Mak Sati yth.
Ado nan sanang ado nan kecewa. Tagantuang dari sisi ma awak
mancalaiaknyo. Sabananyo mampalaweh kota Bukittinggi sampai bantuak itu
kan marupokan skenario pamarintahan orde baru ( apokah urang orde barutu
urang Minang atau dilua Minang ). Kalau di ranuangkan kan indak masuak
aka, ibu kota Kabupaten Agam dipindahkan ka Lubuak Basuang, baa mangko
indak ka Banuhampu nan labiah dakek untuak saluruih Nagari, atau
pemekaran kabupaten nan dilakukan. Kabupaten Agam di bagi duo, bantuak
kabupaten Solok. Di zaman orde baru alah dimuloi dek Suharto jo kebun
kelapa sawit. Sabab status tanah di Minang ko indak buliah bak kecek
awak sae mako tuan tanah agak pusiangnyo manjarah tanah di nagari awak,
muskipun calonyo tantu urang juo. Pado pamilihan walikota Bukittinggi
kapatangko kecek urang nan ambo danga alah dikirimnyo urang untuak
basaiang jo Djupri ( ambo sendiri bukan penyokong atau anti Djupri,
sabab awak indak terlibat ), urangtu alah banyak ma abihan pitih untuak
kampanyenyo, manuruik nan ambo danga baliauko adolah punyo hubungan
dakek jo anak Suharto, kabanya rakyat Bukik tau soaltu, mako mananglah
pak Djupri. Iko kaba nan ambo danga. Sabalun orde baru jatuah,
kampuang ambopun lah muloi dijarah, dek karano ado urang kampuang ambo
di Jkt ko nan anak buah si Tut, nan pangananyo singkek, nyo iming imingi
urang kampuang jo kahidupan nan labiah baiak, lah nyo rambah se bukik
kamitu, nyo peralat pamuda kampuang jo pitih. Alhamdulillah kami
disalamaiakkan Allah swt, Suharto jatuah. Kok indak, lah indak baraia
sawah kami, indak baraia sumua, tantulah urban urang kampuang kami
kasadonyo kakota, tingga bagajalimpik dirumah petak, atau manjadi
pelayan dirumah sandiri. Sungguah indak tabayangkan kalau Suharto indak
jatuah, bantuak aa kampuang kami tu.
Mak Sati kampuang ambo lai indak tamasuak jadi kota doh, ambo basyukur,
indak cimburu doh. Pambangunan kini dimuloi di Nagari, mudah mudah an
Nagari nan tingga tu cerdas manjawab tantangantu.
Sahinggoko ota dilapau dulu, kopi alah abih pulo,goreng pisangalah
tingga dadak nyo se , mato ari lah tinggi pulo diurak langkah lai.
Salam jo maaf dari ambo.
Isna
Syamsir Alam wrote:
Bandaro,
Salamaik jadi urang kota.
Cimburu ambo, dek tatap jadi rang kampuang.
mak Sati (68->69)
Tabiang, Padang
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
