Boas. A fin de semana pasada estiven no Fosdem. Andaba por alí tamén a xente de Mandriva nun stand. Así que, aproveitando, fun presentarme, ensinarlles o noso proxecto (web, wiki, proxectos, etc.), intentar amañar o da miña chave ssh para o svn, etc.
Botei reunido con eles toda a mañá do sábado. Entre as cousas subliñables que falamos/fixemos: - Cambiar a miña chave ssh no ldap. Non funcionou. Sigo con problemas de acceso, aínda a pesares de ter creado unha chave nova exclusiva para Mandriva. A solución que me deron foi preguntar na canle de #mandriva-cooker en freenode. A ver se teño un anaco esta semana e me conecto dende a FIC, que aquí teño o ssh capado e non podería facer probas de acceso. - Dixeron que estaban planificando a montaxe dun sistema de traducción en liña e que querían saber as nosas preferencias ó respecto. Eles falaban de Pootle e eu engadín Transifex. De tódolos xeitos, comenteilles que eu non estaba moi posto no tema, e que quería consultalo con todos vós antes de dar unha opinión pechada sobre o tema (ide dando opinións, por favor). Así que me deron os seus enderezos electrónicos (entre eles o xefazo de Mandriva) e quedei de mandarlles un correo coas nosas preferencias. Supoño que tamén abrirei un fío sobre o tema nas listas de i18n de Mandriva. E iso é todo polo de agora. Mantereivos informados da evolución destes temas.
_______________________________________________ Proxecto mailing list Proxecto@trasno.net http://listas.trasno.net/listinfo/proxecto
