Tolong dibaca aturan di footer dibawah --------------------------------------
Assalamu alaikum ww. Katubah Jumaaek tadi intinyo adolah mampersoalkan masaalah korupsi dikalangan kariawan Negara, indaklah takajuik awak mandanga prihal korupsi karano kurupsi ado dimano2, namun Indonesia adolah diantaro negara nan mandapek ponten tinggi babandiang Negara tetangganyo saparati Singapura,Brunai dan Malaysia,walaupun korupsi tatap ado tapi bilangan dan nilainyo agak randah,kurupsi tarang2 indak berlaku sababtu ambo sabuik kepeang dibawah meja, tapi dinagari awak, onde mak oi...tarang tarang indak malu indak sagan indak kiro sia sajo, kayo bansaek tuo mudo kalau indak ado kenal rang dalam atau indak ado beking, indak amuah basubahat karajo haramtu jan di arok karajo kasalasai, malahan akan dipersulit, urusan nan saketek akan dipagadang,urusan sahari jadi babulan2 amuah jadi bataun, iko indak terkecuali di Ranah Bundo, sampai bilolah Bapak2 awaktu nak makan pitih haramtu? dalam alkuran ado ayaek nan mangatokan Pemberi dan Penerima sama2 berdosa sama2 melakukan perbuatan haram kato katik kutbah, tapi karenah birokrasi dinagari awak macam lah mandarah dagiang saparati satu karajo wajib nan dipasokan awak malakukannyo, kok mambangkang basadiolah manarimo akibaeknyo. Ambo teramatlah sadiah karano Ranah Bundo nan tasabuik Basandi Syarak lah batuka manjadi basandi pitih. Dek rindu jotaragak dek umua lah tuo juo lah manjalang kapalo 80, marayu mintuo mintak pasan nak manjalang tanah subarang mancaliak anak jo cucu, lah dikirim pitih pauruih Pasport salangkapnyo, lah tasadio sagalo surek manyurek, tibo di kantua Imigrasi, banyak soal siasat, banyak soalan nan indak mangarati nan gaek2 banyak syaraek nan nyo mintak, kok indak dapek maadokan jan diharok pasport ka dapek antah batuka jo karateh ba nol banyak, antah bara arago nan sabananyo tapi baratuih2 ribu nan nyo andak, baitupun arago batingkek2 ikuik maso,kok nak kilat ikuiklah urang kayo, kok nak saminggu satangah kayo, kok sabulan saparampek kayo, kok satangah bansaek nasib nasib, kok lai murah hatinyo nyo agiah kok indak tunggulah bulan jatuah kaselo, tapi kok bansaek nan disabuik, mainlah jauah2. Dunsanak Rang Minang nan ambo hormati, sampai bilo koh Apak2 awaktu nak mamaso awak basubahat karajo haramtu? Indakko taraso malu? mangemis dan mangompas rang kampuang sandiri? Indakko taraso seso nan kamanimpo? pitih haram dibao pulang pambali bareh nan kadimakan anak bini, manjadi darah dagiang ka katurunan, sia kolah nanka barani manyabuik manyuarokan? anto Rakyat diam sajo? mungkinko rakyat dek lah biaso jo caro iko? baalah caro nak membenterasnyo? sakurang2nyo mangurangkan katahap minima. Tolonglah agiah pandapek wahai Wargaku? Tarimo kasih, Kani47 --------------------------------- Want to start your own business? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
