Waalaikumsalam w.w. Ajo Duta, Ambo sangaik mandukuang gagasan Ajo Duta iko, karano memang alah ado kabutuhan riil untuak itu. Kalau kito baco rubrik Kontak Jodoh di koran 'Kompas' misalnyo, kan alah ado anak gadih atau rando urang awak nan mancari jodoh sacaro taruih tarang, sambia manyabuikkan ciri dirinyo jo ciri calon jodoh nan diinginkannyo. Ambo sandiri juo ado anak gadih, potongan lumayan, alah tamat sikola, jadi attorney di Caltex, punyo rumah, punyo oto, gajinyo gadang, tapi pamiliah bana, sahinggo adiaknyo tapaso mintak izin daulu untuak kawin. Tahun muko inyo ingin sikola pulo dulu ka Amerika, disikolakan Caltex. Kan galinggaman ambo dibueknyo. Babarapo wakatu nan lalu ambo jo duo rekan ambo di Komnas HAM basarato jo Bundo Hayatun alah mamulai langkah ka arah itu, sacaro labiah malimbago. Nan ado di kapalo ambo adolah mamulai suatu langkah parsiapan pendidikan mambantuak rumah tanggo. baik nan alah ado jodoh maupun bagi nan alun, sahinggo baitu dapek jodoh, kaduonyo alah siap jadi calon orang tuo nan batangguang jawab. Indak tatutuik kamungkinan dalam proses pendidikan itu sandiri dapek jodoh. Kalau diizinkan Allah swt gagasan iko akan ambo tindaklanjuti dalam bulan-bulan mandatang, khususnyo karano masalah masyarakat hukum adat nan jadi bidang ambo di Komnas HAM alah ampia duduak. Alasan gagasan parsiapan pandidikan mambantuak rumah tanggo nan ambo kambangkan tu adolah: 1) baiak manuruik ugamo kito maupun manuruik hukum positif, rumah tanggo adolah batu sendi masyarakat, tampek lahianyo anak-anak warga masyarakat maso datang; 2) manuruik panglihatan ambo, alun ado limbago nan bana-bana mampasiapkan pembentukan rumah tanggo sacaro tuintas, padohal paranannyo baitu penting; 3) hak padusi dan hak anak dilinduangi sacaro khusus dek undang-undang, khususnyo taradok kakarasan dalam rumah tanggo; 4) pangalaman manunjukkan bahaso indak mudah mambantuk, mamaliharo, sarato mempasiapkan rumah tanggo tampek tumbuah dan kabambangnyo pandidikan anak-anak, apolagi kini uang sikola tabah lamo tambah maha, sadang pancarian tambah lamo tambah sulik; 5) samakin tinggi sikolah anak gadih kito, samakin sulik pulo inyo dapek jodoh, apolagi sakironyo inyo talalu pamiliah bana; 6) ajaran adaik kito indak banyak patunjuaknyo taradok baa rumah tanggo nan baiak, apolagi karano laki jo bini tatap dalam sukunyo surang-surang supayo harato indak jatuah ka urang lain, dan 7) urang sumando hanyo -- dulu -- 'abu di ateh tunggua', sia pulo nan amuah dipalakukan sarupo tu. Aratinyo, sambia mancarikan jodoh untuak kamanakan kito itu, ado rancaknyo kito mulai bana mambuek limbago nan akan manangani masalah rumah tanggo iko sacaro bakasinambungan. Kalau abih dines ambo di Komnas HAM ambo tatarik manangani masalah iko, bakarajo samo jo badan-badan lain nan alah ado, saparati BKKBN, Departemen Agamo, Komnas Perempuan, Yasco, dan tantunyo jo Komnas HAM sandiri, dima ambo ado punyo koneksi. Lanjuik Ajo. Wassalam, Saafroedin Bahar (70 th kurang) ----- Original Message ---- From: dutamardin umar <[EMAIL PROTECTED]> To: rantaunet <palanta@minang.rantaunet.org> Sent: Thursday, August 17, 2006 9:36:19 AM Subject: [EMAIL PROTECTED] Forum Perjodohan
Assalaamu'alaikum sanak ambo di palanta., Ambo manyarankan agar palanta awak bisa juo dimanfaatkan sebagai forum perjodohan. Untuk itu ambo ingin memulai. Ado konco ambo urang awak juo. Beliau eksekutif puncak disebuah perusahaan besar di Jakarta, minta bantuan ambo untuak mencarikan jodoh bagi putrinyo seorang dokter gigi usia 29 tahun, yang telah praktek di Jakarta. Mungkin ado anak atau kamanakan sanak nan kebetulan alun dapek jodoh. Marilah kito cubo-cubo melakukan pendekatan. Sanak yang berminat silahkan mengubungi ambo via japri. wassalam/ajoduta/59 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================