamalangan? Ado anggota kaluarga nan maningga? Baa manyalanggaroan jenazah nan maningga tu sajak dari mamandian, mangafani, manyalatkan, mangubuakan? Atau janazahtu indak disalanggaroan sacaro Islam? Sabab indak ado katarangan di dalam al Quran untuak manyalanggaroanno? Tantu panah mandanga tantang mandi junub, sabab ado di al Quran katarangan tantang mandi, indak cukuik jo bawudhuak sajo kalau awak sudah junub? Baa caro mandino? Sabab di al Quran hanyo disabuik-an mandi sajo? Di dalam al Quran banyak pulo ayat-ayat Allah tantang managakan jihad fii sabilillah. Apo nan dimukasuik al Quran tantang jihad fii sabilillah tu? Baa awak mamangaratino sabab dalam al Quran indak ado rincianno? Adono hanyo di dalam hadits Rasulullah SAW. Di dalam al Quran ado larangan Allah mamakan harato urang lain sacaro bathil kacuali jo caro jua bali. Nan maa sajo nan dimukasuik jo caro-caro bathil tu? Baa pulo carono bajua bali? Katarangan langkokno hanyo ado dalam hadits Rasulullah. Jadi baa kecek Malin kamangingkari sunnah? Ka indak picayo jo panjelasan labiah rinci dari Rasulullah tentang babagai macam kamashlahatan dalam kahidupan umaik Islam? Mako dari itu angku Malin. Kumbalilah kadalam agamo Allah sacaro kaffah. Barimanlah kapado apo-apo dan diturunkan Allah kapado Rasulullah tamasua jo katarangan-katarangan baliau nan baliau sampaikan untuak manjalehkan firman-firman Allah SWT. Sakitu sajo dari ambo, mudah-mudahan bamanfaat. Wassalamu'alaikum wr.wb., Lembang Alam Kapado ustadzah mudo Rahima, Bukankah Allah bahkan mamparingatkan Rasulullah, ' Laisa'alaika hudaahum, walaakinnallaahi yahdii man yasyaak' ? ----- Original Message ----- From: "taufikmalin" <[EMAIL PROTECTED]> To: <palanta@minang.rantaunet.org> Sent: Friday, June 03, 2005 9:01 AM Subject: [EMAIL PROTECTED] (I)Mhd. Razi.Seputaran Al-Qur'an - Hadis - Fiqh(sebuahpertanyaan) - Shalat dan Wudhu > > Assalamu'alaikum wr wb. > > Angku Riza nan sadang batanyo, mudah2an ayat2 nan ambo kirimkan ikoo, mudah2an ado manfaatnyoo dalam menambah keyakinan kito kepada Allah dan Al Quran yang satu. > > Dan sebarkan keterangan dari Allah swt koo ka pado umat islam dengan sopan santun, ramah tamah, dan kasih sayang.Insya Allah Allah menambahkan rahmat2Nya kapado kito basamo di Planto koo. > > > > Al Quran adalah buku pedoman yang lengkap dan sempurna, jelas dan mudah dimengerti bagi siapa2 yang ingin belajar. Dimana kita bisa menemukan ayat2 Allah tentang pelaksanaan Shalat. > > > > 1. Shalat subuh dalam ayat QS.11;114, 24;58. > > Dirikanlah shalat itu pada kedua tepi siang dan pada bahagian permulaan malam. > > 2. Shalat Zuhur, dalam ayat QS.17;78, 30;18 > > Dirikanlah shalat dari sesudah mata hari tergelincir sampai gelab malam da n subuh. Sesungguhnya shalat subuh itu disaksikan oleh malaikat. > > 3. Shalat Ashar dalam ayat QS.2;238 > > Peliharalah segala shalatmu dan shalat Ashar (shalat wusthaa) Berdirilah karena Allah dengan khusuk > > 4. Shalat Magrib dalam ayat QS.11;114. > > Dirikanlah shalat kedua tepi siang dan pada bahagian permulaan malam. > > 5. Shalat Isha dalam ayat QS.24;58 > > Sebelum sembahyang subuh ketika kamu menanggalkan pakaian mu ditengah hari dan sesudah shalat Isha' > > Sebagaimana Allah memberitahukan kepada kita semua untuk melaksanakan shalat dengan waktu yang sudah ditentukan oleh Allah swt. Lengkapnya dan kesempurnaannya di contohkan oleh Rasulullah saw. > > > > Shalat jumaat; QS.62;9. > > Hai orang orang beriman apabila diseru untuk menunaikan shalat pada hari Jumaat maka bergeraklah kamu kepada mengingat Allah dan tinggalkanlah jual beli. Yang demikian itu lebih baik bagimu jika kamu mengetahui. (dikarek) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________